hmm…ég er semsagt orðin átján og má kjósa næst…

Nuff: ég væri til í að sjá þig tóna aðeins niður það sem þú ert að segja við bjanaprik hérna. Maður er ekki búinn að ná fullum þroska við átján ára aldur heldur heldur maður áfram að fatta hluti, nokkurnveginn eins lengi og manni endist aldur til.

Athyglisvert samt að í þræði sem fjallar meðal annars um hroka skuli þér hafa tekist að koma með eitthvað sem mér tókst að skilja sem akkúrat það. Hroka þ.e..

Láttu mig vita þegar þú hefur öðlast endanlega uppljómun og ég skal athuga hvort mér finnist þú vera hæfur til að lesa yfir hausamótunum á fólki bara af því þér finnst það ekki nógu gamalt.

Ég þekki fólk - og get nafngreint - sem er átján ára sem hefur víðari sýn og ígrundaðri skoðanir á pólítík (og flestu öðru) en ég sjálfur sem er orðinn tuttugu og tveggja og hálfs. Ég þekki líka fólk sem er fertugt og hefur að mér virðist eytt ævinni með húfuna niður fyrir augun og fingurna í eyrunum. Aldur er afstæður en dónaskapur er það ekki.

Það er reyndar erfitt að meta hvort bjanaprik hafi sagt eitthvað sem átti almennilega rétt á sér, en ég er reyndar talsvert sammála honum (henni?). Sammála honum í því að mér finnst Davíð hafa gengið það langt í þá átt sem hann gekk að það er MJÖG erfitt að kalla hann annað en hrokafullan. Ef einhver ryðst fram fyrir mig í röðinni í bakaríinu og mér sýnist að hann hafi alveg vitað af því er ég búinn að ÁKVEÐA að hann sé dóni. Ef gengur á mig niðri í bæ bara til að labba utan í einhvern og pikka fæt er ég búinn að ÁKVEÐA að mér finnist hann annars flokks steinaldarbúi. Það á auðvitað að vega og meta allt sem maður ákveður að sé neikvætt í fari annarra - og helst sleppa því - en sá sem fer með embætti forsætisráðherra er ekki hver sem er og um hann gilda örlítið öðruvísi reglur. Ef litli hrokagikkurinn innan í forsætisráðherranum lætur svona út úr sér finnst mér það alveg sambærilegt við málið með lögreglumanninn dólgslega sem skrifaði tölvupóstinn góða hér um árið: ímynd nokkurnveginn alls lögregluvalds hérna hlaut tjón af fyrir vikið. Davíð tjónaði sig alveg sjálfur líka.

(ég vil nota tækifærið fyrst ég er að skrifa enn eitt svarið og setja fram örlitla (viðbót eða) breytingu á skilgreiningu minni á hroka hérna í þessum þræði: það er nóg ef það sem það bitnar á er hrokahafinn sjálfur. og allavega í hausnum á mér og mig grunar að við séum fleiri er davíð með byssu í hendinni og holu í skónum - og það rýkur úr þeim báðum.)<br><br>-k-