“Árni stjórnar brekkusöng á Þjóðhátíð
Birgir Guðjónsson, framkvæmdastjóri þjóðhátíðar í Vestmannaeyjum, segist að óbreyttu gera ráð fyrir því að Árni Johnsen muni stjórna brekkusöngnum eins og oft áður.

Hann segir að það verði engin breyting á því og minnir á að Árni eigi sinn þátt í þeirri uppsveiflu sem verið hefur á þessari hátíð sem haldin er ár hvert þar um verslunarmannahelgina í Herjólfsdal.

Mikill hugur er í Eyjamönnum vegna komandi þjóðhátíðar í byrjun næsta mánaðar og er þegar búið að flytja nauðsynleg mannvirki inn í Herjólfsdal. Þá búast menn við að fyrir hátíðina verði búið að taka í notkun nýja 1000 metra flugbraut á Bakkaflugvelli. Við það batnar öll aðstaða til flugs þaðan og til Eyja.

Birgir segir að það sé rífandi gangur í undirbúningi hátíðarinnar auk þess sem viðtökur almennings við miðasölu hafi verið mjög góðar. Af þeim sökum megi búast við fjölmenni eins og oft áður og að veðrið verði gott.”
þetta rakst ég nú bara á hérna rétt áðan.. og við sem erum að fara á þjóðhátið þurfum engu að kvíða.. það er augljóst að hann Árni mun stýra brekkusöngnum þrátt fyrir allt þetta vesen.. ;) við skulum bara fara þangað og hafa það sem fínast.. ;) skemmtið ykkur sem eru að fara.. ;)
“Austin.. I´m your father…”