Þessi frábæru spil sem dulmögnuð slæða hefur legið yfir í laaangan tíma hafa heillað fólk á öllum aldri en ekki síst 15 til 20 ára. Smá persónulegar upplýsingar hér hmm….. Mikið rétt ég var 17 ára þegar þau, með einmitt þessum dulmagnaða mætti drógu mig að sér. Á þeim tíma voru myndir spilanna allt fyrir mér. Ég gat lesið úr þeim um framtíð mína og annarra …. eða þannig. Síðan liðu árin og margir stokkar bættust við í pælingarsafnið. Það kom að því að ég tók alvöru dífu inn í hina dulmögnuðu mystík spilanna og ÞÁ opnuðust ýmsar dyr. Möguleikar þeirra eru ótrúlega miklir. Þú sem að kannt t.d. eitthvað í stjörnuspeki sérð miklu meira út úr þeim ( ef að þú veist að hverju þú átt að leita ) en sá sem ekki kann neitt í henni. Annað hráefni sem kalla má og notast við matreiðslu túlkunarinnar er talnaspeki, frumefnakraftar, “Major” sálaráhrif og “minor” persónuleikaáhrif. Að öllum öðrum spáspilum ólöstuðum þá tel ég að Tarotspilin séu einu spilin sem að bjóða upp á þvílíka möguleika og breidd í túlkun sem raun ber vitni. Því túlkun þeirra er aldrei einhliða heldur ræðst hún af öllum áðurnefndum þáttum eftir því hvernig þeir raðast saman hverju sinni. Eitt dæmi til gamans þegar þú ert með stöðu tengda persónulýsingu t.d. bikar mannspilin við hlið 3 bikarar segir þér að persónan sé glaðlynd, lífsglöð, jákvæð og vinsæl. En við hlið 5 vanda þá er hún óörugg, öfundsjúk, afbrýðisöm …fólk veit ekki alveg á hverju það á von á frá henni. Sem sagt mitt álit er að þau innihalda mikla speki og eru djúp spá og leiðsagnaspil hana nú..
Ætlunin var ekki að skrifa heila bók um þetta en spilin hafa jú verið eitt aðaláhugamál mitt í hartnær 32 ár !!!
Geislinn