Páll Feneyingur, meistari þriðja geislans og rauðgula logans, er kenndur við ítalska málarann Paulo Veroneso frá endurreisnartímanum í Ítalíu á sextándu öld. Hann skapaði þá líflega liti og fullkomnaði tækni með nýjum litarefnum til betri varðveislu á málverkum sem enn á vart sinn líka. Hann málaði óviðjafnanlegar biblíumyndir og dýrlinga svoleiðis að alþýðufólk gat samkennt sig við þá og viðburði kristinsögunnar og öðlast dýpri skilning á guðdómleikanum innra með – sem er mikilvæg forsenda til að sálin geti sameinast æðra sjálfi sínu, kristsvitundinni (Kristi). Á eftirfarandi vefslóð má finna sýnishorn af málverki sem þekkt er eftir Paulo Veroneso: http://www.si.umich.edu/Art_History/demoarea/details/NO075.html

Páll þjónaði sem menningarmálaráðherra á Atlantis sem segja má að hann gegni nú fyrir hönd mannkynsins sem fulltrúi Hvítbræðralagsins fyrir komandi Vatnsberaöld. Áður en Atlantis sökk endurfæddist hann sem listamaður í Perú til að mynda farveg fyrir frelsislogann sem gerði Inkum fært að skapa blómstrandi hámenningu. Síðar endurfæddist hann í Egyptalandi sem verkfræðingur í launhelgri (e. Esoteric) byggingarlist, og starfaði með frímúrarameistaranum El Morya (e. Master mason), þegar pýramídarnir urðu til.

Páll steig upp til himna 19. apríl árið 1588 frá höllinni Chateau de Liberté yfir ánni Rón í Suður-Frakklandi þar sem athvarf hans er nú að finna. Musteri hans á sér hliðstæðu á efnissviðinu sem nú er höll í eigu franskrar fjölskyldu. Frelsisgyðjan sem er andleg guðsmóður Páls og stoð hans og stytta færði frelsislogann frá sólarmusteri sínu í Atlantis til athvarfs Páls í Frakklandi. Frelsisloginn var hvatinn að byggingu Frelsisstyttunnar fyrir utan New York sem var gjöf Frakka til Bandaríkjamanna. Athvarf frelsisgyðjunnar er að finna yfir Manhattan og þar heldur Páll sig mikið til. Frá frelsisloganum streymir innblástur og andagift sem nærir sköpunargáfu manna sem dýrka listagyðjuna. Í miðstöð Páls eru kennslusalir, skreyttir hvers kyns málverkum og öðrum listaverkum frá ólíkum tímabilum, kynþáttum og menningum. Einnig er þar að finna vinnustofur fyrir tónlistamenn, rithöfunda, myndhöggvara, söngvara og nemendur. Þarna komu meistararnir fram með nýja tækni í sérhverri listgrein.

Páll örvar menn til tilbeiðslu og lotningu fyrir guðdómleika lífsins. Starfssvið hans felst í því að þroska með mönnum þrígreindan frelsisloga kærleikans, viskunnar og máttarins í hjartaorkustöðinni til eflingar innsæis- og sköpunargáfunnar. Frelsisloginn er rauðgulur, gylltur og blár.

Páll kennir mönnum að meta fagrar listir og fegurð lífsins til þess að þeir megi öðlast fullkomnun og uppfylla guðlegan tilgang lífsins. Einkum vinnur hann náið með hvers kyns listamönnum og hönnuðum til skapandi iðju, fegurðar og samræmis.

Páll leggur áherslu á kærleik í verki. Hann boðar að hluttekning sem lyftir sálinni upp úr ölduróti táradalsins sé forsenda andlegra framfara. Hins vegar leiði samúð sem veltir sér upp úr vandamálunum ekki til neins. Sönn samhygð sprettur fram með þroska dómgreindarinnar til að greina megi rödd æðra sjálfsins og sannleikans frá falsi lægra sjálfsins. Sú hæfni er forsenda fyrir að greina megi á milli illra og góðra afla sem er ein af náðargáfum heilags anda.

Agi, umburðarlyndi og þolinmæði, sjálfsfórn og náungakærleikur eru eiginleikar sem liggja Páli ofarlega á hjarta við þjálfun lærisveina sinna:

“The more you are disciplined, the stronger are the grids of consciousness. And to have a strong consciousness, as strong sinews, enables you to balance megatons of the light force you call love….The art of living love is to be creative. And the art of being creative is to be self-disciplined.”

Sem meistari þriðja geislans tengir Páll menn og engla við tilbeiðslulogann og miðlar hljómkviðu himnanna (e. The Music of the Sphers) til mannanna. Hann hefur einnig hlutdeild í stjórnun frumgervisveranna (náttúruaflanna).

Tvíburageisli Páls hét Ruth Hawkins í síðustu jarðvist sinni. Hún var 88 ára gömul þegar hún steig upp til himna árið 1988. Hún starfaði innan “Ég Er” hreyfinganna (e. I AM Movements) í Ameríku sem lesa má um í grein eftir hbraga, Guðspekin og kristnar dulspekihreyfingar í Ameríku, á eftirfarandi vefslóð: http://hugi.is/dulspeki/articles.php?page=view&contentId=2039904. Myndir af uppstignu meisturunum sem finna má á heimildalistanum hefur hún m.a. málað. Hún aðstoðar Pál og Stórmeistarann (Maha Chohan) við að beisla náttúruöflin í þágu nýja tímans, veitir listamönnum innblástur og nærir kærleikslogann. Hún hefur fengið viðurnefnið Gyðja fegurðarinnar (e. The Goddess of Beauty).

Þú getur fengið guðlegan listrænan innblástur til góðra (lista-)verka frá Páli Feneyingi ef þú ferð með bænir þínar áður en þú gengur til náða og biður til Krists (þ.e. kristsvitundar þinnar) og verndarengla þinna að þú verðir færður til miðstöðvar Páls, Chateau de Liberté, í svefni:

“And I will take you by the hand and show you my castle. I will show you the works of art that have been brought forth by chelas unascended and ascended. And we will go through many rooms, and lastly I will take you to the room where there is that frame that hangs. In some cases it will be an empty frame. In some cases it will have a canvas in it. It will be your frame, the frame of your identity waiting for you to bring forth the genius of your soul. And when you see that frame, if it is empty you will want to fill it. And so, I will take you to that place where you can work with other artisans who are learning the art of living love by the discipline of the hand and the discipline of expression so that you can draw the image of your own Christ- perfection.”

Samantekt:

Stjórnendur þriðja geislans:
Páll Feneyingur og Ruth Hawkins (Rowena)

Erkienglar þriðja geislans:
Samúel og Karítas (e. Chamuel and Charitas)

Tívar (elóhímar) þriðja geislans:
Herós og Amóra

Virkasti dagur: Mánudagur
Litur: Rauðgulur
Stjórnar hjarta(orku)stöðinni

Verksvið:
Þrígreindi loginn
Kærleikur
Sköpun
Fegurð

Ákall:
Dýrkun
Lotningu
Guðlega nánd
Hluttekningu og manngæsku
Löngun til að vera virkur í Guði fyrir kærleik heilags anda

Athvarf:
Chateau de Liberté, S-Frakklandi


Heimildir:

http://www.tsl.org/Masters/paulVenetian.asp
http://www.tsl.org/Masters/paul/paul_set.html
http://naropa.cut.org/supress/open/base_open.asp?strSub=Book&strType=Detail&strCode=7100&mo=bs&epagHvíta Bræðralagið. Helgistjórn jarðarinnar. 3. útg. Ljósheimar, Hverfisgötu 105, 101 R.