Það sem ég á við með feluleiknum er að fólk talaði um þessi mál svona næstum því í trúnaði eða þá í þeim örfáu félögum sem þá voru starfandi. Foreldrar mínir voru báðir mjög næmir og móðir mín sem er að verða 88 ára gömul var mjög skyggn þegar hún var ung. Þetta var barið niður í henni með neikvæðum athugasemdum eins uss láttu ekki nokkurn mann heyra þessa vitleysu. Hún átti samskipti við huldufólk og sá það bara svon eins og hú sér mig og þig.
Þessum áhrifum kemur hún svo áfram inn í uppeldi okkar systkyna jafnvel þó að pabbi hafa verið mikill áhugamaður á þessu sviði. Óttinn sem að lá í loftinu var að þetta væri kukl og að við myndum enda á Kleppi ef að við værum að fikta eitthvað við þetta. Við erum 3 systurnar og störfum allar í dag á þessu sviði.
Þetta með spádómana sérstaklega um dauða , alvarleg slys o.s.frv. er ég þér hjartanlega sammála um. Sjálf fór ég til þekkts miðils hér á íslandi þegar ég var 21 árs. Ég var þá 2ja barna móðir og búin að vera gift í 4 ár. Miðillinn sagði við mig að ég yrði ekkja um 40. Auðvitað brá mér mikið þessi miðill var líka þekktur af því að vera nákvæmur og segja það sem “rétt” væri. Ég kippti hendinni að mér og hún spyr “ setti ég þig út af laginu? ”

Árin liðu og oft hugsaði ég um spádóminn teljandi mér trú um að það sem sagt væri við mig myndi ekki hafa áhrif ef ég veldi að hafa það þannig. En það var búið að sá fræinu. Þessi miðill leyfði ekki upptökur. Og smásaman gleymdi ég því hvort ég yrði ekkja 40 eða að maðurinn minn (sem var 6 árum eldri en ég ) myndi deyja 40 . Þannig að frá 34 ára til 40 var ég óbeint alltaf á nálum ef hann var á ferðalögum. Ég man ekki lengur afhverju ég tengdi það við ferðalög en..
Það sem gerðist í raunveruleikanum var að við skildum þegar ég var rúmlega fertug.
Þessi spádómur sem að ég fékk og sviðaðir sem nokkrar ungar konur sem ég hef kynnst í gegnum lífið urðu til þess að ég eftir 30 ára pælingar um tarot stofnaði Tarotskóla Pálínu sem er í Bláa Geislanum. Og tilgangurinn með honum var og er að hjálpa öðrum að túlka innihald og speki þessara stórkostlegu spila og skila því á jákvæðan og uppbyggilegan máta frá sér.
Allir spádómar eru afþreying og ættu að krydda lífið og gera það spennandi og skemmtilegt en það er ekki verra ef að þú getur nýtt þér það forskot sem að þeir geta gefið.
Kveðja Geislinn

Hér erum við að skiptast á skoðunum á huga en spjallþráðurinn á http://www.geislinn.is/spjall
heitir “Djúpa Herbergið”
Ástæðan fyrir nafninu er að við ætlum okkur dýpt í umræðunum og að þar geti allir þátttakendur komið með spurningar, hugmyndir, greinar og kvíða sinn eða ótta. Stjórnendur hafa talsvert mikla þekkingu og eru tilbúnir að miðla af henni og reynslu sinni.
Vona að þetta svari spurningu þinni og endilega kíktu inn í djúpa herbergið og sjáðu hvað þér finnst.:-)