Öðru hverju skjóta upp kollinum greinar þar sem skyndikynni fá harða útreið og sækja greinarhöfundar mjög gjarnan í brunn slæmrar reynslu sinnar. Hver man t.d. ekki eftir greininni “skyndikynni eru ömurleg” eftir Súsönnu Svavarsdóttur og skyldum pistlum. Undirritaður ætlar ekki að fjalla um hversu gaman er í rúminu hjá Súsönnu enda hef ég ekki haft þá ánægju að sofa hjá henni hingað til heldur fjalla um eigin reynslu í skjóli dulnefnis.
Mín reynsla af skyndikynnum er mjög góð og á þeim fimm árum síðan ég naut þeirra fyrst (á sextánda ári) hef ég notið þeirra mun oftar en t.d. kvikmyndasýninga og hef afrekað ýmislegt, m.a. að fullnægja konum frá 7 löndum sem er býsna gott þegar maður er svona ungur. Þá hef ég mest verið með þremur konum í einu sem ég efa að 1% karlmanna afreki á ævinni. Get ég fullyrt að til þess að ná t.d. þessum árangri þarf ýmsa eiginleika sem eru sjaldgæfir hjá fjöldanum, m.a. mikla persónustöfra, mikla þekkingu á konum og málefnum, gott sjálfstraust og margt margt fleira til. Meðalmaður að útliti og gáfum á litla möguleika að verða kvennamaður þegar fram í sækir. Það þarf nefnilega oft mikið hugrekki og mikinn kjark til að hözzla konu þegar tíu aðrir gaurar eru að reyna við hana. (konur veiða nær aldrei karla, þessu mótmæla allar konur en hversu oft eru fjórar til fimm konur í kringum einn gaur á skemmtistað þegar undantekning er að þetta sé ekki öfugt). Konan vill síðan yfirleitt eitthvað meira en bara ríðingu þegar heim er komið og er yfirleitt um að ræða að hún vilji staðfestingu á því að hún sé áhugaverð, falleg og greind. Þetta á þó fremur við konur eftir 22 ára aldur, fram að því eru þær yfirleitt feimnar og lélegar í rúminu eins og íslenskar konur almennt, á þessu eru þó skemmtilegar undantekningar en þó því miður yfirleitt hjá stelpum sem hafa verið í dópi - þær eru oft fimm stjörnu í rúminu.
Til þess að konan fái allt frá manninum sem hún vill þarf hann að kunna ýmislegt fyrir sér. Ekki er hægt að miða við kynlíf þar sem strákurinn hefur drukkið kippu en stelpan of marga woody´s enda er þá slökkt á heilanum á báðum. Ég skora á þá sem segja að það gefi manni ekki neitt að sofa hjá ókunnugum að veiða einhverja(n) um hábjartan dag þegar áhrif vímuefna eru víðs fjarri og ef vel ber í veiði efast ég um að þið gætuð átt skemmtilegra síðdegi.
Að endingu - ég vil ekki bera saman það að sofa hjá ókunnugum við það að sofa hjá hinni heittelskuðu(aða) því það er tvennt mjög ólíkt, sitthvort hefur sína stóru kosti en persónulega finnst mér ekkert jafnast á við fyrsta skiptið. Lifið heil.