Ok. Þannig að ef ég er á móti þessum mótmælum, segjum að þú sért þáttakandi og mér finnst þið vera að brjóta á minni réttlætiskennd með skrílslátum, látum eins og svo sé.

Þá má ég kasta grjóti í andlitið á þér og kinnbeinsbrjóta þig :) Það var gert í nafni réttlætis við löggu, alla vega segja allir fjölmiðlar það.

Gaman að þessu.

Fyndið hvað menn geta notað hugtök eins og þeim sýnist og án þess að sætta sig við aðrir kynnu að hafa aðrar skoðanir.

Hvenær vorum við bæld niður?
Hvað er athugavert við gagnrýni?
Hvenær vorum við ritskoðuð?

Í upphafsorðum svars þíns er að finna stórar fullyrðingar sem eiga sér einfaldlega ekki stoð í sögu landsins.

Einnig finnst mér ákvörðun 50 ofbeldisfullra mótmælenda ekki það sama og lýðræði.

Ég er ekki að styðja núverandi stjórnarfyrirkomulag, ég kaus ekki núverandi stjórn og ég hef ávallt verið á móti henni.

Ég er á móti öllum sem misnota vald, líka ofbeldisfullum mótmælendum.

ertu sem sagt að segja að átökin milli starfsmanna og mótmælenda hafi verið slys?

Förum í gegnum þetta… mótmælendur mæta á svæðið og ætla inn. Starfsmenn segja að það sé óheimilt. Mótmælendur hundsa fyrirmæli þeirra sem starfa á staðnum og halda áfram inn í órétti. Starfsmenn hindra þeim inngöngu. Ryskingar og slagsmál fylgja í kjölfarið.

Hvar er slysið? Þeir brutust inn á einkalóð af einlægum ásetning. Þeir hundsuðu fyrirmæli starfsmanna af einlægum ásetning og þeir veittu mótspyrnu þegar starfsmenn reyndu að henda þeim á dyr af einlægum ásetning.

Þetta var allt af einlægum ásetning með það að markmiði að eyðileggja upptöku sjónvarpsþáttar sem enginn var neyddur til að horfa á.

Ég sé ekkert slys þarna…

Er það í verkahring kokka að meina mótmælendum aðgang?

verja sína atvinnu?
Ertu sem sagt að segja að Stöð 2 hefði átt að búast við þessu og því ráða öryggisverði í hvert sinn sem þeir taka upp sjónvarpsþátt og þannig gera sjónvarpsefni dýrara?

Það hvort það sé í verkahring kokka eða ekki kemur málinu lítið við.
Er það í okkar verkahring að stöðva barsmíðar þegar við sjáum þær?
Er það í okkar verkahring að stöðva innbrot í bíla?

Ekki beint… en hvað segir samviskan?

Ég er ekki að verja ólöglegar aðgerðir lögreglu og þeim sem finnst hafa verið brotið á rétti sínum eiga að kæra lögregluvaldið til ríkissaksóknara.

Stefán yfirmaður lögreglunnar hefur þegar hvatt þessa aðila sem þú nefndir til þess að kæra lögregluna. Hann segir að það sé óþolandi að lögreglan sé sökuð um harðræði en henni berist aldrei kærur. Slíkt er ekki í neinu samræmi. Líklegast vegna þess að meint fórnarlömb vita í flestum tilvikum að aðgerðir lögreglu voru réttlætanlegar.

Nei, það er ekki réttlætanlegt að handleggsbrjóta óbreyttan borgara í friðsamlegum mótmælum og hann ætti að kæra til Ríkissaksóknara.
Nei það er ekki rétt að handtaka myndatökumann og eyða myndunum út af myndavél hans og hóta honum lífláti. Hann náði þó mynd af lögreglumanninum og ætti að geta kært atvikið eða tilkynnt lögregluyfirvöldum þetta brot.
Nei það er ekki réttlátt að berja 15 ára stelpu eins og harðfisk. Ég efast þó um að það sé satt í fyrsta lagi, hratt flýgur fiskisagan. Ef þetta er rétt ætti hún að kæra.

Já, það er réttlátt að sprauta eitruðu gasi í átt að öðru fólki til þess að dreifa mannfjölda sem stefnir í, eða er orðinn að ástandi þar sem menn geta slasast eða valdið eignaspjöllum. Piparúði er löglegt vopn lögreglu til þess að yfirbuga menn. Ég veit ekki til þess að neinn Íslendingur hafi orðið fyrir varanlegum skaða og ég veit ekki til þess að úðinn hafi verið notaður af fyrrabragði eða af óþörfu. Lögreglan hefur notað hann í vörn eða til að dreifa mannfjölda sem er búið að marg vara við notkun efnisins. Þeir sem standa kyrrir og neita að fara geta ekki verið hissa þegar þeir fá úða í augun eftir að lögregla hefur varað þá við. Fólk gerði grín að: GAS GAS GAS-manninum hérna í vor. Það væri hins vegar skandall ef þetta væri ekki gert. Þetta er til að vara óbreytta borgara við því að þeir muni nota tiltekið efni og þeim er frjálst að forða sér… Ég skil ekki hvar vandamálið liggur.

Ég get ekki lýst samúð minni, vorkunn og reiði þegar maður maður stóð í mótmælunum og horfði á lögreglumennina standa, útataða í matarafgöngum, grafkyrra á meðan fólk var að berja í skyldina þeirra og tromma á hjálmana á þeim með sleifum.

Mér finnst útrúlegt að þeir hafi haldið ró sinni eins lengi og þeir gerðu… þetta er nú fólk eins og við með mannlegar tilfinningar eftir allt saman