appel fyrir 16 árum, 6 mánuðum Fjöldi lestra: 655

Olían komin í methæðir og á enn eftir að hækka

Sælir Hugarar,

Hef ég skrifað nokkrar greinar um hina komandi olíukreppu síðustu ár hér á Deiglunni, og spáð ýmsu. Nú er svo komið að ég get skrifað “Ég sagði ykkur það”, enda hefur flest það sem ég hef spáð ræst, í raun fyrr en ég hélt.

Fólk hélt að ég væri eitthvað ruglaður, “Slíkt myndi aldrei gerast!”. Fyrstu greinina skrifaði ég 2003, fyrir 5 árum síðan.

Fyrri greinar sem ég hef skrifað hér á Huga um hina komandi olíukreppu:

http://www.hugi.is/deiglan/articles.php?page=view&contentId=3343605 (2006
http://www.hugi.is/deiglan/articles.php?page=view&contentId=2504211 (2005)
http://www.hugi.is/deiglan/articles.php?page=view&contentId=1739476 (2004)
http://www.hugi.is/deiglan/articles.php?page=view&contentId=885258 (2003)

Skrifaði ég enga grein árið 2007, en núna er 2008 og ég tel að það sé orðið tímabært að fara aðeins yfir þetta og taka stöðuna.

Verð á bensíni er komið yfir 170 kr, dísel í 180 kr. Ljóst er að verðhækkanirnar hafa komið fram fyrr en ég hélt.

Árið 2006 skrifaði ég:

“Krónan mun veikjast meira, verðbólgan mun verða meira áberandi, og olían á heimsmarkaði á eftir að hækka meira. Allt mun þetta leiða til þess að árið 2010 eigi verð á bensínlítrann eftir að fara yfir 200 kr, jafnvel nálgast 300 kr. Það eru aðeins tæplega 4 ár í það, og fyrir 4 árum kostaði bensínlítrinn 70 kr, en kostar tvöfalt meira í dag. Þannig að tvöföldun á verði á 4 árum er alls ekki svo óraunsætt.”

Allt þetta stemmir.

Árið 2005 skrifaði ég:

"Bensínlítranum er 120 kr. núna, en var um 90 kr. árið 2001. Hinsvegar árið 2001 var dollarinn í rúmlega 110 kr., en núna er dollarinn í rétt rúmlega 60 kr.

Það virðist ekki stefna í að bensínlítrinn fari að lækka um tugi prósenta alveg á næstunni, þvert á móti sýnist mér að verðið í dag sé komið til að vera, og ef eitthvað er þá muni það hækka enn frekar á næstu 3 árum, og þar að auki á krónan eftir að veikjast líka (sem hún gerir alltaf eftir uppsveiflur).

Munum við eftir 2-3 ár þurfa að kaupa bensínlítrann á 50% hærra verði en við gerum í dag? Ekki get ég séð að kaupmáttur launa muni aukast samhliða því."

Stemmir! Verðið er búið að hækka um þessi 50% sem ég spáði.

Miðað við það sem ég hef skoðað þá virðist verðið stefna í 200 kr. á þessu ári.

Verðið verður komið í 250 kr. fyrir árslok 2009.

Verði ykkur að góðu!

[Notanda eytt] fyrir 16 árum, 6 mánuðum

Aumingja fólkið sem þarf jeppa til að komast í vinnuna

Fyrra álit

phi fyrir 16 árum, 6 mánuðum

Hefur það ekki verið yfirlýst markmið OPEC að hækka olíuverð síðustu fimm ár? Þetta er ekki vegna þess að olían er að klárast eins og þú gefur í skyn í sumum greina þinna, þetta er vegna þess að gengi dollarans hefur fallið (athugaðu hvenær gengi dollarans byrjaði að falla og hvenær olíuverð byrjaði að hækka). Það var árið 2000 sem dollarinn náði hámarki gagnvart evruni og síðan þá hefur hann bara lækkað. Ástæðan fyrir gengisfalli dollarans er uppsöfnuð skuld ríkisins. Það var einmitt árið 2000 sem að Seðlabanki BNA lækkaði vexti svo um munaði, sem varð til þess að fólk tók fleiri lán o.s.frv. (og er m.a. uppruni fjármálakreppunar sem við finnum fyrir í dag, googlið subprime lending) sem aftur olli peningaverðbólgu (fleiri peningar komast í umferð en sem samsvarar aukinni framleiðslu). Þegar dollarinn fellur í verði heimta olíuframleiðendur (sem versla að mestu í dollurum) fleiri dollara fyrir hverja tunnu af olíu. Þetta versnar til muna vegna þeirra stríða og pressu sem BNA hafa sett á þrjá stærstu olíframleiðendur heims, Írak, Íran og Venezúela. Auk þess sem stríðið hefur bara stækkað skuld Bandaríkjanna.

Science. It works, bitches.! ^_^

Fyrra álit

halldor123 fyrir 16 árum, 6 mánuðum

sem BNA hafa sett á þrjá stærstu olíframleiðendur heims, Írak, Íran og Venezúela.

Gleymdist kannski Sádí-Arabía hjá þér? Stærsta olíuframleiðsluríki í heiminum…

http://www.facebook.com/profile.php?ref=name&id=533923140

Fyrra álit

phi fyrir 16 árum, 6 mánuðum

Nei, Sádí-Arabía hefur alltaf verið hliðholl BNA og ekki ástæða til að setja þá undir pressu.

Science. It works, bitches.! ^_^

Fyrra álit

appel fyrir 16 árum, 6 mánuðum

Hefur það ekki verið yfirlýst markmið OPEC að hækka olíuverð síðustu fimm ár? Þetta er ekki vegna þess að olían er að klárast eins og þú gefur í skyn í sumum greina þinna, þetta er vegna þess að gengi dollarans hefur fallið (athugaðu hvenær gengi dollarans byrjaði að falla og hvenær olíuverð byrjaði að hækka).

Jú, vissulega vilja OPEC ríki fá greitt fyrir sína olíu. Það er ekkert að því að lögmál markaðins ráði hér, framboð og eftirspurn.

Olían er ekki að klárast. Ef ég hef gefið það í skyn þá leiðréttist það hér með. Það er til nóg af olíu í jörðinni. “Peak Oil” snýst um hámarksframleiðslu á olíu, eftirspurn í dag er orðin meiri en framboð í fyrsta skiptið síðan við hófum að dæla olíu upp úr jörðinni.

Vandamálið með olíuna er að við erum nú þegar að dæla upp úr öllum stærstu olíulindunum, aðeins eru eftir smærri olíulindir á mjög óaðgengilegum stöðum, sem aftur veldur því að dýrara verður að dæla henni upp og því þarf að rukka meira fyrir hana.

Fyrra álit

phi fyrir 16 árum, 6 mánuðum

Peak oil er vanalega notað um sama vendipunkt og þegar menn tala um að olían sé að klárast. Það er hins vegar ekki rétt að framboðið sé nú í fyrsta skipti minna en eftirspurnininn. Það hefur marg oft gerst áður vegna stríða og annarra hamfara. Það sem veldur nú er m.a. stríð og í öðru lagi hafa menn ekki framleitt nægilega mikið af olíuhreinsistöðvum til þess að standa undir því magni sem er dælt úr jörðu, sem þýðir náttúrlega minna framboð. Það er ekkert samasemmerki milli þess að framboð minnki og að hámarki í olíuframleiðslu sé náð, menn sjá sér einfaldlega ekki hag í að gera það og vilja frekar fá hærra verð fyrir hvern lítra (velferðarkerfið í Saudí Arabíu er meðal annars háð háu olíuverði).

Svo er það bara ekki rétt að það sé erfitt að ná í þá olíu sem til er. Bara fyrir stuttu birtist grein í Scientific American þar sem að menn uppgötvuðu að olíulindir heims væru líklegast tvöfalt stærri en áður var talið, um var að ræða reikniskekkju í upprunalegum áætlunum. Í Írak er t.d. áætlað að það sé rýflega tvöfalt meira af nýtanlegri olíu en nú er dælt upp úr jörðinni. Sú staðreynd að framboð sé minna en eftirspurn eru léleg rök fyrir því að þessum vendipunkti sé náð.

Science. It works, bitches.! ^_^

Fyrra álit

Cheesus fyrir 16 árum, 6 mánuðum

Það er í raunini bara supply/demand ójafnvægi í gangi.
Í stærstu olíu akröm heims í Mexico, Nigeríu, Sádí-Arabíu osfv hefur framboð á olíu verið að hnigna, á meðan krafa olíu hefur margfaldast á undanförum árum og það er ekki búið að finna ólíu akra til að leysa risiana af hólmi.
Lönd eins og Kína, Indland, Indónesíu og önnur þróunarlönd eru í raunini nýbyrjuð að reiða sig mun meira á eldsneyti á meðan framboðið hnignar og eftirspurnin eykst.

Það er varla hægt að kenna kananum um það.

Fyrra álit

phi fyrir 16 árum, 6 mánuðum

Ég var að segja það, eftirspurnin er meiri en framboðið, en það er vegna þess að framboðinu er stjórnað ekki vegna þess að það vantar olíu.

Science. It works, bitches.! ^_^

Fyrra álit

Cheesus fyrir 16 árum, 6 mánuðum

Heh já, ég hef svarað rangri manneskju =o

Fyrra álit

killy fyrir 16 árum, 6 mánuðum

Hroooooooki.

“There's no such thing as stupid questions, just stupid people.”

Fyrra álit

[Notanda eytt] fyrir 16 árum, 6 mánuðum

Svari eytt

Fyrra álit

[Notanda eytt] fyrir 16 árum, 6 mánuðum

Medalíu?

Fyrra álit

[Notanda eytt] fyrir 16 árum, 6 mánuðum

Þoli ekki bensín

Fyrra álit

Deiglan

Deiglan

Ofurhugar

Hverjir eru inni

Korkar - Heitar umræður

Olían komin í methæðir og á enn eftir að hækka

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi