Ég veit alveg hvað stendur í ljóðinu :) Þetta er hins vegar sú túlkun sem hann leggur í þetta, túlkandinn. Það getur auðvitað verið að hans túlkun sé röng - en þá verður allt hitt sem hann hefur túlkað ögn ótrúverðugara.

Jafnvel þótt það sé aðeins átt við að andkristur komi fram, þá getur þetta samt naumast átt við Bush. Þótt við höfum kannske fyrst heyrt af þessum syni George Bush 1999, þá var hann búinn að vera ríkisstjóri í Texas í nokkur ár ('95-00). Hann var því ekki beint að spretta fram á sjónarsviðið 1999. Í júní 1999 tilkynnti hann að hann ætlaði sér að reyna að verða foretaframbjóðandi repúblikana, og kosningarnar voru árið 2000. Í sama erindi er talað um að þessi „konungur óttans“ ætli sér að endurvekja hinn mikla konung ‘Angolmois’, hver svo sem það á að vera og túlkandi vill meina að sé stafavíxl fyrir mongolois. Mér þykir það raunar vafasamt.

Síðan er ég einfaldlega ekki viss um hve mikið sé að marka þessa þýðingu. Sá sem þýðir ‘six cens septante’ sem 607 ætti helst að gera eitthvað annað en að þýða úr frönsku. ‘Septante’ þýðir nefnilega ‘sautján’, ekki ‘sjö’, og þá þýðir ‘six cens septante’ ‘sex hundruð og sautján’. En auðvitað þarf að þýða ‘septante’ sem ‘sjö’ en ekki sem ‘sautján’, því annars væri ekki hægt að láta þetta eiga við Hitler:

Tímamót í lífi Adolfs Hitlers


Margir munu deyja áður en Fönix deyr.
Eftir sex hundruð og sjö mánuði hlýtur hann
sitt skapadægur, þegar árin fimmtán, tuttugu
og eitt og þrjátíu og níu hafa liðið.
Fyrsta árið lýtur hann í lægra haldi fyrir
sjúkdómi, annað árið hefur hann vopnaða
sveit vegna ógnunar við líf sitt og árið
þrjátíu og níu er hann undirorpinn eldhríð.


Plusieurs mourront auant que Phoenix meure,
Iusques six cens septante est sa demeure,
Passé quinze ans, vingt & vn trente neuf.
Le premier est subiet à maladie,
Et le second au fer, danger de vie,
Au feu à l'eau, est subiect à trente-neuf.

Hérumbil ekkert af þessu á við Hitler, og skýringar þýðanda (við þetta vers, sem önnur svosem) eru hreint og beint hlægilegar.

Ég held að þú, ojb, þurfir ekki að hafa neinar einustu áhyggjur af komandi heimsenda. Kannske olíukreppa og stríðið gæti dregist á langinn, en engin heimsendir.<br><br>Hjartagosi tuttugustu og fyrstu aldarinnar.