Ég sendi inn þessa grein sem svari við korki, en svarið er svo yfirgripsmikið að ég tími eiginlega ekki að skrifa svona mikið án þess að fá stig fyrir það :)

Þetta skrifaði Sabrina:

Já þakka þér fyrir ég ætla að prófa það. En ég er afskaplega ný í þessu öllu.Ég hef bara vitað af svona göldrum í rúmt ár og ég man ekki einu sinni hvernig það byrjaði.Hvernig eru þessar hátíðir?? Hvað er ritual?? Hvernig byður maður bænir?? Ef maður er Wicca trúi getur maður ekki verið kristinn??Svara mér fljótt plíssss…


Og þetta er svarið mitt:

Þessar hátíðir eru tvenns konar, það er sabbat og esbat. Esbat er hvert full tungl og er 12 sinnum á ári. Sabbatin eru átta og eru meira trúarlegar hátíðir (fullu tunglin notar maður meira til að galdra og þannig, en eru líka trúarleg, því þá er gyðjan í fullum blóma, táknrænt séð). Í stuttu máli sagt þá eru þær táknrænar fyrir gang náttúrunnar, gyðjan fæðir guðinn á vorin þegar náttúran lifnar við á ný eftir veturinn, guðinn stækkar og svo verða þau ástfangin í blóma sumarsins, hún verður aftur ólétt (af guðinum) guðinn deyr (þegar vetur gengur í garð) en lifir áfram í maga hennar og svo fæðir hún hann á ný. Gyðjan er táknmynd fyrir jörðina en guðinn er himininn sem umlykur hana. Máninn er tákn hennar og sólin tákn hans. Þú getur haldið upp á þessar hátíðir hvernig sem þú vilt, en til eru alls kyns ritual og tillögur á netinu, svo ég ætla ekki að telja það upp hér. Einfaldasta útgáfan er einfaldlega að kveikja á kerti eða eitthvað álíka, biðja og minnast gyðjunnar og guðsins og tilgangsins með hátíðinni.

Ritual getur verið eins konar helgileikur sem gerður er á hátíðum eða það getur verið aðferð til að galdra. Ritual er eigilega bara seremónía, í einföldum skilningi. Þú getur haft það einfalt eða þú getur haft það flókið, það er allt undir þér komið. Hvorugt er betra en hitt, bara spurning um hvað hentar hverjum best.

Bænirnar biðurðu á sama hátt og þú biður í kristni, gyðingdómi, íslam og allt þannig.

Nei, þú getur ekki Verið Wicca trúar OG kristinnar trúar. Það er eins og að vera múslimi OG kristinn og það gengur ekki upp. Wicca eru alvöru trúarbrögð. Hins vegar getur þú alveg verið kristin og stundað galdra, það er allt annað mál. Málið er að kristni bannar önnur trúarbrögð og í biblíunni er haldið fram að hún sé hin eina rétta trú. Wicca viðurkennir öll trúarbrögð en mælir gegn fullyrðingum eins og að eitthvað eitt sé hið “eina” rétta. Þar er komin önnur ástæða fyrir að það fer ekki alveg saman að kalla sig kristinn og Wicca. Persónulega finnst mér það hræsni, en ég skil vel hvað þú átt við. Það er ekki auðvelt að skipta um trúarbrögð og mér leið nákvæmlega eins þegar ég skipti frá luther yfir í wicca. Þú getur stundað eins galdra og stundaðir eru innan Wicca ef það er málið og ákallað guð eða engla bara í staðinn.

Ég vona að þetta komi þér að gagni, sem og öðrum hér á huga.is, og ekki hika við að spyrja mig einhvers frekar. Ég get kannski ekki svarað ÖLLUM spurningum, enda enginn sérfræðingur, en eflaust vísað eitthvað áleiðis og bent þér á hvar á að leita.