vallip fyrir 24 árum Fjöldi lestra: 275

Að vera alsgáður með bjór

Hvað er nú þetta með að fólk heldur að bjór og annað áfengi geri fólk leiðinlegt, hallærislegt og blind fullt.

Ég er þeirrar skoðunar að það sért þú sjálfur sem gerir þig fullan sumir verða jafnvel háðir, en ég verð að segja að það fer allt eftir fólkinu sem drekkur áfengið, fólk verður að þekkja sín takmörk og hafa stjórn á drykkjuni.

Sjálfur get ég farið á djammið og skemmt mér frábærlega án áfengis jafnvel þó að allir félagarnir séu í glasi, mér fynnst algott að geta bara farið útí bíl eftir djammið og keyrt heim alsgáður.
Samt fæ ég mér stundum í glas og hef gaman af því svo framarlega að ég drekki ekki allt of mikið (jújú það hefur nú komið fyrir).

En ég vona að allir hér hafi einhvern tíman farið út að skemmta sér án áfengis því það er sérdeilis prýðilegt.

Með Thulekveðju
vallip

[Notanda eytt] fyrir 24 árum

Ég var 14 þegar ég fór til Englands og ég fór á discótek sem var fyrir 18 ára og eldri en komst inn en ég drakk engan bjór en sumir sem ég fór með drukku bjór en ég skemmti mér vel.

Fyrra álit

hulda fyrir 24 árum

Mér finst lang skemmtilegast að fara út að djamma þegar ég er að drekka.. ekkert stuð að djamma edrú!

Fyrra álit

magicgirl fyrir 24 árum

Nú? Mér finnst voða fínt að fara edrú út að skemmta mér, og árshátíðin í skólanum mínum er held ég stærsta áfengislausa framhaldsskóla skemmtunin, og það var alveg ógeðslega gaman þar. En það er nottla líka frábært að drekka dáldið =)

Fyrra álit

trAstiz fyrir 24 árum

Mér finnst bara fínt að skemmta mér Edrú ef það er góð tónlist í gangi og skemmtilegt fólk…eeen ef að það er ekki skemmtilegt fólk eða skemmtileg tónlist þá er best að fara bara heim og halda partý…en að skemmta sér fullur getur alveg verið skemmtilegt líka ef maður jahhh er í góðum hóp…..og eitt enn það er alveg brilliant að taka rafmagnið af skuggabarnum og heyra allar FM-píkurnar og hnakkana öskra úr sér líftóruna…það er allavega eina ástæðan sem ég fer þangað inn..( sérstaklega ef góðu tónlistina vantar á hina staðina þá verður maður að fara þangað og hlæja svolítið )…

Fyrra álit

Fairy fyrir 24 árum

Þetta er nátturlega bara spurning um þroskastig. Það eru aðallega unglingar sem kunna sér enginn mörk og drekka þangað til þau geta ekki meira. Þau eru jú ekki búin að uppgötva hvað maður er leiðinlegur þegar maður er fullur.
Ég veit þetta því að jafnvel ég var einu sinni unglingur og þegar ég var á mínum fylliríum með mínum vinum, vorum við öll eins.

Í dag hinns vegar drekk ég til þess eins að væta kverkanna. Auðvitað kemur það einstöku sinnum fyrir að maður verður léttur á sér. Þá er bara að taka sig til, fela bíllyklanna og taka taxa :)

Annars þá er það eina sem ég drekk nú til dags er bjór, léttvín og kokteilar og svo að sjálfsögðu Hot & Sweet.

Þá finnst mér skemmtilegast þegar ég er með góðum vinum heima í stofu og við fáum okkur aðeins í glas.

Fyrra álit

diaphanous fyrir 23 árum, 12 mánuðum

Ehh…verð reyndar að fá að andmæla þessu aðeins hjá þér Fairy.
Jú, að sjálfsögðu snýst þetta um þroskastig hvernig þú höndlar þína drykkju en… Það kemur bara svo margt inní þetta og að kenna bara unglingum um ofdrykkju finnst mér frekar barnaleg ályktun. Þú segir að það séu unglingar sem kunni sér ekki hóf þegar kemur að drykkju!
Það er bara ekki satt!
Það er fólk á öllum aldri sem kann sér ekki hóf. Sumir læra seint að stjórna sinni drykkju, aðrir læra það aldrei! Víst kemur fyrir að fólk verði ‘óvart’ ofurölvi en sannleikurinn er bara sá að margir vita bara ekki hvenær þeir eiga að hætta.
Því miður ert þú þarna að gera þig seka um fordóma!
Fordómar gegn unglingum eru algengir í dag. Víst er það að á þessum aldri eru margir að reyna fyrir sér á ýmsum sviðum, m.a. í drykkju, en það er bara ekki réttlátt að alhæfa um þetta frekar heldur en að alhæfa að allir sem eru yfir ákveðnum aldri, s.s. ‘fullorðnir’ (hvað sem það nú þýðir), kunni að drekka!
Þó að þú og þínir vinir séu í hópi þeirra heppnu sem hafið lært að stjórna ykkar drykkju þá þýðir það ekki endilega að þetta sé lexía sem allir verði að læra. Ég þekki, persónulega, fullt af fólki sem hefur neytt áfengra drykki í hófi frá því að þeir byrjuðu að drekka.
Ég verð líka að mótmæla því að allir sem séu fullir séu leiðinlegir. Það er fullt af fólki sem er stórskemmtilegt í glasi en á móti kemur að það fólk á það flest sammerkt að vera stórskemmtilegt þegar það er edrú líka!

diaphanous

Fyrra álit

Fairy fyrir 23 árum, 11 mánuðum

Ég ÞOLI það ekki þegar fólk, hvort sem um er að ræða unglinga eður ei, kennir öðrum um sína drykkju (eða ofát eða bara whatever). Þegar þú drekkur, er það ÞÉR að kenna, engum öðrum. Þannig að þegar þú orðar það að ég sé að KENNA unglingum um ofdrykkju, er það PÍRSLARVÆTTISHLUTVERK og ekkert annað. Fólk sem á bágt og það er öllum öðrum að kenna nema því sjálfu.

Það fólk sem eldra er orðið og kann sér ekki hóf hvað þetta varðar, er einfaldlega ekki orðið nógu þroskað til þess að kunna að drekka og að því leitinu til (eins og ég sagði áður) er þetta spurning um þroskastig. Fólk á öllum aldri getur verið misjafnlega þroskað. T.d. er stór hópur af fólki sem komin er á þríugsaldurinn eru ennþá bara unglingar þótt maður nefnir engin nöfn í þeim efnum.

Annars þá er það rétt hjá þér að ég orðaði þetta klaufalega áður: unglingar (meina ég þá fólk rúmlega tvítugt og undir) eru mest áberandi hópurinn sem drekkur sig fullan. En hvers vegna er það? Það verða ansi fáir áberandi nema þeir vilji það. Annars þá er ég sjálf á þessum aldri og því fáránlegt að halda því fram að ég sé með fordóma gegn þessum aldurshóp.

Svo er ég ósammála þér að:

- allir fullorðnir kunni sér hóf. Það hefur ekki verið reyndin.

- Til sé fólk sem er skemmtilegt þegar það er fullt, málið er bara að ef maður er fullur sjálfur, þá tekur maður ekki eftir því hvað hinir eru leyðinlegir. Enda eru flestir sammála um það að vera edrú innan um fullt fólk sé leyðinlegt.

Og by the way, Ég KANN að drekka og HEPPNi kom þar hvergi nærri við.

Fyrra álit

darcy fyrir 24 árum

ég verð nú bara að segja það að ef maður kann ekki að skemmta sér án áfengis þá kann maður ekki að skemmta sér.. Vegna þess að það er tvennt gjörsamlega ólíkt að vera að djamma edrú eða fullur.
Þegar maður er edrú þá er það reyndar málið að kvöldið getur annaðhvort orðið Besta Kvöld í Heimi eða þá ósköp lélegt… En, svo ef maður er að drekka, ég tala nú ekki um vel fullur, þá er það bara svona “drunk djamm” og alltaf voða svipað… fer bara eftir áfengismagninu! :)

Þannig að … fólk mitt gott,.. þetta er tvennt ólíkt, og MÉR persónulega finnst að maður verði að kunna/geta bæði!! :)

kveðja,
darcy

p.s. ég er ekkert mest edrú manneskja í heimi en ég held samt að ég kunni/geti bæði…. bara sonna tilað taka allan vafa :Þ

Fyrra álit

sarax fyrir 24 árum

Eitthvað finnst mér mikið um það að fólk sé að segja sömu hlutina hérna - og er það líka nokk rökrétt því það ættu allir sem smakkað hafa áfengi að vita að þetta vesen fer fólki mjög misjafnlega….sumir eru bara ekki skornir út til að neita COOH…
…Ogsíðan skil ég ekki fólk sem getur engan veginn skemmt sér edrú! Eins og einhver sniðugur sagði hér áðan fer allt eftir tónlistinni, vinunum sem mar er með og stemmningunni yfir höfuð hvort það sé gaman eður ei!

Fyrra álit

pug fyrir 24 árum

Ég djammaði edrú á Gauknum í gærkvöldi (geri það sjaldan), og ég skemmti mér bara nokkuð vel. Svo keyrði ég bara heim og ég eyddi ekki nema 200 kalli í eina coke. Yfirleitt eyði ég svona ca. 2000 kalli á djamminu, þrír fjórir bjórar og leigubíll heim. Það kalla ég vel sloppið!! :)

Fyrra álit

sarax fyrir 24 árum

Ég eyði yfirleitt nánast engu á djamminu - kannski að mar verzli eitt stk. bjór, en smygla samt oftast inn og tek svo næturstrætó (sem kostar 5-200kall) eða þá að ég labba heim og er í svona 25-30 mín. að því. Labbaði nú heim í gær í 13 stiga frosti! En ég fatta ekki fólk sem getur eytt einhverjum fleirri þúsundum á einu djammi…þá er ég að tala um 7-12 þúsund kall!

Fyrra álit

trAstiz fyrir 24 árum

Sammála þér SaraX….bara rölta heim eða með bussen…svo er ekkert mál að smygla inn á barina ef maður ætlar á fyllerí……maður þarf ekki að eyða öllum þessum pening á barnum..noWay!

Fyrra álit

smurf fyrir 24 árum

Fyrra álit

Gemini fyrir 23 árum, 12 mánuðum

Ég verð greinilega að læra mín takmörk ég eyði oftast um 10000kr á fyllerí þegar ég fer :)

Átti heima í breiðholti reyndar nýfluttur og leigari þangað kostaði um 1700kr og svo að borga sig inná hina og þessa staði. Og svo get ég drukkið alveg endalaust mikið og lágmark einn bjór og skot á hverjum stað.

Fyrra álit

radical fyrir 23 árum, 12 mánuðum

Er ekki bara málið að vera að fara einhvað út og skemmta sér, ég persónulega finnst hundleiðinlegt þegar ég er á einhverju budgeti á djamminu.. “mar á bara 3000 kall og verður að passa sig að eyða ekki öllu í vitleysu til að eiga fyrir bíl” alveg óþolandi.. ég á heima í grafarvogi og hef labbað heim 3-4 sinnum og það var bara fínt, ég legg þó ekki í það á veturnar þegar það er kalt. Ég er orðinn þreyttur á að fara á djammið “bara til þess að fara á djammið”.. er farinn að gera þetta sjaldnar en þegar ég geri það þá reyni ég að gera það vel og ekki vera halda í einhverjar krónur. Mér finnst miklu skemmtilegra að vera í partýi fram á nótt eða fram undir morgunn.. það finnst mér skemmtilegast.. bærin sukkar feitt að mínu mati nema að maður geri þetta almennilega.. fari út að borða, fari svo á einhvern stað og er ekkert að pæla í buddunni..

ætla að vera í partýi um áramótin.. það er engin spurning.. læt ekki sjá mig í bænum

potent

Fyrra álit

[Notanda eytt] fyrir 23 árum, 12 mánuðum

ég hef nú ekki enn þá lentá leiðilegu djammi. samt hef ég djammað frá því ég var 13 ára edrú og full samt yfirleitt full þegar ég var yngri og það hefur bara þroskaðst af manni. samt gét enn þá dottið í það alveg ógeðslega og verið edrú ég djamma næstum því báða daga hverja helgi og oftast eitthvað á virkum degi. og mér dettur ekki í hug að detta í það þrisvar í viku fyrir utan á útihátíðum og svona. það er rétt sem einhver sagði edrú djömm eru miklu fjölbreittari þegar marr lærir á þau. nottulega eru margir feimnir og þori ekki að hösla nema fullir en ef þeir eru alltaf fullir þá læra þeir það aldrei og ég held að það sé hættulegt. en hvað er þetta með peninginn hef aldrei eitt pening á djamminu kannski því ég er stelpa. einhver strákur borgar inn á staðinn svo bjóða vinir manns manni að drekka síðan finnur maður einhver til að keyra sig heim ekkert mál.

Fyrra álit

Damien fyrir 23 árum, 12 mánuðum

Stelpur ná alltaf að redda sér… eiginlega bara staðreynd lífsins..engin mismunun í gangi , þannig er þetta bara..meðan við strákarnir eyðum fleiri þúsundum,,,svo að þið getið reddað ykkur…. : )
Damien

Fyrra álit

sarax fyrir 23 árum, 12 mánuðum

hmmmmmmm……það fer eftir stelpunni! O.K. þetta á kannski við svona lítla, sæta, kurteisa stúlku sem demplar augunum og sveiflar mjöðmunum svo að hún geti “reddað” sér! En ég kalla það frekar að redda sér ef maar getur séð fyrir sér sjálfur og þyrfi ekki að láta einhverja stráka alltaf vera að bjóða manni hitt og þetta! Ég vil geta verið svon “sjálfstæð” og séð um mig sjálf á djamminu! En svo ef einhver vinur eða vinkona manns er á bíl þá döbblar maar kannsi far…en það er ekkert sniðugt að hözla far hjá Pétri og Páli…

Fyrra álit

Djammið

Djammið

Ofurhugar

Hverjir eru inni

Greinar

Að vera alsgáður með bjór

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi