Engin vísindaleg skýring er til á framsýni og öðrum sálrænum hæfileikum. Margar tilgátur hafa þó verið settar fram, en þær eru ekki sannfærandi og varpa engu ljósi á fyrirbærin. Framsýni sem á sér skamman aldur er í sumum tilvikum útskýrð sem ágiskun. En þegar um gamla og eldforna spádóma er að ræða, þá er lítið um útskýringar. Þeir vísindamenn sem hafa rannsakað þau mál standa ráðþrota gagnvart þeirri staðreynd að gamlir spádómar hafa í raun komið fram. Þá fer maður að velta fyrir sér hvort þeir sem eftir eiga að koma fram, hvort þeir séu ekki mjög líklegir til þess að koma fram.

Pýramídinn mikli við Giza í Egyptalandi er eitt mikið spádómsverk greypt í stein. Hann skýrir t.d. frá rúmfræðilegri hnattstöðu Íslands og bendir á ætlunarverk Íslands. 1937 var gefin út bók sem ber nafnið “Iceland´s Great Inheritance” og í formála þeirra bókar segir að Ísland sé eitt af merkilegustu löndum heims. Íslendingum sé ætlað að leysa af hendi göfugt hlutverk í náinni framtíð. Þessi bók var skrifuð af Dr. Adam Rutherford, en hann rannsakaði pýramídann við Giza og er hún byggð á niðurstöðum hans.

Í þessari bók er að finna tvö spádóma um Ísland.

Sá fyrri segir að árið 1941 muni Íslendingar öðlast fullkomið stjórnmálalegt frelsi. Flestir töldu að þessi spádómur myndi ekki rætast vegna sambandslaganna við Danmerkur, skv þeim áttu íslengingar ekki að fá lagalegan rétt fyrr en 2 árum seinna s.s. 1943. En eins og allir íslendingar vita breyttist staða mála vegna hernáms Danmerkur í seinni heimstyrjöldinni. Spádómurinn kom fram vorið 1941 þegar samþykkt var þingsályktunartillaga sem gerði Ísland að óháðu ríki.

Seinni spádómurinn á að gerast í ragnarrökum núverandi menningar. Ísland mun verða miðpunktur og “munu íslendingar taka sér fyrir hendur að leysa viðfangsefni sem mikla blessun mun hafa í för með sér fyrir allt mannkynið”. Íslendingar munu valda andlegri endurvakningu sem mun breiðast út um heiminn. Íslenska þjóðin mun visa mannkyninu inn í nýtt tímabil sögunnar.

Í pýramídanum mikla er leiðarvísir sem vísar á Ísland, hann var fyrst uppgötvaður 1925 en fram að því var einungis vitað um einn slíkan leiðarvísir sem er nefndur Betlehemgeislinn og vísaði á fæðingarstað Jesú Krists.

Leiðarvísir pýramídans mikla (Reykjarvíkurgeisli) er mjög þýðingarmikill vegna þeirra andlegu tákna sem hann tengist. Í pýramídanum mikla gengur Reykjarvíkurgeislinn undir sæti toppsteinsins, en toppsteininn er fullkominn pýramídi að lögun og táknar Krist upprisinn, með því að ganga undir toppsteininn vísar hann okkur á hvar renna muni upp ný guðsríkis öld, undir forystu hins upprisna Krists. Alveg eins og Betlehemsgeislinn benti til þess hvar Messías kæmi í heiminn sem ungbarn.

Mesta spámannabók gamla testamentisns, Jesajabók, í henni eru spádómar sem fjalla um komandi þrengingartíma eða efsta dag. Í miðri óganrlýsingu Jesaja kemur frásögn sem segir að á tilteknu svæði jarðarinnar muni fólk vegsama guð og lofsyngja. Skv. þýðingu ensku biblíunnar er spádómurinn svona:

“Þeir hefja upp raust sína og fagna. Yfir hátign Drottins gjalla gleðiópin í vestri. Vegsamið þess vegna Drottin meðal eldanna, nafn Drottins, Ísraels guðs, á eyjum vestursins. Frá ysta jaðri jarðarinnar heyrum vér lofsöngva: Dýrð sé hinum réttláta”.

Þrjú atriði eru tilgreind um staðinn. Staðurinn er eyja í vestri. Einu stóru eyjurnar í vestri eru Bretlandseyjar og Ísland. Í spádómnum er eyjarskeggjum lýst þannig að þeir búa innan um elda. Einu eldarnir sem við vitum af í okkar heimi eru jarðeldar og af þessum eyjum í vestri er Ísland eitt sem hefur spúandi eldfjöll.

Orðið “urim” er Hebreska og er þýtt sem eldar í ensku Biblíunni, en það merkir líka ljós (flt). Hin einu náttúrulegu ljós á jörðinni eru heimskautsljósin og eina eyjan sem dvelur næglega nærri öðru hvoru heimskautinu til að sjá ljósin greinilega hvarvetna á landinu, eru íslendingar.

Spádómurinn staðgreinir eylandið þanig að það sé á ysta jaðri jarðarinnar. Ísland er vissulega á ysta jaðri jarðarinnar því handan við það er ekki annað en ísi þakið heimskautshaf.

Fleiri spádómar eru til um Ísland og framtíðarhlutverk okkar. Nostradamus spáði því að mikill leiðtogi myndi koma fram á Íslandi. Kínverjar segja að Ísland sé ákjósanlegasti uppeldisstaður mikilmenna.