það er engin gjörð sem dýr gera hvert öðru sem maðurinn gerir ekki hver öðrum og það er eftir því sem ég best veit ekki hægt að finna jafn fjölbreytilega grimmd og eigingirni hjá nokkurri annarri tegund en manninum. Það getur verið vegna þess að við séum svo mikið greindari að við erum fær um að upphugsa miklu meira kvalræði (ef við erum á þeirri bylgjulengd) og svo er svo margt sem mönnum finnst þeir verða að gera (til að koma sér áfram=eigingirni) sem orsakar hræðilega meðferð á jörðinni sem við búum á. Ég vildi óska að menn myndu nota greind sýna meira til að horfast í augu við hvaða hluti þeir eru að gera rangt og til að skilja meira varðandi alheiminn, jörðina og samskipti okkar við aðrar verur og hvert annað. En ég meina, ég persónulega hef nú ekki gert margt merkilegt til að bæta ástandið og eftir því sem ég veit hef ég ekki gert það verra, ég sit allan daginn og er í tölvunni eða að lesa og þ.a.l hef ég ekki þurft að horfast í augu við margt sem örvæntingarfullt fólk þarf að horfast í augu við. Aðstæður fólks hafa mikið um þetta að segja, þar ræður sjálfsbjargarhvötin sem við eigum sameiginlega með dýrunum. Ég hef hingað til verið heppin.
Um daginn var ég að horfa á sjónvarpið með vinkonu minni og eitthvað var minnst á hvað höfrungar væru greindir. Þá sagði hún : “Veistu hvað, höfrungar eru geðveikt vondir, þeir drepa börnin sín!” Það sem hún sagði var aðeins lengra en ég man bara að inntakið var þetta. Ég fór að hugsa þetta aðeins og skil ekki hvernig nokkur getur sagt þetta þarsem menn drepa jú líka börnin sín, nauðga þeim, berja þau og ýmislegt fleira viðbjóðslegt.
Menn gera þetta bara alltaf. Ef einhver dýrategund gerir eitthvað grimmilegt þá hugsar fólk “ó þetta er ekki sæta litla skógardýrið sem ég hélt það væri” við erum bara ekkert svo ólík dýrunum, það er málið. Ég trúi ekki að guð hafi sett okkur á jörðina til að ríkja yfir dýrunum, ef greindin væri frá okkur tekin værum við líkaleg mjög lágt sett og ef til vill ekki lengur til. Hinsvegar þróaðist þetta svona. Fairy, þú minntist á að það væri ekki kindunum að kenna þótt þær ætu upp einhver tún heldur þeim sem lokaði þær inná túninu. Það gerir maðurinn og hann er að láta þessar kindur húka á þessu túni étandi upp gras svo þær verði feitar og sællegar, hann geti tekið ullina þeirra eða slátrað þeim svo hann hagnist. Maðurinn notar önnur dýr oftast nær til að hagnast á þeim, ég skil allveg að það þurfi að gera en ekki hversvegna sumir vilja ekki horfast í augu við það að við erum að nota þau í hagnaðarskyni og hugsum oft ekki um velferð þeirra. Mér finnst maðurinn vera versta dýrið á jörðinni og það tilgangslausasta, ef við trúum ekki að það sé einhver guð einhversstaðar sem hefur áhuga á okkur þá er ofsalega lítill tilgangur með því að hafa okkur niðurrifsseginna og skemmdarvargana á þessari (einusinnivarsamtekkiallveg) fögru plánetu. Ég trúi á guð. Hann/Hún/Eitthvað er altumvefjandi lífsafl sem býr í okkur öllum og öllu sem lifir og er hægt að hafa áhrif á með magick, ég tel allar hugmyndir og allt sem er, hefur verið og verður eiga uppruna sinn í þessu afli og að allt muni aftur til þess snúa í áframhaldandi hringrás.
Ég tel líka að í hvert sinn sem dýrategund deyr út vegna offveiði og annarss slíks þá skaði það þetta afl, það veikist og þá er heimurinn ekki jafn góður staður.

Ókey, þá skoðun mín á satanisma :) úff hin ræðan var alltof löng, sorry. ókey, mér finnst biblía satans vera frekar innantóm, sammála fyrsta ræðumanni að mörgu leyti. Mér finnst kirkja Antons La Vey óáhugaverð og ég get ekki ýmindað mér að þeir sem sækja í hana séu að gera það vegna andlegra málefna. Ef það eru til sjálfstætt hugsandi satanistar (?) sem stunda mannfórnir þá eru þeir stórhættulegir og eru sjálfsagt að gera tilraunir á grundvelli þess að ná sambandi við satan eða einhverja djöfla. Mér finnst slíkt viðurstyggilegt. Ef einhver heillast af satanísku biblíu antons la vey þá getur hinn sami glaðst því ótrúlega margar bækur eru eftir til að heillast af. Ef hann hefði lesið þær fyrst mundi hann sennilega hafa dæst og lagt SB frá sér án frekari pælinga um andlegan þroska antons la vey.

Kveðja

Vortex