Ég held að þú getir ekki losnað við þetta, bara að reyna að venjast þessu. En ef þig dreymir eitthvað sem þú heldur að þú getir komið í veg fyrir þá skaltu ekki vera að reyna því þú getur það ekki. Það er búið að “ákveða” að þetta gerist og þá gerist það.

Margir sem hafa orðið fyrir svipuðu eða hafa einhverja yfirskilvitlega hæfileika hafa látið “loka” fyrir þetta. Miðlar eru aðallega þeir sem loka fyrir svona hluti.
Ef þér líður svona rosalega illa yfir þessu þá getur þú haft samband við sálarransóknarfélagið.
Ég myndi samt aðeins hugsa mig um áður en þú gerir það ef það skyldi virka. Alveg eins og það sem þig hefur dreymt fyrir gerðist ábyggilega af einhverji ástæðu, getur þá ekki verið að þú búir yfir þessum hæfileika af einhverji ástæðu??

kv
Esc

Veistu..þú ert alls ekki einn um þetta! Ég er trúa rosalega mikið á drauma og er hálfpartin farin að trúa því að ég sé berdreymin! Ef mig dreymir e-a ákveðna manneskju sem ég hef ekki hitt í langan tíma þá hitti ég hana ávallt daginn eftir eða heyri frá henni!! Einmitt í fyrri nótt þá dreymdi mig að ég væri ólétt og kona sem ég hef ekki hitt lengi var viðstödd fæðinguna…daginn eftir fæ ég að vita að vinkona mín sé ólétt og um kvöldið hitti ég þessa konu! Þetta er alls ekki eina dæmið um svona drauma en ég er farin að trúa meira og meira á drauma.

Þegar ég fór til spákonu seinast þá spurði hún mig hvort að mig væri ekki oft að dreyma fyrrverandi kærasta minn (sem reyndist vera rétt) en það væri af því að hann hugsaði svo mikið til mín….þá koms ég semsagt að því að ef manni dreymir einhverja ákveðna manneskju þá er það af því að hún er að hugsa til manns mikið?!

Ég held að þú eigir alls ekki að vera hræddur við þessa hluti heldur reyna frekar að læra á þá svo þú gætir nýtt þér þá til góðs!! :)

Má ég segja þér soldið? Þetta kemur oft fyrir mig! Ég hélt alltaf að þetta væri bara bull í mér en þegar ég fór að skoða þetta nánar þá fattaði ég að þetta var að gerast í alvöru! Eins og einu sinni dreymdi mig að ég sæi hendur. Þetta voru hendurnar á afa mínum sem var mjög gamall. Hendurnar liti illa út. Þær voru hvítar og kaldar. Þegar ég vaknaði mundi ég ekkert eftri þessum draumi en stuttu seinna sagði pabbi minn mér að afi væri dáinn! Þegar ég var í kistulagningunni leit ég á hendurnar á honum og þá rifjaðist upp fyrir mér draumurinn. Hendurnar á honum voru hvítar og kaldar…
Bless
Coolcat

Þú getur sko sannarlega losnað við þetta. Ég þekki nokkra sem hafa látið loka fyrir þetta hjá sér. Þetta kemur fyrir marga því fólk er mismunandi tengt við hina veröldina, þaðan sem það fær þessi skilaboð. Ef þú lætur loka fyrir þessa tengingu þá ætti þetta að batna. Þú getur beðið miðil eða norn um að hjálpa þér. Prófaðu bara að hringja í Sálarrannsóknarfélagið t.d. eða annað slíkt. Ég veit að þeir hafa hjálpað fólki þar og einnig hjálpað til við að losna við drauga og þannig. Vinur minn var rammskyggn þegar hann var krakki, svo skyggn að hann gat ekki gert greinarmun á dauðu fólki og lifandi. Mamma hans var alveg dauðhrædd við þetta því hann var alltaf að tala um eitthvað fólk sem enginn sá nema hann. Svo mamma hans fór til miðils og lét loka fyrir þetta hjá honum, en ekki alveg, svo hann gæti ákveðið sjálfur síðar hvort hann vildi nýta sér þetta. Eftir það hefur hann bara séð látna ömmu sína einstaka sinnum. Svo var stelpa sem var líka skyggn. Hún bað bara til guðs um að taka þetta og þá fór það. Ég sá einu sinni árur og svo kvartaði ég undan því að það truflaði mig svo við námið því ég gat ekkert fylgst með í tímum því ég var bara að skoða árurnar á kennurunum. Eftir það hef ég ekki séð neitt. Þannig að hafðu ekki áhyggjur, allt er hægt. En þú getur líka lært að nota þetta í eigin þágu til að hjálpa fólki til dæmis og reynt að stjórna þessari gáfu þinni. Ekki það að það sé auðvelt, en eflaust verðugt að reyna. Gangi þér vel!