nei hann erað reyna að draga að viðskiptavini (reyndar á frekar ógeðfelldan og siðlausan hátt)ég meina þar sem flottu stelpurnar eru þar eru kallarnir sem kaupa áfengi fyrir sig og jafnvel þær(17ára stelpurna

ég get nú ekki verið annað en sammála að þetta er frekar halló! þegar staðurinn var nýopnaður (1 eða 2 helgin) var ég og vinkona mín að labba þarna framhjá og stoppuðum e-ð aðeins þarna fyrir utan. þá kemur eigandinn og bendir á okkur og hleypir okkur inn. við vorum ekkert að fara þangað inn. en við ákváðum að prófa og ji minn almáttugur við löbbuðum einn hring og ég var næstum búin að æla yfir þetta ömurlega fólk sem var þarna inni, kaupfélagið er alveg að slá úr astró!!!!!!

Ég hef verið að vinna sem dyravörður í rúmt ár og veit alveg afhverju það er hleypt yngra kvennfólki inn og það er eins og segir í greininni til að laða Karlmennina inn til að fá meiri pening en ég hef nú aldrei heyrt að hada aldurstakmarkið 17…. ég hef verið á þremur stöðum og á tveimur þeirra er aldurstakmarkið 22ára og á þeim báðum þá er tekið strangt á þessu nema svona einni og einni sem er kannski í hópi eldra fólks sem er orðið… og þá sjaldan eða aldrei UNDIR tvítugu… 3staðurinn er með 20ára takamark og þar er haldið vel við nema kannski ein og ein sem þekkir einhvern starfsmann sem hleypt er inn… Og það sleppur oft eitthvað yngra í gegn því þær/þeir lýta bara út fyrir að hafa aldur.. við eigum auðvitað að spyrja ALLA sem koma inn um skírliki en hver nennir að spurja rétt tæplega eða rúmlega 1000 manns um þau???
Svo geta þetta alltaf verið dyraverðir sem vinna bara ekki vinnuna sína í þeirri von um að “komast uppá” þessar stelpur…. Ég held mig allavega við mínar reglur og hleypi ekki yngra inn nema ég þekki það og þá set ég þeim líka reglur…

M

díses, þið eru öll ég-er-svo-ljót/ur-að-ég-kemst-ekki-inn-á-neinn-stað-nem a-kaffi-reykjavík týpan

auðvitað eigum við fallega fólkið að fá að komast inn og fram fyrir í röð óháð aldri. það er bara ljótt fólk sem þarf að húka fyrir utan.

Það er náttla líka ósanngjarnt fyrir hina sem er mismunað

Hérna er ekki verið að tala um það hverjir séu í vip forgangi á staði og hverjir ekki. Það er verið að tala um það hvers vegna ungar píur sem ekki eru nema kannski 15-17 ára séu að gera inn á skemmtistöðum sem ætlaðir eru fólki 22 ára og eldra. Þannig vill nú til að ég er 31 árs og mörgum finnst það eflaust vera alveg hauggamalt en það er það ekki og á árunum eftir svona 28 fer maður virkilega að njóta þess að fara út á lífið með vinum og kunningjum sínum.
Þar sem ég rakst á þessa umræðu af tilviljun langar mig að taka þátt í henni og get ekki annað en verið sammála henni þar sem aldurstakmörk eru sett til þess að virða þau og fara eftir þeim.
Þannig vil nú til að ég og mitt vina fólk höfum nú forgang á marga staði hér í borg og það kemur ekkert því við hvort við erum ljót, falleg eða eitthvað skrítin.
Þar sem ég er einstæður eða með öðrum orðum nýhættur í sambandi þá finnst mér nú alveg ægilega gaman að reyna við hitt kynið og geri það óspart. Samt vil ég nú vera viss um það að ég þurfi ekki að vera biðja þessar stúlkukindur um skilríki vegna þess að þær gætu verið undir aldri og jafnvel ekki lögríðandi eins og sagt er á ljótri íslensku. Þessir svonefndir eigendur skemmtistaða hugsa ekki alveg rétt vegna þess að það síðasta sem ég myndi gera væri að splæsa einhverjum drykkjum á einhverjar unggelgjur. Svo ég er sammála fyrsta greinarhöfundi og ég vil geta gengið að því vísu þegar ég geri move á stelpurnar þá séu þær á aldrinum 22 og upp úr en ekki nein smábörn.

en mér finnst að þessir dyraverðir eigi að taka smá tillit til ef allir eru orðnir 20 en einn er að verða 20 á árinu..þannig er málið með mig ég á afmæli seint á a´rinu en allir vinir mínir orðnir 20 og ekki fæ ég að fara inn ..

ertu hálfviti

það er ekki málið að vera fallegur eða ljótur til að komast inn á staði eins & Astro…. á Astro er dresscode & 22 ára aldurstakmark. Þú ferð ekkert á dresscode staði í gallabuxum þá getur þú bara farið á glaumbar. & 17 ára stelpum er td alls ekki hleypt inn þótt þær séu með sílicon. Þetta er bara mál um prinsip…
Skemmtistaðir eru misjafnir og misjafnartýpur á þeim. Td fer yfirleitt ekki sama manneskjan á Astro & vegamót … þetta eru sitt hvorar týpurnar…

Og elsku gelgjurnar mínar njótið þess að vera gelgjur meðan þið getið því áður en þið vitið af þá verðið þið 22 ára and that feels old!!!!
kv
Ernani

mér finnst að thað ætti að hafa sér stað fyrir okkur sem eru bara 17 ára :)

Ég get ekki annað en veltst um af hlátri. Það er greinilegt að íslendingar eru kolruglaðir. Það er hreint ótrúlegt um hvað er hægt að rífast. Ljótt og fallegt fólk!

Þegar maður fer á djammið niðrí bæ, þá hef ég amk. bara eitt mottó. Að skemmta mér. Mér er nokk sama hvort ég fæ að ríða eður ei (ég á amk 77 ár eftir ólifuð, nógur tími) ég vil bara skemmta mér með skemmtilegu fólki, vera drukkinn ef mig langar, dansa og láta eins og hálfviti. Til þess hef ég fundið einn frábæran stað. Það er stofan heima. Þar er ekkert aldurstakmar, bara mitt takmark. Þangað koma þeir sem ég vil aungvir aðrir, þar er best að djamma. En ef ég fer í neðra þá hefur Amsterdam uppfyllt mína skemmtiþörf ágætlega, já eða Maxim's, það er klassa staður (c:

P.s. ég telst ábyggilega til þeirra ljótu (snoðaður, skeggjaður, feitur og óheppinn með mig) samt hefur mér tekist að komast þangað sem ég vil, meira að segja Astró, sem þótti erfitt á sínum tíma (ég hef engan áhuga á þessu Kaupfélagi, aldrei prófað það) og hvað þetta heitir nú allt saman. Broddurinn er sá að ef þú þarft virkilega að djamma á skemmtistað, þá er málið að finna sér góða stofu og dansa þar á sokkaleistunum, það er hin besta skemmtun. Fyrir ykkur sem ekki hafið aðgang að stofum, hmmm, dokið í nokkur ár, þið eruð hvort sem er ekki að missa af neinu (c:

Kveðja,

Konráð

Þetta sem þið eruð að röfla um hahahahahaha þið hafið ekki græna hvernig þetta fólk er inn á skemmtistöðum!!!! Ég er að vinna á skemmtistað í bænum og AARRRGGG ef ég væri dyravörður myndi ég hleypa öllu fólki undir lögaldri inn því drukkið fullorðið fólk er svona 30 sinnum verra heldur en unga fólkið. Svo var einhver að segja hérna áðan að unga fólkið kynni ekki að meðhöndla drykkju og skemmtistaði en ég held að það sé nokkuð rangt.

Fullorðið fólk fullt: Kemur inn á staðinn, yfirleitt blindfull, rífandi kjaft, þykjast ráða yfir öllu og öllum og það nöldrar út í eitt. Af því að maður er ungur að vinna á skemmtistað þá er maður bara eitthvað hor í þeirra augum sem þau halda að þau geti bara skotið út í loftið. Mín reynsla á drukknu fullorðnu fólki er hreinn og beinn viðbjóður, þau eru miklu verri en unga fólkið það eru svo miklir stælar í þessu fólki að ég gæti gubbað. Ég er búinn að lofa sjálfum mér að verða aldrei svona þegar ég verð fullorðinn að það bara rigni upp í nefið á mér þegar ég er í glasi. Við erum öll eins þó að við fáum meira útborgað en aðrir, það er ekkert sem getur breytt því!

Ungt fólk undir lögaldri: Þau eru ekki með stæla því þau vita að ef þau eru með stæla þá verður þeim hent út. Mér finnst persónulega að aldur til að kaupa bjór og léttvín ætti að lækka í 18 ára. Og einnig inn á skemmtistaðina. Hafa þá skemmtistaði sem höfða til eldra fólksins. Tökum Nasa sem dæmi. Gætir þú ýmindað þér mömmu þína og pabba komin á sextugsaldurinn vera að syngja HEEEYYYY BABY. Inn á Nasa um daginn var maður um sextugt sem stóð upp á stól að syngja HHHEEEEYYY BABY. Gætir þið séð fyrir ykkur ungt fólk undir lögaldri vera að gera þetta? NEI, því yrði hent út strax. Fullorðið fólk er alltaf með svo mikla stæla að það er ekki fyndið… ég veit ekki hvort þið skiljið eitthvað af því sem ég er búinn að skrifa, en það verður bara að hafa það því ég er orðinn vel leiður á þessu fullorðna fólki og alltaf vera að segja að það séu svo miklir stælar í þeim, frá hverjum ætli við fáum þetta. Lærum við ekki af foreldrum okkar?? Nei ég veit ekki en ég er búinn að koma þessu af mér núna.

Ég þakka fyrir ef þið hafið nennt að lesa þetta allt saman. Ég var orðinn soldið pirraður þegar ég skrifaði þetta, komt allt út í einni runu!!

Takk fyrir

Ray Franco

“You can undo the past… But, you can certainly not repeat it.”
– Bruce Willis

Þetta er svona á öllum skemmtistöðum, ég og nokkrir vinir mínir ætluðum að reyna að komast á Spotlight (þá 17 ára) og vonuðumst að systir eins vinarins gætti reddað okkur enn hún var ekki að vinna það kvöld. Við gengum ákveðnir að dyrunum eins og við værum eitthvað merkilegir gaurar og tókum eftir því að dyravörðurinn var að athuga skirteini hjá öðrum og vonuðumst að hann tæki ekki eftir eða skipti sér ekki af okkur, enn því miður gerði hann það. Við hættum við en þegar við erum að lappa í burtu sjáum við stelpu sem hafði verið með nokkrum að vinunum í grunnskóla lappa út af staðnum. Þetta er allstaðar eins, Stelpur 17 og uppúr komast inn, enn strákar undir 21 eða eldri (fer eftir staðnum) komast ekki inn nema þeir séu dyraverðir (og þeir eru til, dyraverðir undir 20 ára).

Já aumingja litla Ísland.

Ég skil ekki þessa skilríkjaáráttu. Af hverju þarf að vera 22 ára aldurstakmark inn á flesta staði? Fólk er lögráða og sjálfráða 18 ára, má versla áfengi 20 ára en má ekki fara á almennilega dansstaði fyrren 22 ára!!! Fyrir mitt leiti má alveg lækka áfengisaldurinn niður í 18 ár (og endilega selja létt áfengi og bjór í matvöruverslunum), og setja aldurstakmörkin inn á staði niður í 18 ár, max. 20 ár.

Svona er þetta í mörgum nágrannalöndum Íslands, nema auðvitað í Svíþjóð (þar er jú allt bannað, og sums staðar er 23 ára fyrir stelpur en 25 fyrir stráka!). Eftir smá tíma munu staðirnir síðan þróast fyrir ákveðna hópa, en án þess þó að hækka aldurstakmörkin. Mér heyrist líka á fólkinu hérna að það vill helst skemmta sér með fólki á svipuðum aldri. Fólkið undir tvítugu vill bara komast inn, sama hvar það er, svo að það er lítið vandamál. Fólk upp úr þrítugu vill vera sér. Fólk milli tvítugs og þrítugs hefur það fínt saman, og síðan er fólk yfir fertugu síðast hópurinn. Ég skil ekki hvers vegna allir staðirnir á Íslandi þurfa að reyna að stíla inn á þotuliðið og pikköppliðið(22-30 ára), skýrir kannski stuttan lífstíma þeirra.

Kannski staðirnir ættu frekar að stíla inn á þann aldurshóp sem virðist stunda staðinn mest, frekar en að reyna að rembast við að krækja í sömu kúnna og einhverjir aðrir eru með. Það er svolítið þreytandi að skemmtistaðirnir séu alltaf að rembast og skipti um stíl á hverju kvöldi, sérstaklega þegar fólk þarf að punga út morð fjár til að komast inn. Ferlega svekkjandi að lenda í því að borga sig inn á stað og komast svo að því að það er svaka kántrýtónlist í gangi (nýr dj!), þegar maður enmitt hafði verið í svaka teknófílíng helgina áður á sama stað og aldrei skemmt sér jafn vel!

Ef ég var beðin um skilríki þegar ég var undir tvítugu gat ég alltaf talað mig í kringum það, leit ekki út fyrir að vera undir aldri. Strax daginn eftir að ég komst á aldur var ég beðin um skilríki!!! hahaha …

Ég hef upplifað að búa erlendis í nokkur ár og aldrei nokkurn tímann hef ég verið beðin um skilríki, og aldrei séð dyraverði biðja um skilríki. Inni í þeim stöðum sem ég hef verið á hef ég heldur ekki upplifað marga “krakka”. En svo gerðist svolítið skondið atvik í einni af mínum heimsóknum á klakann. Ég fór á Thomsen með vinkonu minni. Ég hafði aldrei farið þangað áður, staðurinn var ekki til þegar ég hafði verið á landinu síðast, og því um að gera að prufa. Vinkona mín er mjög barnaleg í útliti, við vorum 22 ára á þessum tíma en hún hefði alveg getað verið 16:) Nema að hún röltir inn, brosir sætt til dyravarðarins, sem rífur í aumingja mig og heimtar skilríki! Ég spurði hann hvers vegna, og svarið var einfalt, hann hafði ekki séð mig áður!!!!!!!

Nú vil ég taka fram að staðurinn var troðfullur af krökkum langt undir aldri svo að það er greinilega eftir hverju var farið við dyravörsluna. Ég fór aftur nokkrum dögum seinna á virkum degi með 17 ára systur minni, viti menn, ég er stoppuð! Nú hef ég aldrei verið álitin deginum yngri en ég er, og þess vegna var þetta nú hálfskondið. Systir mín hafði verið þarna kvöldið áður með kærastanum sínum, sami dyravörður … end of story.

En ég er nú ekki alveg búin með reynslusögu mína af dyravörðum dauðans. Ég fór annað slagið til Íslands, og var 26 ára þegar ég fór á pöbb með systur minni fyrrumtöluðu og vinkonum hennar (21-22 ára). Stelpurnar töltu inn fyrir eins og ekkert væri, en hver er stoppuð? Gamla kellingin! Ég sagði náttúrulega bara takk fyrir mig:) Ákvað að taka því sem hrósi að vera svona ungleg!

Mér finnst þetta gengið útí öfgar með þessi blessuðu aldurstakmörk. Ég er sjálf ekkert barnaleg, og það er afar sjaldan að fólk giskar á minn rétta aldur, yfirleitt tveimur þremur árum yfir:( (ekki alltaf gaman). Auðvitað er ekki gaman að vera álitin eldri en maður er, en ástæðan er mjög einföld, ég er næstyngst á vinnustaðnum og þess vegna spáir fólk ekki í því heldur telur að við séum öll á svipuðum aldri (við erum á aldrinum 25-39).

En mér finnst ömurlegt að vera beðin um skilríki af því að það var ekki mynd af mér í Séð og Heyrt í síðustu viku, eða af því að dyravörðurinn hefur ekki verið með neinni af vinkonum mínum. Og svo þegar maður loksins kemst inn á staðinn (er ekki beinlýnis tilbúin með skilríkin, á ekki von á að vera beðin um þau) þá kemst maður að því að staðurinn er troðfullur af smákrökkum sem hafa ekki einu sinni náð bílprófsaldri. Og hvernig skyldi þau nú hafa komist inn?

ég fór á djammið á fösturdagskvöld og komst inn án miða og án þess að standa í röð ég var reyndar spurð hvort það mætti kíkja í töskuna mína en gaurinn nennti því svo ekki svo ég komst bara strax inn:)

Æ, væri lífið ekki skemmtilegra ef fólk reyndi að einbeita sér að því að skemmta sér sjálft frekar en að vera að rífast og hneykslast út í allt og alla. Ef einhver staður er ömurlegur að ykkar mati, farið þá bara eitthvað annað og látið hann í friði? Fólk er ólíkt og stundar ólíka staði.

jah mér er svo sem sama hvernig fólk lýtur út þegar ég fer á djammið á hvaða aldri ,nema kannski þegar “Krakkar” á aldrinum 16 og niður eru að reyna að komast inná staði ,sjálfur hef ég aldrei lent í vandræðum á að komast inn ,en það sem fer virkilega í taugarnar á mér er hvað íslendingar eru virkilega þröngsýnir hvað tónlist varðar ,ef það hefur ekki verið spilað í útvarpinu þá er lagið bara skítur og á ekkert heima á dansgólfinu, ég er að vinna sem plötusnúður á ónefndum stað og er að reyna að koma með eitthvað algerlega nýtt efni og hvað fæ ég fyrir Spilaðu meira með jennifer lopez eða eitthvað meira diskó ,ókay ég geri það ,en er fólk sátt þegar ég reyni að skipta svo aftur eftir svona hálftíma ,nei… það vill helst vera með fm957 playlista á repeat allt F****** kvöldið.

ég hef talað mitt :)