Ég er lögreglumaður norður á landi. Fyrir um 2 árum dreymdi mig að ég væri á slysstað þar sem um var að ræða eldri systur vinar míns (hann seinna byrjaði í löggunni á staðnum en ég veit ekki hvort það tengist eitthvað). Ég var einkennisklæddur, en húfulaus. Það var rigning, þungskýjað og trén voru ekki laufguð, þó var gras grænt. Átta bláir bílar voru ýmist ofaná eða í kringum einn grænan bíl eins og eftir harðan árekstur. Allir bílarnir voru af sömu gerð (sem ég man ekki hver var). Ég varð að færa bláu bílana með handafli áður en ég kom að þeim græna. Það sá ekkert á neinum bílanna og konan þessi var ómeidd. Hún sat hins vegar í bílstjórasætinu með hendur í skauti og sagði ekki neitt. Þegar ég spurði hana hvort hún fyndi til hristi hún hausinn lítillega en þagði áfram. Ég bar hana útúr bílnum, setti hana frá mér í vegkantinn og sveipaði hana teppi. Þegar ég leit upp og í kringum mig stóðu þar allir sem ég þekki, allir sem ég get með góðu móti sagt að ég sé málkunnugur. Þau stóðu allt í kringum okkur og horfðu á mig. Og þar með vaknaði ég. Dettur einhverjum eitthvað í hug?