divaa fyrir 22 árum, 1 mánuði Fjöldi lestra: 616

Kertagaldrar - Litakerti og dagakerti

Tafla 2 – Merking litanna

Hvítur: Hreinleiki, sannleikur, einlægni.
Rauður: Styrkur, heilsa, hreysti, kynferðisleg ást.
Ljósblár: Kyrrð/ró, skilningur, þolinmæði, heilsa.
Dökkblár: Fljótfærni, þunglyndi, breytileiki.
Grænn: Fjármál, frjósemi, heppni.
Gylltur/gulur: Aðdráttarafl, sannfæring, fortölur, sjarmi, sjálfstraust.
Brúnn: Hik, óvissa, hlutleysi.
Bleikur: Heiður, ást, siðferði.
Svartur: Illska, missir, sundurþykkni, ringulreið. Sumir vilja meina að svartur sé verndandi fyrir neikvæðri orku og er ég á þeirri línu.
Fjólublár: Spenningur, metnaður, viðskiptaárangur, máttur.
Silfur/grár: Ógilding, hlutleysi, leikleysi.
Appelsínugulur: Hvatning, aðlögunarhæfni, uppörvun, aðdráttarafl.
Gulgrænn: Veikindi, hugleysi, reiði, öfund, sundurþykkni.

Þessir litir eru valdir miðað við tilgang galdursins sem þú ætlar að framkvæma. Til dæmis ef þú ætlaðir að draga til þín peninga þá myndir þú velja grænan lit og rauðan eða bleikan fyrir ást.

Tafla 3 – Dagar vikunnar

Sunnudagur - Gulur
Mánudagur - Hvítur
Þriðjudagur - Rauður
Miðvikudagur - Fjólublár
Fimmtudagur - Blár
Föstudagur - Grænn
Laugardagur - Svartur

Þessa liti myndir þú velja miðað við hvaða dag vikunnar þú ætlar að gera galdurinn. Þegar þú notar tilbúna galdra er yfirleitt tekið fram hvaða dag er heppilegast að gera galdurinn skipti það máli. Annars er vanalega farið eftir því hvaða merkingu og áhrif hver dagur hefur, samsetningu og áhrif stjarnanna eða í hvaða stöðu tunglið er, hvort það er fullt, nýtt, vaxandi eða minnkandi. Ég myndi telja að áhrif tunglsins skiptu mestu máli, en auðvitað hefur fólk misjafnar skoðanir í þessu eins og öllu öðru. Þar sem ég er Wiccatrúar skiptir tunglið mig miklu máli en eflaust eru sumir sem eru t.d. kristnir á öðru máli. Ég fullyrði ekki að eitthvað eitt sé alrétt og fólk verður bara að finna það hjá sjálfu sér hvað því finnst eiga við þegar það setur saman sinn eigin galdur frá grunni.

Nú þætti mér gaman að fá að vita hvers konar galdur fólk hefur áhuga á að ég myndi sýna ykkur hérna. Ég er með ótal tegundir og erfitt að velja úr. Þar að auki er ég með tvær útgáfur af hverju rituali, eitt fyrir kristið fólk og annað fyrir heiðið. Þar sem ég er Wicca þá nota ég frekar heiðnu útgáfuna, en ég geri ráð fyrir því að meirihlutinn hérna sé kristinn. En þið verðið bara að ráða þessu og segja mér hvað ykkur finnst. Dæmi um galdra eru t.d. til að öðlast velgengni, til að stöðva slúður, til að komast að sannleika í máli, til að vernda sig gegn illu, til að hreinsa sig, til að efla kraft þinn o.s.frv. Ég mun ekki sýna ykkur neina athöfn sem stríðir gegn minni eigin samvisku og getur á einhvern hátt verið skaðsöm öðrum. Ég mun til dæmis ekki sýna ykkur ástargaldur, þar sem þar er verið að ráðskast með vilja annarra og því er ég alfarið á móti. Vilji fólk finna dæmi um slíka galdra má finna ótal þeirra á netinu. Annars er ég opin fyrir flest öllu og þið verðið bara að segja til.

Kveðja,
Divaa

ljoninja fyrir 22 árum, 1 mánuði

Þú nefnir að græni liturinn sé merki frjósemi. Er þá ekki til galdur fyrir þá sem vilja barn?

Mér finnst merkilegt það sem þú segir með að það séu sérgaldrar fyrir kristið fólk. Ég er kristin en hef áhuga á göldrum. Ég hef reyndar bara mína eigin lífskoðun sem byggist á kristni. Ég trúi því t.d. ekki að ein trúarbrögð séu öðrum fremri. Þetta (með sérgaldra eftir trúarbrögðum) sýnir mér hversu víðsýn Wiccatrúin/galdrasamfélagið/hvaðsemþúviltkallaþað er!

Fyrra álit

divaa fyrir 22 árum, 1 mánuði

Það sem er sér fyrir kristna fólkið felur einfaldlega í sér að í staðinn fyrir að tigna aðra guði, sem er bannað skv. kristinni trú, þá eru notaðir sálmar og álíka í staðinn, þannig að með því að gera galdurinn þá sé það ekki að fara út fyrir sína trú. Hins vegar er auðvitað öllum frjálst að nota hina, ef það fer ekki fyrir brjóstið á þeim. Þegar ég byrjaði í göldrum og var ennþá kristin fór alltaf fyrir brjóstið á mér að í mörgum göldrunum sem ég fann þurfti að ákalla aðra guði sem samræmdist ekki minni trú. Ég geri ráð fyrir því að höfundur þessarar bókar hafi einfaldlega skrifað tvær útgáfur af einskærri tillitssemi við það kristna samfélagið sem var svo yfirgnæfandi á þeim tíma sem hann skrifaði bókina, verandi í biblíubeltinu í Bandaríkjunum og allt það. Ég trúi því ekki heldur að nein trúarbrögð séu öðrum fremri, hins vegar er ég ekkert á móti því að taka tillit til þeirra sem hafa ekki skoðanir og ég. Það er auðvitað vitað mál að meirihluti Íslendinga eru kristnir, þó þeir beri trú sína ekki endilega á torg, og finnst mér bara sjálfsagt að hafa það í huga þegar ég skrifa svona grein. Með því er ég ekki að sýna neina fordóma eða þröngsýni eins og þú virðist í kaldhæðni hafa kallað það. Endilega leiðréttu mig ef ég hef misskilið þig. Mér finnst mjög ósanngjarnt ef þú álítur að ég hafi einhverja ákveðna skoðun á kristnu fólki eða sé hræsnisfull af örfáum orðum sem ég hef skrifað og án þess að athuga málið betur.

Annars, já, ég geri ráð fyrir því að til sé galdur fyrir þá sem vilja auka líkamlega frjósemi sína til að eignast barn, enda hlýtur það að hafa komið fleirum í huga. Ef ég á ekki slíkan til hjá mér þá er hann eflaust til á netinu og ef þú finnur hann ekki þá geturðu búið hann til. Þeir eru ekkert verri þó þú búir þá til. Ég bý mína alltaf til sjálf, finnst þeir virka betur þannig, vera meiri hluti af mér og allt það.

Fyrra álit

ljoninja fyrir 22 árum, 1 mánuði

Ég held að þú sért að misskilja mig. Ég var einmitt að reyna að hrósa þér! Ég var samt rög við að nota orð eins og norn. Fólk hefur misjafnar skoðanir á því orði. Ég þekki ekki Wicca nógu vel til að ganga út frá því að allir sem stundi Wicca séu víðsýnir eða hvort það finnst þröngsýnisfólk þar líka. Ég vissi heldur ekki hvort sá sem skrifaði galdranna niður væri Wicca eða ekki. Ég var því að leita að breiðara/almennara orði (býst við að hvaðsemþúviltkallaþað sé það sem fór fyrir brjóstið á þér). Mér þykir það mjög leitt. Ég var bara ekki viss hvað ég ætti að segja.

Fyrra álit

divaa fyrir 22 árum, 1 mánuði

Já, ok! Mér fannst þetta líka ekkert smá skrítið!!! Wicca gengur út á það að engin ein trú sé betri en önnur, en vissulega eru margir wicca sem láta kristni fara í taugarnar á sér, einfaldlega vegna þess að svo margir kristnir hafa verið að bögga þá út af trúnni. En auðvitað eru þeir þá engu skárri en hinir. Ég hélt bara að þú værir að vera kaldhæðin með þessu upphrópunarmerki þarna fyrir aftan. Ekkert mál, einfaldur misskilningur. Kannski er maður bara í vörn því maður er vanur neikvæðri gagnrýni hérna inni á dulspeki. Vona að þú sért ekki móðguð út í mig heldur…

Fyrra álit

cleopatta fyrir 22 árum, 1 mánuði

Mig langar aðeins til að vita, er til galdur til að láta fólk borga sér það sem það skuldar.
Ég er í vandræðum með einn sem skuldar mér mikla peninga, get ég galdrað hann til að borga?
Er þetta svona djöflagaldur, því kristið fólk galdrar ekki.
Kveðja
Cleopatta.

Fyrra álit

divaa fyrir 22 árum, 1 mánuði

Nei, þetta er ekki djöflagaldur. Djöfullinn, Satan eða hvað sem þú kýst að kalla hann er kristið hugtak og við trúum ekki á hann. Hann er einfaldlega ekki hluti af okkar trúarbrögðum.

Þú ættir að geta gert einhvern galdur til að flýta fyrir að viðkomandi borgi þér til baka. Ég held samt að þú yrðir að gera galdurinn þannig að það væri svona “að fá skilað aftur því sem maður á” í stað þess að beina galdrinum beint að skuldaranum. Með því að beina galdrinum að einum ákveðnum aðila ert þú að hafa áhrif á hans eigin sjálfstæða vilja og þar með ertu að brjóta reglurnar. En ef þú gerir hitt þá geturðu haft áhrif á aðstæðurnar í lífi þessa aðila þannig að hann eigi auðveldar með að borga þér. Þú gætir einnig gert galdur sem miðar einfaldlega að því að auka við fjárhag þinn, án þess beinlínis að ákveða hvaðan þú færð peninginn, en þú verður alltaf að taka það fram að galdurinn megi ekki verða neinum að skaða. Galdrar eru nefnilega þannig að þeir virka ekki alltaf á þann hátt sem þú vilt að þeir virki. Þannig að ef þú tekur þetta ekki fram gæti vel verið að þú slasist og fáir tryggingabætur þess vegna, bara hvað sem er.

Fyrra álit

Olversdottir fyrir 22 árum, 1 mánuði

Frábært framtak hjá þér að skrifa þessar greinar.
Þetta er bæði fróðlegt og skemmtilegt að lesa.
Vildi að ég kynni meira fyrir mér og að ég hefði vitað af wicca mikið fyrr en ég gerði.
(ég er alger byrjandi )

Fyrra álit

helenas fyrir 22 árum, 1 mánuði

Frábær grein hjá þér divaa.

ég myndi vilja sá nokkra galdra til að efla mátt sinn ef þú átt einhvern, heiðin kristin skiptir engu er frekar opin í minni trú :)

Fyrra álit

silliG fyrir 22 árum, 1 mánuði

hæ þetta var mjög skemmtileg grein hjá þér…..
það væri ógeðslega gaman ef þú myndir skrifa grein með göldrum í!!!!
ég hef stundum verið að prófa andaglas með vinkonum mínu eða svona smágaldra ( sem virka ekki mjög vel) en þetta er samt mjög spennandi….
endilega sendu inn fleiri greinar

kveðja sillí

Fyrra álit

fidrildi fyrir 22 árum, 1 mánuði

Frábær grein hjá þér.
Mig langar til að vita hvort þú gætir sett upp nokkra galdra svo að maður geti séð hvernig þeir eru. Hvernig býrðu til galdra? Það hljóta að vera einhverjar reglur sem að þú verður að fara eftir.
Enn og aftur mjög spennandi grein.:)

Fyrra álit

Dulspeki

Dulspeki

Ofurhugar

Stjórnendur

Hverjir eru inni

Greinar

Kertagaldrar - Litakerti og dagakerti

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi