Ég vil, áður en að lengra er haldið, biðjast afsökunar á því hve langt þetta er.
Þetta eru nú bara víst fordómar, góði. Að fullyrða að allar konur sem játa íslam hugsi ekki um annað en að eignast börn er nærri því brjálæðisleg einföldun. Þar að auki lítur þú alveg framhjá konum eins og Benazir Bhutto, og samtökum eins og RAWA.
“Ég hef jafn mikla andstyggð á múslimum … og það gerir mig ekki að rasista.”
Einhvers staðar sagðir þú (í þræðinum um Arafat hér fyrir neðan) að Ísrael væri opið öllum gyðingum, óháð kynþætti og þjóðerni. Þar sem þú ert þarna að viðurkenna að gyðingar geti verið af mörgum kynþáttum, hvernig stenst þá að það sé rasismi að hata gyðinga, en ekki rasismi að hata múslima?
“Rök” þín eru eiginlega langt frá því að geta með réttu kallast rök. Þú segir að “hugsanlega” muni piltar vilja hefna feðra sinna, og að “kannske” muni konur ala börn sín upp í hatri á Vesturlöndum. Málið er bara það, að þeir eru ófáir, múslimarnir, sem eru andvígir hryðjuverkum og berjast fyrir auknum kvenréttindum og auknu lýðræði í sínum heimalöndum - með misjöfnum árangri. Þess vegna er alveg fáránlegt að ætla drepa þá alla fyrir að ógna lýðræði, og stunda hryðjuverk. Þú fellur líka alltaf í sömu gryfjuna, að dæma heild út frá hluta.
Hvaðan hefur þú síðan þær upplýsingar að allir múslimar séu andvígir lýðræði? Ég man bara eftir einum litlum samtökum í Danmörku sem sögðu þetta nýlega. Hins vegar má benda þér á, að Í Tyrklandi er íslam ráðandi trú, og síðast er ég vissi var þar lýðræðislega kjörin stjórn. Í Íran hafa klerkar ráðið óskaplega miklu síðustu áratugi, og ekki hefur þeim þó tekist að koma í veg fyrir að forseti Írans sé fremur hófsamur - og var kjörinn á lýðræðislegan hátt. Vissulega eru þetta aðeins tvö ríki (ég man ekki hver staðan er í Indónesíu eins og er), en það er þó nóg til að afsanna þessa kenningu þína um að ALLIR múslimar séu ógn við lýðræðið.
Mikið ertu einfaldur, kallinn minn. Hefur þú semsagt ekki lesið neitt af skrifum ritters um “Schwarze Kapelle”, félag þýskra þjóðernissinna sem börðust GEGN nasistum? Veistu ekki, að fyrir stríð, áður en Þjóðverjar stækkuðu við sig, voru þeir þegar farnir að smala fólki í fangabúðir? Og hverja settu þeir í þær búðir? -Nú, Þjóðverja auðvitað! Kommúnista, sósíalista, samkynhneigða, vangefna, geðveika, fólk með MS, og fleiri “óæskilega” einstaklinga.
Þegar best lét, fengu nasistar 43,9% atkvæða (árið 1933). Raunar samþykktu u.þ.b. 90% Þjóðverja að sameina embætti kanslara og forseta, en þá höfðu nasistar verið við völd um nokkurt skeið, og ekki óhugsandi að heilaþvotturinn væri farinn að segja til sín. Svo veistu væntanlega að í Þýskalandi og Austurríki voru um 240.000 gyðingar, eins vel að þér og þú ert.
Varðandi það að ganga í samtök and-rasista, þá minnir mig að þau heiti “Samtök um heimsþorp”, en þó kann ég að hafa rangt fyrir mér. Kannske heita þau bara “Heimsþorpið”. Ef þú býrð í höfuðborgarsvæðinu (a.m.k. ekki mjög langt frá Reykjavík), þá held ég að þú getir farið í ‘Hitt húsið’ (við Aðalstræti, eiginlega beint á móti Hlöllabátum, í gamla Geysishúsinu, ef ég man rétt). En ef þú ert meira en þriggja til fjögurra tíma akstur frá Reykjavík, þá veit ég ekki hvert þú ættir að snúa þér. En ég er nokkuð viss um að fólkið í ‘Hinu húsinu’ geti hjálpað þér. Ég er ekki félagi (ef ég væri það, þá gæti ég gefið þér betri leiðbeiningar), enda kýs ég að vera meðlimur í sem fæstum samtökum, félögum og öðru slíku. Prófaðu að senda notanda sem gengur undir nafninu “geewhiz” (engar gæsalappir, samt) skilaboð, hann ætti að vita meira um þetta mál.
Þú veist jafnvel og ég, að ekki nærri því allir arabar og múslimar hata gyðinga. Ef við lítum t.d. á söguna, þá sjáum við að arabar og múslimar almennt hafa reynst gyðingum margfalt betur en kristnir Evrópubúar. Já, vissulega heimtuðu múslimsk yfirvöld aðeins meiri skatta af gyðingum og kristnum, heldur en af múslimum. En (jafnvel mætti segja EN, og lyfta fingri til áherslu) það er allt og sumt. Gyðingar voru ekki skipulega ofsóttir á svæði múslima, eins og þeir voru ofsóttir og jafnvel brenndir á svæði kristinna.
Þú veist líka jafnvel og ég, að ekki nærri því allir múslimar styðja hryðjuverk. Annars styðja kristnir menn svosem líka hryðjuverk, það vantar ekki. Eigum við þá ekki að drepa alla kristna menn líka.<br><br>Þorsteinn.
“Að gera ekkert, og hvíla sig þess á milli - það er göfug list.” - Afi.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.