Almennir borgarar þessa lands hafa komið til mín og sagst vera búnir að fá nóg af þessum látum. Þá var ekki verið að meina auðránum og þjóðargjaldþroti ásamt álitshnekkjum landsins heldur þessum látalætum sem blessuð börnin eru með.

Gömul kona nefndi hvernig hún gat ekki fengið lögguna til að aðstoða sig upp í rúm þar sem hún hafði dottið heima og komst ekki á fætur, vegna þess að löggan var í slagsmálum við Hótel Borg! Greyið konan gat ekki einu sinni hroft á kryddsíldina, uss og svei!

Annað: Ég er alls staðar, ég hef séð allt. spurjið bara og ég mun segja hvað gerðist, ekki frekar en allir aðrir á netinu þá lýg ég aldrei, ýki aldrei og þið getur treyst mér eins og ég væri skuggalegur maður, á skítugum bar að hvísla að ykkur að “maður hefði sagt manni sem sagði mér og ég veit að það er satt”. Treystið mér betur en nánasta fjölskyldumeðlimi og ykkar eigin rökhugsun.

Ég var á gangi við Hótel Borg\Olís Rauðavatni\Löggustöðinn\við fánastöng Alþingis þegar allt gerðist og ég mun segja frá því! Enginn mun stoppa mig, ekki mótmælendur sem brenna lansnúruna mína og brjóta routerinn. Ekki aktivistiar sem banna álið í símanum mínum og ekki frelsishetjur sem brjóta rúður í símafyrirtækjunum og svo lokað verði á mig! Ég mun segja sannleikann!!!

jæja, þetta var fyndið, mér er svo sem alveg sama hvað fólk gerir, það er allt saman fyndið. Hvað svo sem við segjum þá eru nokkrir hlutir sem eiga alltaf við.
Við lærum ekki af fortíðinni.
Við látum alltaf stjórnast af tilfinningum.
Fólk er fífl.