Það er maður í íbúð ömmu(frænku minnar) frænda míns(sem þessi frænka mín var búin að sjá oft áður). Svo var frændi minn í heimsókn hjá ömmu sinni(rétt varla orðinn eins árs,rétt gat setið sjálfur) og hann sat á gólfinu inni í stofu,aleinn og skyndilega byrjaði hann að öskra og gráta,skalf af hræðslu. Þetta gerðist nokkrum sinnum og frænka mín prófaði að fylgjast með honum í laumi og athuga hvort það væri einhver hlutur sem hræddi hann, en það reyndist ekki vera… Hún ákvað þá að fara til miðils og bað hann fyrir skilaboð til mannsins í íbúðinni um að hann mætti alveg vera þarna í íbúðinni,það væri alveg velkomið, en bara ef hann væri ekki nálægt barninu þegar hann væri í heimsókn. Eftir þetta kom þetta aldrei fyrir(þ.e. að frændi minn yrði svona hræddur)
Einnig hefur það oft gerst að hann viti hvað hann fái í jólagjöf frá ömmu sinni,jafnvel þótt að hún hafi engum sagt,verið búin að pakka inn gjöfinni og fela hana rækilega lengst uppi í skáp. Hann segir oft rétt fyrir jól: Ég hlakka rosalega til að leika mér með kubbana sem ég fæ frá þér í jólagjöf.. Hún náttúrulega fer alveg í kerfi en spyr hann hvernig hann viti hvað hann fái í jólagjöf. Þá segir hann bara: mamma mín sagði mér það…en málið er að mamma hans veit ekkert hvað hann fær…
Eitt sinn gerðist það að hann gisti heima hjá ömmu sinni rétt fyrir jól…Gleymst hafði að kaupa handa honum litla gjöf….svo að amma hans hringdi í pabba hans og sagði honum að það hefði gleymst að kaupa gjöf….Pabbinn dreif sig út í búð og ætlaði að kaupa handa honum lítinn bíl…en það var bara eins og það hefði verið tekið í axlirnar á honum og hann færður yfir í deildina með litunum og það endaði með því að hann keypti litapakka handa honum.. Það skrýtna við þetta allt er að rétt áður en frændi minn fór að sofa var hann búinn að vera að tala mikið um að hann ætlaði sko aldeilis að fara að lita mikið daginn eftir með nýju litunum!
Pabbi hans hafði ekki hugmynd um hvað barnið hafði sagt……
Ég var sko með barnaasma þegar ég var lítil. Svo var mamma mín að segja mér að amma mín(heitin) hafi farið til miðils og beðið miðilinn um að senda til mín lækni til að reyna að laga þetta. Miðillinn sagði að það væri ekkert mál og sagðist ætla að gera það. Svo einn daginn fór ég eitthvað að spurja mömmu og pabba hvaða maður þetta hafi verið sem við hefðum farið að hitta einu sinni. Mamma og pabbi könnuðust ekkert við neinn mann sem við hefðum farið að hitta, ég lýsti honum ofsalega nákvæmlega(var bara 3 ára) semsagt lýsti honum með skegg og eitthvað meira…Mamma mín fór til ömmu og sagði henni frá þessu, amma mín fór beint til miðils og spurði hann útí þennan mann, jújú,miðillinn sagði að þetta passaði alveg, því þetta hafi einmitt verið maðurinn sem hann sendi til mín.
Litli bróðir minn var einmitt með barnaasma líka og það þurfti alltaf að gefa honum ógeðslegt asmalyf þegar hann var að fara að leggja sig. Mamma mín fór til ömmu aftur og spurði hvort að það væri ekki hægt að lækna þetta með einhverjum öðrum aðferðum. Amma mín fór til miðils og spurði þessarar sömu spurninga. Miðillinn sagðist ætla að senda einhverja lækna til að reyna að lækna hann. Nokkrum sinnum eftir þetta gerðist það að litli bróðir minn hrökk upp hágrátandi,skjálfandi og rennandi sveittur, eins og honum hafi verið að dreyma eitthvað illa, en málið var að hann svaf rosalega rólegur þangað til bara allt í einu. Þegar þetta hafði gerst nokkrum sinnum spurði mamma ömmu eitthvað um þetta og amma fór beint í miðilinn og miðillinn sagði að hann hefði sent nokkra menn, en bróðir minn hafi verið alveg rosalega hræddur við þá….
Vissir þú að tungan í steypireyð er jafnþung og fíll?
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.