Ég myndi ekki persónulega láta mitt hús líta svona út en mér er nokk sama hvað aðrir gera við sín. Ég bjó niðrí bæ í nokkur ár og líkaði bara vel. Mörg húsin í kring voru frekar ljót en eins og gengur þá voru mörg af þeim tekin í gegn meðan ég bjó þarna. Ljót hús eru hins vegar ekki heilsuspillandi eftir því sem ég best veit :) Kannski helst ruslið ef það er búið að vera í marga daga úti en fólk er nú stundum að flytja og svoleiðis eða endurnýja íbúðirnar hjá sér og þarf að losa sig við nokkra poka sem þá kannski bíða úti í garði í nokkra daga þangað til það getur komið þeim í Sorpu. Ég sé ekki að það sé heilsuspillandi. Er ekki líka eitthvað átak hjá borgaryfirvöldum árlega að láta fólk hreinsa til í görðunum hjá sér? Það sem snýr að borginni er hins vegar aðallega að slá gras á umferðareyjum og kringum bílastæði og mála þessa veggi sem eru út um allt ef það er á þeirra vegum. Fólk ræður síðan sjálft hvað það gerir við þessa ljótu brunagafla sína. Það væri kannski hugmynd að bjóða listrænum unglingum með spreybrúsa að skreyta þá en náttúrulega minna vesen að renna bara yfir þá með rúllu. Fólk sér hvort sem er aldrei sinn eigin gafl, bara gaflinn á næsta húsi.