ég get sagt þér hvað orðin þýða og þá geturðu kannski lagt saman 2 og 2 ;)

STRÖND: Dreymi menn að þeir séu að spóka sig á strönd munu þeir þurfa að réttlæta gerðir sínar fyrir einhverjum vini. Séu menn naktir á strönd munu þeir taka sér eitthvað óvenjulegt fyrir hendur fljótlega. Dreymi menn að þeir séu einir og yfirgefnir á grýttri strönd verða þeir ríkir og hamingjusamir að loknu erfiðleikatímabili í lífi þeirra.

FLEKI: Séu menn á fleka í draumi neyðast þeir til að fara í ferðalag í vöku. Dreymi menn að þeir sjái fleka á hafi úti verður líf þeirra fjölbreytt á næstunni.

DYR: Dreymi menn að dyr opnist óvænt ættu þeir að skrapa saman öllu því fé sem þeir geta því gullið tækifæri býðst til að ávaxta það. Sjái menn margar dyr í draumi mun einhver, sem þeir treysta ekki, heimsækja þá. Berji menn á dyr í ókunnugu húsi og sé hleypt inn munu þeir brátt eignast nýjan vin en sé dyrunum ekki lokið upp mun dreymandinn verða fyrir vonbrigðum í ástarmálum.

RIGNING: Draumar um mikla rigningu og storma eru fyrirboðar vandamála, hættu, missis og ógnunar. Sjái menn í draumi að það rignir úti boðar það mikil auðæfi. Dreymi menn þrumur og regn, sem valda ekki tjóni á dreymandinn hættulega óvini en sigrast á þeim. Séu menn í úðakenndri, notalegri rigningu mun þeim ganga vel með það sem þeir eru að fást við um þær mundir. Slíkir draumar eru sérlega góðir fyrir elskendur. Þeir boða stöðugleika, væntumþykju og geðprýði.

FRÆNKA: Dreymi menn frænku sína þýðir það að gagnkvæm væntumþykja og hjálpsemi er milli dreymandans og ættingja hans.

Borg: Stórborg í draumi er tákn metnaðar. Dreymi menn að þeir séu á leiðinni í stórborg, munu þeir ná settum markmiðum.

HESTUR: Að sjá marga hesta í draumi merkir auðlegð. Það er góðs viti að maður sjái hesta, taki þá eða fari á bak þeim. Dreymi menn að þeir sitji tígulegan hest með fullum reiðtygjum munu þeir eignast myndarlegan, göfugan og ríkan ástvin, sé hesturinn í eigu þeirra.

Jæja, gangi þér vel að ráða fram úr þessu…margt af þessu hefur mjög góða merkingu:)