En kæri Vitringur. Hvers vegna er svona mikið betra að hafi hluti einkarekna?

Það er ekki hagkvæmara. Skólar í einkarekstri vilja gróða og rukka því ríkið meir en það sjálft myndi þurfa að greiða myndi það reka skólanna sjálft.

Og það er ekkert náttúrulögmál að einkareknir hlutir séu reknir miklu betur. Ég gæti fært bærileg rök t.d. fyrir því að ríkisbankarnir hafi verið betur reknir heldur en einkabankarnir :þ

Vá. Það er bara annað hvort eða hjá þér, er það ekki? Annað hvort ertu Che Guevara eða Milton Friedman.
Ég vil ekki hljóma eins og Fagilus, og ekki taka þessu þannig að ég standi eitthvað með honum og hans þroskahefta 8. bekkingar rebel málstað, en þessi róttæka frjálshyggja er byggð á draumórum og misnotaðri rökfræði.
Frjálshyggjan vil setja upp allt samfélagið sem einhvers konar reiknisdæmi án þess að taka tillit til mannlegu hliðar málsins. 2+2 er samasem 4. KERFIÐ VIRKAR!
Frjálshyggjumaðurinn er maður sem lítur á þunglynda milljónamæringinn og klórar sér í hausnum, því lógík hans neitar að skilja það hvernig maður sem á allt getur verið svona niðurdreginn.

Rökfærsla frjálshyggjunar byggist að mestu leiti á persónulegri ábyrgð einstaklingsins, eða geta einstaklingsins til að taka persónulega ábyrgð á sjálfum sér og sínum rekstri í umhverfi með litlum sem engum lagalegum höftum. Hún vil meina það að frjáls markaður skapar aðstæður sem gera það að verkum að það er mönnum í hag að stýra sínum rekstri á þann hátt sem skilar hvað mestum hagnaði fyrir neytendur og hluthafa.
Hafi ég einhvern tímann séð galla í þessa kenningu frjálshyggjunar þá var það þegar bankarnir 3 féllu. Þeim var gefið frjálsar hendur til að færa út kvíarnar og stækka sitt apparat. Apparatið stækkaði og stækkaði og þegar allt var við það að springa þá gátu bankarnir ekki fengið lán hjá ríkinu - “bail out” - afþví að þeir voru orðnir fucking 13 sinnum stærri en ríkissjóður, í guðanna bænum. Og hverjir komu verst út úr þessu? Taka stjórnendur persónulega ábyrgð og sitja nú í skuldasúpu eftir að hafa klúðrað málunum?
Nei nei, skuldir þeirra hverfa bara. Í staðin eru það hluthafar, viðskiptavinir um allan heim og Íslenska ríkið sem standa eftir og þurfa að púsla þessu öllu saman.

Og hvað með fjölmiðla? Ef RUV myndi hverfa af markaði eins og staðan er núna þá stæði einn maður eftir sem eigandi allra stærstu fjölmiðla á landsins. 4 valdsins. Þetta er megafín samkeppni sem þetta land okkar býður upp á, sé ég.
Skulum ekki lifa við þá draumaóra að með því að fjarlæga ríkisvald séum við ekki að hleypa yfir okkur annars konar valdi (eða stjórn).

Og afhverju, í guðs bænum, myndi einhver vilja einkavæða heilsugæslu? Það er hreint ótrúlega grimm hugmyndafræði. Afhverju ekki bara einkavæða lögregluna á meðan við erum í stuði til að rukka stórfé fyrir þjónustur sem ættu að vera lágmarks mannréttindi fyrir alla að nýta sér? Rukka stórfé á tryggingar nauðgunarfórnarlamba fyrir þann tíma og kostnað sem fer í það að leita að gerendanum, t.d.

Það sem mér þykir verst við ykkur frjálshyggjumenn er það að þið eruð með “allt á hreinu”. Aldrei er ég jafn efasamur um pólitískar skoðanir manna og þegar þeir eru með “allt á hreinu”.
Sókrates hafði rétt fyrir sér. Við vitum ekki jafn mikið og við viljum halda og því fyrr sem við áttum okkur á því því fyrr getum hætt að láta eins hrokafullir fucking bavíanar.

Mér þykir sárt að hlusta á frjálshyggjumann hlæja að kommúnisma og “fantasíum” Marx, því það eina sem aðskilur þá tvo eru áttin sem þeir vilja draga sínar ranghugmyndir í.

Þá er um að gera að útskýra það ekkert frekar, bara svo aðrir geta haft gaman af því að giska á það hvað þú meintir, er það ekki?

Já, settu traust þitt á þá sem klúðruðu málunum.

Ég hins vegar ætla að setja traust mitt á þá sem ekki klúðruðu málunum.

Og Demókratar eru víst vinstri menn. Þeir vilja ókeypis ríkisrekna heilsugæslu, hærri lágmarkslaun og fleira í þeim dúr. Það er vinstri stefna.

En ef Sjálfstæðismenn læra ekki neitt hvað á þá að hindra þá frá því að endurtaka mistök sín. Og hvernig eigum við að losna við hluti eins og eftirlaunafrumvarpið með þá í stjórn?