af því að ég bara held það. Það eru svo fáir sem hafa lesið hana en hún er mest selda bók í heimi.

Jesús kom alls ekkert nýjan boðskap. Kynntu þér mannkynssöguna það voru fjölmargir aðrir á undan Jesús sem boðuðu einmitt það sama.

En ef gamla testamentið hefur allt það ljóta af hverju losa kristnir sig þá ekki við það?

Mætti ég spyrja fyrir hverju þú berð virðingu?

Að afneita þróun á siðferði mannkynsins ekki bara kjánlegt, heldur einnig algjörlega á skjön við öll vísindaleg sjónarmið. Siðferðisþróun er vel hægt að sjá í allri þróun samfélagsins, sem og aragrúa mismunandi siðferðiskennda sem tíðkast um víða veröld.

Og í sögu siðferðiskennar okkar, líkt og á flestum öðrum sviðum tilverunnar, hafa nokkrir einstaklingar breytt ríkjandi gildum með nýrri hugsun. Kenningar Newtons í eðlisfræði eru t.d. ekki jafn algildur sannleikur í nútímavísindum og þær voru vísindasamfélaginu áður fyrr. Engu að síður var það þessi hugmynd sem lagði grunninn að þeirri þekkingu sem við búum að í dag. Svipaða sögu má segja af Kristni, Íslam, Búddatrú, Grískri heimsspeki, kenningum Lao-Tze… listinn er nánast endalaus af hlutum sem hafa átt stóran þáttt í þróun nútíma siðferðis, en hafa í dag e.t.v. misst eitthvað af inntaki sínu.

Siðferði hefur verið til í misþróuðu móti frá upphafi lífsins s.k.v. víðustu skilgreiningu þess, og var því alls ekkert nýtt þegar biblían var seinast ritskoðuð skv. félagslegum stöðlum þess tíma. En samt var siðferðið allt annað þá en á þeim tíma sem ritningarnar í henni voru skrifaðar, nýtt siðferði hafði þegar tekið við. Siðferði er því náskylt allri þróun lífvera, og því ævafornt fyrirbrigði, sem þó er í svo hraðri og víðfeðmri þróun að alltaf mætti kalla það nýtt.

Ég þarf þó ekki svona rök til að bera virðingu fyrir sögu mannkynsins, því að hún er uppspretta allra okkar eigin hugmynda. Hver hugmynd hefur máttinn til að gefa af sé fleiri, og sumar eru svo stórar að þær geta breytt tilveru okkar allra til frambúðar. Biblían er gríðarlegt samansafn af hugmyndum, sem síðan stækkuðu og byggðu ofan á sig uns þær höfðu áhrif á allt mannkynið á einn eða annan hátt. Allar hugmyndir sem hafa komist svo langt eiga ákveðna tegund af virðingu skilið.