ég er svo sammála, ég fer nærri því alltaf edrú út á lífið en það þýðir ekki að ég geti ekki skemmt mér. Mér finnst alltaf jafn sorglegt þegar ég heyri fólk segja að það geti alls ekki skemmt sér án þess að detta í það, og ef það er ekki í stuði þegar það er á skemmtistað(edrú) þá er alltaf afsökunin “æ já… svo er ég líka edrú” eins og það sé eitthvað ógerlegt að skemmta sér án þess að dæla í sig áfengi.
Að dæla í sig áfengi er eiginlega að dæla í sig sjalfstrausti hjá mörgum aðilum, um leið og fólk er búið að svolgra í sig óhóflegu magni af allskyns drykkjum þá allt í einu er voða stuð á skemmtistaðnum, en er það ekki oft gervigaman þegar að þú ert búinn að drekka það mikið að þú telur þér trú um að það sé stuð þegar í raun og veru þá ertu bara að rembast við að djamma?
Ég er alls ekki að segja “bakkus er djöfullinn sjálfur og vei þeim sem voga sér að snerta við bjórglasi! ”, mér finnst bara synd að ofdrykkja sé svona fastur partur af skemmtanalífinu, fólk er ekki tilbúið til þess að fara út á lífið án þess að djúsa áður, það gefur því ekki tækifæri vegna þess að fólk er búið að ákveða fyrirfram að það sé algerlega ómögulegt að dansa án þess að vera búið að rugla líkamann með drykkju. Það sem ég heyri oft er það að fólki finnist það ekki getað dansað án þess að vera í glasi vegna þess að annars þá finnist þeim allir vera að horfa á sig og dæma sig, ég get alveg sagt það að ef einhver er yfirhöfuð að glápa á þig og dæma þig vegna asnalegra dansspora þá glápir sá hinn sami líka á þig og dæmir þótt að þú sért blindfullur.
Ég persónulega sé ekki hvað er svona afskaplega heillandi við það að eyða helling af pening í fullt af drykkjum til að plata skynfærin í eitt kvöld, þessi peningur fer bara í einhvern vökva sem þú pissar svo á endanum, frekar tilgangslaus eyðsla það, maður gæti allt að eins brennt peninginn sinn. En til þess að róa einhverja heila þá veit ég að maður eyðir pening í mat sem maður kúkar svo …. það er ekki sama málið.. þú þarfnast mats en ekki áfengis, áfengi er eitthvað sem líkamanum er ekki eðlislægt að innbyrða í miklu magni þess vegna fer öll skynjun í fokk.
Ég er aðallega að tala um ofdrykkju í þessum nöldurpistli mínum en ekki það að fá sér rauðvínsglas eða einn eða tvo bjóra sem er alveg sjálfsagt, ég er bara búin að fá leið á því að fólk virðist ekki getað séð það að það er alveg hægt að dansa og skemmta sér án þess að vera haugadrukkið,drykkju fylgir líka leiðinda væl og óþarfa ofbeldi, hver hefur ekki lent í einhverjum kófdrukknum aðila sem getur ekki hætt að væla útaf einhverjum gömlum ástum og ómerkilegu drasli sem enginn nennir að hlusta á. Ég vona að ég hljómi ekki eins og einhver ellikerling sem finnst ungdómurinn vera að fara fjandans til, ég er bara búin að fá ógeð á djamm menningu sem þrífst á því einu að plata sjálfan sig til þess að hafa gaman en enginn metur tónlistina í raun og veru … það bara platar sjálft sig til þess að halda það.

Ég fer oft með vinum mínum á djammið og þá er ég annaðhvort edrú eða ekki. Og ég get skemmt mér mjög vel hvort sem það er áfengi með í för eða ekki. Og ég kalla það bæði að djamma.

svo sammála… manni finnst ekkert gaman að vera böggaður á því að segja Nei og tel ég það miklu meira sjálfsöryggi og kúl að gera ekki eins og allir hinir og DREKKA sig fullan.