Ástandið hér á landi er HRÆÐILEGT og fer bara versnandi, hvað er til ráða? Hin fullkomnu yfirvöld verða virkilega að fara að herða ólina á okkur þegnunum til þess að koma í veg fyrir útrýmingu þjóðarinnar! Við erum svo heimsk og varnarlaus að stjórnvöld verða að vernda okkur frá útlendingum, vissum plöntum og takmarka áfengisneyslu okkar í auknu mæli… Eða hvað? Stofnanavæðing, öryrkjavæðing og glæpavæðing sameinast í forræðishyggjuna miklu. Einstaklingar skiptu engi máli í þjóðfélaginu í dag, öllum er stýrt í gegnum lífið eftir hentisemi þeirra sem eru við völd að hverju sinni. Auðvitað er þetta allt gert í nafni góðmennsku og jafnréttis, á meðan raunin er sú að valdasjúkir einstaklingar vilja ekki aukið frelsi á eigin kostnað.

Fjölmiðlar fagna auðvitað forræðishyggjunni í aukinni æsifréttamennsku… GUÐ MINN ALMÁTTUGUR það er fólk þarna úti sem kýs að búa í atvinnuhúsnæði, við verðum að þrönga eigin siðferði og stöðlum yfir þetta fólk eins fljótt og hægt er! Eða nei ég ætlaði bara að hafa kaldhæðnina í fyrri hlutanum. Sjálfstæðisflokkurinn á að hafa einhversstaðar í stefnuskrá sinni að auka eigi frelsi og ábyrgð einstaklinga. Hinsvegar er í raun ekki verið að auka frelsi, allavega ekki lengur. Það er eins og það sé kominn einhver frelsiskvóti, aukið það á einu sviði en takmarkað á öðru. Einkavæðing en samt aukin forræðishyggja. Frelsisskerðing af fyrra bragði er aldrei réttlætanleg, sama hvort hún sé framkvæmd í nafni yfirvalda eða annarra. Þetta eru handrukkarar í jakkafötum!