"
http://www.textavarp.is/110/

Ær láta lömbum í þúsundatali
Gunnar Björnsson bóndi á Sandfelli í Öxarfirði sem ómskoðað hefur ær á Norður- og Austurlandi vill fá embætti yfirdýralæknis og Landbúnaðarstofnun til að rannsaka ýtarlega hvað getur valdið því að ungar ær hafa látið lömbum í þúsundatali. Hann segir tjón bænda mikið.

Umtalsvert tjón hefur orðið hjá bændum að sögn Gunnars Björnssonar sem nú ómskoðar ær fyrir bændur á Austur- og Norðurlandi fimmta árið í röð. Á síðasta ári varð hann var við slíkt tjón á um 30 bæjum. Dæmi eru um að ær hafi látið allt að þriðjungi lamba á einum og sama bóndabænum.
"

Jæja Ókei og?
Jú þannig er mál með vexti að maður hefur undanfarið verið að heyra sögur af því að nú sé fugla og skorðadýralíf að hverfa úr mörgum borgum erlendis og að til dæmis eigi spætur mjög undir högg að sækja og séu horfnar úr mörgum af sínum fyrri heimkynum sem og geitungar og býflugur.

En hverju er nú eiginlega kennt oftast um?
Þær raddir gerast æ háværari að um sé að kenna auknu magni örbylgjumerkja frá hlutum eins og þráðlausum internetsendum og farsímaturnum en sú kenning virðist stemma ágætlega við þetta sem er að eiga sér stað hjá okkar ferfættu ullóttu vinum en það kannast flestir við það að það er undanfarið búið að vera að þétta gsmnetið hérna á íslandi töluvert sem að myndi jú einmitt útskýra afhverju það er meira af þessu í ár heldur en það síðasta en svo er spurningin sú afhverju eru blessaðar kindurnar svona næmar fyrir þessu meðan að hin mennsku spendýr af kvennkyninu virðast ekki líða kvalir sökum örbylgna.

Svarið við þessari spurningu gæti verið annars vegar það að mannfólkið sefur jú auðvitað sirkað 7-8 tíma dagsins bak við steinveggi sem mögulega eru að veita einhverja vörn gegn þessu meðan að kindurnar búa ekki við sama munað og svo hefur mér jú líka verið sagt að úti á landi þá sé fjarlægð milli staura mun meiri og því gefi sendar þar frá sér mun öflugri merki heldur en sendar innanbæjar og því séu örbylgjurnar frá þeim að öllum líkindum skaðlegri heldur en af sendum innanbæjar.

Það segir sig auðvitað sjálft að þessir pólitíkusar okkar þurfa að láta rannsaka 1 2 og 3 hvort að það sé einhver fylgni milli þróunar gsm sambands á þessum stöðum og þess sem er að eiga sér stað með sauðféið en já svo þarf fólk líka að hugsa sinn gang almennt, það hefur enn ekki verið sannað að þessar örbylgjur séu 101% skaðlausar.