Nei, það er ekki skrýtið að þú sért hissa af þú tekur öllu bókstaflega og forðast að túlka það sem er fyrir framan þig. Hvað heldur þú að þessi svör endurspegli? Hvað liggur að baki?

Ég held að afar fáir Íslendingar leggist gegn því að hingað komi fólk sem leggur hönd á plóg og er gagnlegt samfélaginu. Það er hins vegar einfaldlega stimplað inn í hausinn á okkur að hata alla þá sem misnota velvild okkar (á þessu er góð og gild þróunarleg ástæða og kannski augljós). Tilfinning manna er almennt sú að inn með þessum innflytjendum slæðist fólk sem er meira til vandræða en góðs. Þetta sést af fréttum, bloggum og tali manna um allt Ísland. Mönnum er illa við þetta og vilja finna leið til þess að koma í veg fyrir þetta. Þegar menn hafa ekki hugmynd um hvernig á að leysa vandamálið og fólk forðast að reyna kryfja málin fá menn þá flugu í höfuðið að það sé best að stöðva eða minnka straum innflytjenda. Það er ekki endilega það sem fólk myndi vilja ef það sæi heildarmyndina.

Það sem fólk vill og þarf ekki endilega að vera á skjön við EES er m.a. að fara betur yfir sakaskrá þeirra sem flytjast hingað tímabundið að. Þessu nátengt er svo auðvitað fólkið sem ætlar að setjast hér að fyrir fullt og allt. Ef þetta fólk fengið betri aðstoð við að setjast hér að myndi því líða betur og vegna vel. Þetta myndi aftur bæta ímynd allra þeirra sem flytjast hingað að tímabundið eða ekki.

Annars er ég alveg að deyja úr þreytu og nenni ekki að útskýra þetta almennilega. Prufaðu bara að lesa á milli línanna og gáðu hvort það er ekki eitthvað vit í því sem ég er að segja.

Svo ég bæti við þá hefur Ísland verið auglýst erlendis sem frábær staður til að koma til og vinna þó svo að hér sé nánast ekkert atvinnuleysi. Ráðamenn landsins hafa verið að reyna að slá á þessar yfirlýsingar og reynt að hvetja menn til þess að koma ekki hingað í leit að frama. Þetta er ein leið til þess að slá á flæði innflytjenda án þess að fara á skjön við EES.

Ég sagði ekki að atvinnuleysi sé innflytjendum að kenna heldur gaf í skyn að þeir hafa áhrif á hversu mikið það er. Það er alltaf fólk sem vill ekki vinna og annað sem getur það ekki o.s.frv.

Ef þú átt 10 nammi og 10 vini þá fá allir vinir þínir eitt nammi, þ.e.a.s. ef þú gefur þeim. En ef einn vinur þinn kemur með annan vin að þá eru 11 manns en 10 nammi. Það þýðir að einn fær ekki nammi.

og það að ætla að segja að atvinnuleysi haldist í hendur við innflutning á fólki bara vegna þess að Danmörk hefur minna atvinnuleysi eftir eina breytu er algjörlega út í hött.

Af hverju er það út í hött? Atvinnuleysi er ekki e-ð sem sveiflast bara upp og niður sísvona.