Að öðru leyti, hefði hafnarbann verið rofið hefðu fleiri skip verið sent, hefðu Ísraelsmenn ekkert gert við þeim hefðu Hamas liðar þefað uppi bandamenn í Tyrklandi, fengið þá til að senda sér vopn og skella góðgerðarfána á, hefðu svo ráðist gegn Ísrael og Ísrael hefði þurft að ráðast inn í Gaza aftur og en og aftur hefði allt orðið vitlaust.

Mér finnst þetta einmitt eitthvað sem þú ættir að svara.

Hvað álit þitt á lögjöf varðar búum við ekki í heimi þar sem allir eru Anarcho-Frjálshyggjumenn eins og þú. Hvort sem þú vilt það eða ekki en ef meirihlutinn á ákveðnu landsvæði vill einhver lög, og þú ferð inná það svæði verðuru að virða þeirra lög, þótt þér finnist þau heimskuleg. Annars verðuru eins og öfgamennirnir í Bretlandi sem finnst ekkert að því að fremja sæmdarmorð á systrum sínum.

Við erum ekki að tala um Hamas eða eldflaugaárásir. Við erum að tala um að Ísraelsher hafi ráðist um borð í skip sem var á leiðinni með hjálpar gögn og drepið saklaust fólk.

Ef þú villt ekki ræða ástæðu hafnarbannsins viltu þá frekar ræða hve alvarlegur brestur það hefði verið á öryggi Ísraels að hleypa skipunum í gegn? Ef þeir hefðu hleypt þeim í gegn og þau flytja ekkert nema hjálpargögn koma auðvitað fleiri. Ef þeim yrði hleypt í gegn myndu Hamas finna sér bandamenn til að flytja sér vopn með eitthverju af þessu skipi. Ætti ekki að vera erfitt, þar sem margir um borð í skipunum höfuð tengsl við öfgamenn og hryðjuverkamenn.

Hefuru eitthvað á móti tjáningarfrelsinu og frelsi kvikmyndaframleiðenda til þess að búa til afþreyingarefni. Það er ekki eins og við höfum ekki dregið upp slæma hlið á múslimum í vestrænum myndum.

Þegar við sjáum mynd sem lætur Múslima líta út eins og vondu kallana dæmum við hana illa. Með myndina sem ég lýsti hafa margir Tyrkensir ráðherrar kallað hana ,,Algera snilld.''

Veit að það er ekki stríð í Kóreu, tók það sem dæmi miðað við að þú talar um viðskiptabannið sem ofbeldi. Þá ætti viðskiptabann á Norður-Kóreu að jafngilda ofbeldi og þá stríði.

Að öllu óbreyttu var þetta fólk samt sem áður að reyna að smygla varningi ólöglega, og þegar það er stoppað bregst það við með ofbeldi. Nú ætlum við ekki að ræða um Anarcho-frjálshyggju þína heldur eingöngu einfalt lögbrot, það er smygl. Pólitík þín lætur þig ekki líta á smygl sem glæp, á meðan 80% af heiminum ef ekki meiri líta á það sem glæp, eflaust líka þeir sem voru um borð í skipinu. Þeir eru bara yfir lögin hafnir, eins og þú.

Paintballkúlurnar eða skammbyssuskotin?

Skammbyssurnar voru jú með alvöru skotum, paintballbyssurnar voru useless.

Bensínsprengjan sem var fleygt hefði sennilega ekki drepið þá, enda voru þeir útá ballarhafi og vinaleg skip nærri svo auðvelt væri að slökkva eldin, þ.e. hoppa útí og láta ná í sig.

Efa að þeir hefðu verið teknir af lífi, hins vegar hefðu 2-3 getað dáið meðan lurkarnir dynja á þeim, annars hefðu öfgasinnaðri menn í bátnum verið líklegir til að vilja að taka 1-2 sem gísla til að nota til samninga, þ.e. reynið ekki að stoppa okkur aftur eða við drepum þá. Efast þó um að flestir skipverjar hefðu tekið undir það. Sennilega verið skilað til baka, en þeir sem beittu ofbeldinu voru sennilega öfgafyllri, og væru líklegir til að reyna að stela skammbyssum hermannana, og jafnvel til að nota þær.

vesturbakkinn og Gaza eru með sjálfstjórn, en eru ekki sjálfstæð.

það er þau ráða flestu sem fram fer innan þeirra svæða, en hafa ekki utanríkisstefnu og allt það. Svipað og Ísland frá 1918-1944.

Stórefa líka að Danir hefðu leyft okkur að hafa sjálfstæði ef 30% Íslendinga styddu flokk sem hefði útrýmingu Danmörku á stefnuskrá sinni. Danir myndu án efa reyna að koma í veg fyrir að Íslendingum bærust vopn, og þá hefðu þeir engan áhuga á sjálfstæðu Íslandi ef þeir myndu vita að valdhafar á Íslandi myndu byrja að kaupa vopn jafnstundis og fremja hryðjuverkarárásir í Danmörku.

Meðan Hamas stjórnar Gaza verður herkvíin til staðar. Það er staðreynd. Hamas eru öfgafull samtök sem hafa útrýmingu Ísraels á stefnuskrá sinni. Hamas eru skilgreind af Ísrael, Evrópusambandinu og öðrum þjóðum sem hryðjuverkasamtök. Hamas tók völdin frá Fatah með vopnum að hluta til frá Fatah og þar sem Hamas unnu í hálfgerðri borgarastyrjöld á Gaza sáu Ísraelar ekki ástæðu til að grípa inní, þar sem stór hluti Palestínumanna studdi jú Hamas. Núna stjórnar Hamas Gaza og eru Ísrael því með hervkí þar á, til að koma í veg fyrir vopnasendingar til að koma í veg fyrir hryðjuverk, svo ekki má gleyma því að Hamas liðar myndu glaðir drepa óhliðholla Palestínumenn.

Þegar banninu var lyft að hluta til 2008, héldu auðvitað sprengjusendingar áfram, þrátt fyrir að Hamas segðist reyna að gera allt til að koma í veg fyrir þær. Engin vandamál frá vesturbakkanum? þar stjórna Hamas ekki!

Auðvitað liggur meginþorri ábyrgðarinnar á Ísrael, og Ísrael ætti að gera sitt besta til að koma Palestínu af herðum sínum, með leiðinni eins og ég sagði, loka landnemabyggðum, bakka að grænu línunni(sem inniheldur að skipta Jerúsalem í tvennt, austur og vestur), byggja upp efnahagslegt sjálfstæði Palestínu til að öfgahreyfingar eins og Hamas nái ekki að grassera, og þá geta þeir fengið pólitískt sjálfstæði.

Eina sem Palestínumenn þurfa að gera til að koma til móts við þá er að hætta hryðjuverkaárásum og hætta að styðja Hamas. Viljan skortir báðum megin línurnar, því neita ég ekki, en eins og ég sagði meðan Hamas stjórnar Gaza, verður herkvíin til staðar. Önnur lönd ættu að sannfæra Ísrael af þessu hafnarbanni í stað þess að reyna að brjóta það. Að leika sér að eldinum og kvarta þegar þú brennir þig er ekki lausnin. Þótt þú lifir í heimi þar sem það er í lagi að brjóta svona heimskuleg lög því enginn ætlar að drepa neinn er það ekki raunin þarna. Ísrael hefur þurft að verjast árásum. Það þarf að gera það af afli, annars gætu menn metið það sem að Ísraelar svara árásum ekki almennilega og þá væru óvinir Ísraels mun líklegri til að gera árásir. Ef Ísrael virðist veikt, gæti auðveldlega verið ráðist á það aftur.

í Yom Kippur stríðinu settu Arabalöndin viðskiptabann á Ísrael, þ.e.a.s. hættu að flytja olíu til þeirra, og réðust svo á þá stuttu eftirá í von um að her Ísraela gæti ekki varist almennilega þar sem herinn þyrfti olíu, og mikið af henni. Árásin átti einnig að koma Ísrael í opna skjöldu en leyniþjónustumenn Ísraels höfðu komist á snoðir um árásina, en ákváðu ekki að gera árás af fyrra bragði þar sem þeir voru háðari Bandaríkjunum en nokkru sinni fyrr útaf olíubanninu og máttu því alls ekki líta út fyrir að hafa byrjað stríðið.

Flestir Palestínumenn vita að Hamas samtökin eru ekkert nema öfgamenn og vilja ekkert með þá hafa.

En já… að skipverjum. Flestir skipverja voru ekkert Palestínumenn, þeir sem voru um borð í Mavi Marmara voru allflestir Tyrkir. Það sem mér þykir einnig skemmtilegt er að skipuleggjandi ferðarinnar sagði þetta samkvæmt Al-Jazzera http://english.aljazeera.net/news/middleeast/2010/05/2010528431964325.html

This mission is not about delivering humanitarian supplies, it's about breaking Israel's siege on 1.5 million Palestinians

Viðurkennandi að þetta hefur ekkert með mannúðaraðstoð að gera. Bara til að jú böggast í Ísraelum, vonandi að fá þá til að gera eitthvað heimskulegt og aflétta herkvínni sem er stórhættulegt fyrir bæði Ísrael og íbúa Gaza ef að Hamas gæti náð í vopn ef Herkvínni yrði aflétt. Hamas myndu bæði hrella Gazabúa og Ísraela og þegar Ísrael myndi svara fyrir sig yrði auðvitað allt brjálað.

Auk þess stórefa ég að Tyrkir væru hlutlausir í þessu máli. Í raun að hjálparsamtök sem telja það fyrstu skyldu sína að opna Moskur og dreifa kórönum á Indónesíu eftir Tsunami fljóðbylgjuna skuli blanda sér í þetta mál er jú auðvitað jafnhlutlaust og ef Sovétríkin væru að reyna að rjúfa hafnarbann á Norður-Kóreu í óþökk viðskiptabanns.

Þjóðverjar voru líka margir um borð í skipunum. Við vitum öll um ást þeirra á gyðingum. Heimskuleg ákvörðun út í alla staði að senda skipin, vitandi hvernig Ísrael myndi bregðast við. Heilvita menn hefðu jú kanski ákveðið að sigla bara til Egyptalands og láta þá skutla þessu yfir, þeir hefðu alveg mátt það en eftir að skipin ítrekuðu að þau hefuð rétt á að sigla frá alþjóðlegum vötnum inn í vötn gaza(Ísraels lögsögu) komu hermennirnir. Kannski fóru þeir ekki til Egyptalands því Egyptar hafa sjálfir engan áhuga á að láta bendla sig eitthvern vegin við Hamas.

Einnig neitaði Kýpur að leyfa skipunum að leggjast að bryggju þar.

Allt í allt tel ég bestu lausnina við herkvínni að fá Ísraela til að hætta henni, ef til vill með viðskiptaþvingunum eða bara hætta fésendingum frá Bandaríkjunum. Að senda skipin var stórhættulegt. Hvað sem því líður klúðruðu Ísraelar árásinni algerlega. Það hefði jú átt að vera hægt að koma í veg fyrir mannslát. Helst með því að senda þessar hentugu Stinger(gúmmikúlna handsprengjur) handsprengjur á undan hermönnunum
til að hreinsa svæðið svo hermennirnir gætu lent úr þyrlunni án þess að lenda í flasinu á 30 manns sem vilja berja þá. Vissulega hefðu eitthverjir getað meiðst í Stinger-sprengjum, en auðvitað hefðu Ísraelar getað látið vita fyrirfram að þeir ætluðu að beita þeim, bara til að hreinsa svæðið því mun erfiðara er að ráðast gegn 5 hermönnum en einum. Þá hefði eflaust enginn látist.

Að klifra um borð í skipin af bátum var ekki hægt. Það er erfitt að klifra um borð í skip meðan eitthver lemur í hendurnar á þér með járnpriki.

Best hefði auðvitað verið að sleppa herkvínni yfirhöfuð. Það vill svo skemmtilega til að Hamas neitaði fyrst um sinn að taka við sendingunum þegar Ísraelsmenn vildu senda þær frá Ashdod, fyrr enn eitthver frá sameinuðu þjóðunum ábyrgðist þær. Það er greinilegt að Hamas hugsar um þjóðina fyrst og hatur sitt á Ísrael næst, eða hitt þó heldur. Hamas vita jú sínu viti, enda neita þeir að fylgja ríkisstjórn Palestínu.

Ábyrgðin er beggja megin. Ísraelsmenn vilja ekki gefa Palestínu sjálfstæði útaf því að án þröngra tolla gætu vopn komist inn og árásir gerðar á Ísrael, á meðan stór hluti Palestínumanna vill bara sjálfstæði og frið fyrir Ísrael. Hamas spillir fyrir Palestínumönnum með stefnu sinni að útrýma Ísrael og Ísraelskir öfgamenn spilla fyrir Ísraelsmönnum með stuðningi sínum við alltof grófar aðgerðir gagnvart Palestínumönnum sem og landnemabyggðunum.

Að líkja Jón Sigurðssyni við Hamas er auðvitað skömm, málvísindamaður sem gefur út blöð og pistla, og situr á þingi og berst fyrir sjálfstæði þannig, á ekkert skylt við morð, mannrán, pyntingar og heilaþvott.

Ég var ekkert að segja að þetta bætir ástandið neitt. Bara segja að ef þetta er þeirra svæði að þá mega þeir gera það sem þeir vilja.

Og hvernig eignast maður land?

Hvernig eignast maður eitthvað yfirhöfuð? Fær það gefins, kaupir það eða stelur því.
Stundum er landinu stolið af þér en þú færð pening einhvern tímann mikið mikið seinna (sjá allt Kárahnjúkafíaskóið).