Meistarinn Lantó er stjórnandi annars geislans. Eiginleikar annars geislans sem “kínverski” meistarinn Lantó stjórnar eru viska, skilningur, upplýsing (uppljómun) og dómgreind. Krónuorkustöðin fyrir ofan höfuðið er farvegur fyrir þennan geisla í mannheimum.

Miðstöð Lantós sem nefnist The Royal Teton Retreat er yfir Grand Teton Range fjöllunum í Bandaríkjunum. Frá fornu fari hefur geislunum sjö verið beint í gegnum þessa miðstöð. Meistarar Hvítbræðralagsins og lærisveinar leggja oft leið sína til funda og ráðagerða í þessari miðstöð.

Lantó kennir leiðir til andlegs þroska á þróunarbrautum geislanna sjö í þessu samhengi. Sem meistari vitringa og heimspekinga leiðir Lantó lærisveina sína til uppljómunar. Austurlenskar íhugunaraðferðir sem þroska visku og speki má rekja til áhrifa annars geislans. Lantó má ákalla til aukinnar visku og innsæis.

Í samvinnu við drottna karmaráðsins og önnur himnavöld hefur Lantó komið því í kring að gylltur logi uppljómunarinnar rís hátt yfir háskólum, guðfræðideildum allra trúarbragða og öðrum æðri menntastofnunum í heiminum sem gagnast næmum nemendum við að tileinka sér æðri þekkingu. Með áköllunum og áheitum má virkja gyllta logann nemendum, kennurum og fræðimönnum þessara menntastofnana í hag.

Lantó hefur staðið þéttingsfast að baki guðföður Bandaríkjanna “Sámi frænda”, öðru nafni St. Germain, meistara fjólubláa frelsislogans, þ.e. sjöunda geislans, við að innleiða Vatnsberaöldina.

Kvenmeistari annars geislans heitir Debra. Hún tengist náttúruöndunum og englaríkinu.

Feril Lantós má rekja aftur til hins horfna meginlands Lemúríu (Mu) í Kyrrahafi þar sem hann þjónaði sem æðstiprestur móðurgyðjunnar. Hann gegndi einnig svipuðum stöðum á Atlantis í síðari lífsskeiðum. Prestar og lærisveinar báru með sér kyndil siðmenningarinnar til annarra heimshluta eftir að þessi glæstu menningarríki sukku í sæ.

Lantó hefur í mörgum lífsskeiðum verið Kínverji þar sem hann hélt á lofti ljóma upplýsingarinnar. Það hefur ráðið miklu um að kínverskt menningarlíf frá fornu fari varð að þeim viskubrunni sem raun ber vitni. Hertoginn af Chou sem var ein af holtekjum hans er rómaður fyrir að hafa verið kennari (gúrú) Konfúsíusar, siðameistarans mikla á 4. Og 5. Öld f.Kr. Vitringurinn Laó Tsu var þá einnig uppi á svipuðum tíma. Lantó innrætti þegnum sínum heiðarleika og ráðvendni sem hefur lengstum einkennt kínverskt lunderni. Hann hóf himnaför sína á þessu æviskeiði sínu.

Lantó var nemandi meistarans Himalaya sem býr í Bláa Lótusnum í fjallgarðinum sem hann er kenndur við. Himalaya er ættfaðir fjórða kynstofnsins. Lantó gerðist meistari annars geislans árið 1958 og vinnur í nánu samstarfi við Jesú, Maitraya og Kúthúmi. Kúthúmi (betur þekktur sem Pýtagoras og heilagur Frans frá Assisi) var fyrrum meistari annars geislans. Hann gegnir nú embætti heimsfræðarans ásamt Jesú og Maitraya. Eftir “stólaskiptin” tók Konfúsíus við stjórn Royal Teton Retreat.

Lantó hafði svo sterka útgeislun í síðustu jarðvist sinni að greina mátti blíðan gylltan ljóma streyma frá hjartaorkustöðinni hans. Það var lifandi sönnun fyrir samtímamönnum hans að búddhavitundin (guðdómurinn) býr í manninum þar til hún nær fullri uppljómun.


Samantekt:

CHOHANAR (Meistarar)
Lantó og Debra

ERKIENGLAR:
Jófíel og Kristín

ELÓHÍMAR (Tívar)
Appoló og Lúminía

Virkastur á sunnudögum

Gulur á lit.

Stjórnar krónuorkustöðinnni

Eiginleikar sem áköll til (stjórnenda) annars geislans styrkja:
Viska, skilningur, upplýsing, þekking, dómgreind.

ATHVARF (Miðstöð)
Grand Teton Mountain Range, Wyoming í Bandaríkjunum,


Heimildaskrá:
http://www.tsl.org/masters/lanto/lanto_set.html