skuggi85 fyrir 18 árum, 3 mánuðum Fjöldi lestra: 395

Saddam fluttur á sjúkrahús vegna hungurverkfalls

Mbl.is…

Saddam Hussein, fyrrum forseti Íraks, var fluttur á sjúkrahús í morgun en hann hefur verið í hungurverkfalli í 17 daga, að sögn saksóknara í máli hans. Fær Saddam nú næringu í æð.

Vonandi deyr kallinn bara svo þeir þurfi ekki að halda áfram með réttarhöldin. Hungurverkfall? Come on! Já aumingja Saddam að vera svona mikið fórnarlamb.

Ekki fengu þau 1,3 milljón manns sem hann slátraði sanngjörn réttarhöld. Henda honum ómerktum í fjöldagröf og leyfa ættingjum hans að róta í þeim í marga mánuði, þetta hefur verið raunin hjá mörgum í Írak vegna hans.

Þar sem Írakar sjá um réttarhöldin og að dæma hann þá er hvort sem er mjög líklegt að hann fái dauðadóminn. Ekki eyða meiri tíma í fjölmiðla-réttarhöld, allir vita að hann verður dæmdur sekur. Ef hann vill ekki næringu þá ættu þeir ekki að þvinga hana í hann.

Fusi20 fyrir 18 árum, 3 mánuðum

Allir eru saklausir þangað til sekt er sönnuð. Þessvegna þarf að dæma hann, nema þú viljir bara vera eithvað heilagt afl og dæma mann og annan eins og þér sýnist?

Og Saddam er ekki sá fyrsti né seinasti sem kemur að fjöldamorðum án þess að taka sjálfur í gikkinn. Fólk getur alveg mynnst þess þegar Bandaríkjamenn sáu óbeint til þess að u.þ.b milljón manns voru drepnir á 3 mánuðum með því að beita neitunarvaldi sínu þegar yfirmaður herliðs Sameiniðuþjóðanna þar bað um smá meira herlið til að geta brotið niður andspirnuna.

A wise man once said “Fire be hot”

Fyrra álit

Fusi20 fyrir 18 árum, 3 mánuðum

u.þ.b milljón manns voru drepnir á 3 mánuðum í Rúganda árið 1996

A wise man once said “Fire be hot”

Fyrra álit

skuggi85 fyrir 18 árum, 3 mánuðum

Svo má bæta við að öll heimsbyggðin var að einbeita sér meira að Íraksstríðinu (sem aðeins tugir þúsunda hafa fallið í) á meðan hundruðir þúsunda féllu í borgarastyrjöld í Afríku.

Kaninn er greinilega ekkert verri en aðrir. Það er hægt að finna svarta bletti hjá öllum. Finnst það samt ekki bæta neitt ímyndina hans Saddams sem var meðal þeirra verstu.

Fyrra álit

skuggi85 fyrir 18 árum, 3 mánuðum

Ertu virkilega að bera saman óbein áhrif og það að skipa fyrir fjöldamorð sjálfur? Ég þekki þetta mál ekki nógu vel til þess að taka afstöðu. Getur vel verið að það var rangt hjá kananum að gera þetta. Alveg eins og það var rangt hjá Rússum, Frökkum og Kínverjum að berjast fyrir hönd Saddams. Ef þú vilt leika þennan leik þá bera Sameinuðu Þjóðirnar ábyrgð á 3-4x meiri dauðsföllum í Írak en Saddam Hussein. Oil-for-food spillingin. Og áður en þú ferð að kenna kananum um það fyrir að hafa þrýst á viðskiptabannið, þá var ábyrgðin samt sem áður hjá Sameinuðu Þjóðunum að halda utan um það. Meðal annars oil-for-food. Sem betur fer hefur dánartíðnin farið lækkandi í landinu eftir innrás bandamanna, sem ákváðu að gera eitthvað í stað þess að sitja og “ræða málin” eins og þeir eru mikið fyrir hjá SÞ.

Samt furðulegt að þú þurfir að snúa umræðunni upp á Bandaríkjamenn. Getur maður ekki gagnrýnt einræðisherra í miðausturlöndum án þess að því sé tekið sem jákvæð athugasemd gagnvart Bandaríkjamönnum? Er kanahatur virkilega svona mikið á Íslandi að það er ekki hægt að tala um vonda einræðisherra án þess að blanda Bandaríkjamönnum í umræðuna? Að annað hvort gerðu þeir ekkert þegar þeir áttu að gera það, eða gerðu eitthvað þegar þeir áttu ekki að gera það. Dálítil hræsni að samþykkja að þeir séu heimslögregla bara þegar Evrópubúar eru sammála þeim. Bandaríkjamenn hafa líka bjargað fullt af mannslífum með óbeinum og beinum aðgerðum. Var Saddam Hussein mikið í því? Þessi rök þín ná yfir öll valdamikil lönd í heiminum, meðal annars Evrópuríki. Að þau hafi áhrif á hversu margir deyja og einnig hversu mörgum er bjargað í ýmsum heimshlutum. Ekki finnst þér það sambærilegt þegar vondur einræðisherra lætur slátra fólki með skipunum sínum?

Fyrra álit

Fusi20 fyrir 18 árum, 3 mánuðum

Ég var ekki að kalla Sameinuðuþjóðirnar eithvað frábært fyrirbrigði. Ég var bara að taka dæmi um fjöldamorð sem er mjög stutt síðan og fyrst að Bandaríkjamenn voru nú að fara í eithvað björgunarstíð í Írak þá var ég bara að taka dæmi um eithvað sem þeir hefðu getað komið í veg fyrir.

Og varðandi Saddam og allt þetta. Þá er minn Bandaríkjahatur spruttinn úr þeirra verkum, í fyrra Írakstríðinu voru þeir með stuning allra og var bara allt í góðu en í staðinn fyrir að klára dæmið skildu þeir Kúrda og Sjita eftir yfirgefna til að vera slátrað af her Saddams, þarmeð bera þeir ábyrgð á öllum Kúrdunum og Sjítunum sem var slátrað eftir fyrra stríðið.

A wise man once said “Fire be hot”

Fyrra álit

skuggi85 fyrir 18 árum, 3 mánuðum

Sem sagt seinna stríðið er óréttlætanlegt af því þeir náðu ekki að klára dæmið fyrra skiptið? Aldrei heyrt um hugtakið “betra seint en aldrei”? Það er alveg eins hægt að segja að sjítar og kúrdar hafi átt það inni hjá Bandaríkjamönnum að verða frelsaðir. Sem betur fer kláruðu þeir það á endanum.

Sorglegasta við þetta alltsaman er hversu neikvæð umfjöllunin hefur verið í fjölmiðlum, sem endaði meira að segja með því að meirihluti Bandaríkjamanna skiptu um skoðun og vildu skilja allt eftir í rústi í Írak og fá hermennina heim. Sem betur fer er Bush þrjóskari en faðir sinn og hefur látt það bitna á eigin persónu og vinsældum í stað þess að draga herliðið til baka of snemma. “Verkefnið” er alveg að verða búið og mun það enda með því að Írakar taki yfir öryggismálum í landinu, sem þeir ættu að geta gert strax á næsta ári.

Fyrra álit

Fusi20 fyrir 18 árum, 3 mánuðum

Bandamenn kláruðu “dæmið” í Desert Storm, þeir voru búnir að sigra Íraska herin og hefði ekki verið mikið mál að endalega steypa Saddam af stóli þá. Einnig voru Bandaríkjamenn með stuðning nágranaþjóða Írak og margra Evrópulanda. Hægt að taka dæmi um stuðninginn að þjóðir eins og Sírland, Egyptaland og Frakkar sendu herlið í stríðið. En ákvöðu þó að svíkja Kúrda og Sjíta sem þeir höfðu fengið í lið með sér. Þegar Bandaríkjamenn yfirgáfu Írak var Saddam ekki lengi að safna aftur saman herliði sínu og drepa þúsundir af Kúrdum og Sjítum.

Og það að Kúrdar og Sjítar eigi það inni hjá Bandaríkjamönnum að láta frelsa sig fellur auðvitað ekki vel í þá fyrst þeir voru sviknir af þeim áður. Og sést það núna að þeir ætla sjálfir að berjast fyrir því sem þeir vilja.

A wise man once said “Fire be hot”

Fyrra álit

skuggi85 fyrir 18 árum, 3 mánuðum

þú talar eins og allir Írakar séu að berjast fyrir landi sínu gegn Bandaríkjamönnum.

Írakar hafa fyrst og fremst drepið aðra Íraka. Fyrst og fremst vegna þess að Súnní múslimar (sem flestir vildu halda einræðinu) hafa staðið í uppreisn, ekki aðeins gegn bandamönnum heldur líka öðrum þjóðarbrotum. Það hefur verið hatur á milli trúarhópanna í marga áratugi, það er ekkert nýtt. Hinsvegar notfærðu Súnnítar sér það í tilraun til að koma á borgarastyrjöld. Svo blandast Al-qaeda og fleiri erlendir öfgamenn inn í þetta, allir með sameiginlegan tilgang að eyðileggja lýðræðisþróunina í landinu.

Sýrlendingar og Íranir eru svo þeir sem uppfæra vopnabirgðirnar og mannsafla hjá þeim. Þeir eru löngu búnir með vopnin sem þeir fundu á innrásarárinu. Það er alveg rétt að Írakar vilja losna við bandamenn úr landinu eins fljótt og hægt er, en hinsvegar er varfasamt að fullyrða að þjóðin hafi almennt verið á móti innrásinni og Bandaríkjamönnum eingöngu vegna þess að þeir kláruðu ekki dæmið seinast. Eru aðallega leiðtogar kúrda og sjíta sem taka á móti Breskum/Bandarískum leiðtogum og kalla þá hetjur. Svo hatrið er kannski ekki jafn algengt og þú heldur.

Fyrra álit

Isgurdurgur fyrir 18 árum, 3 mánuðum

Það hefði sparað milljónir dollara af gaurarnir sem fundu saddam hefðu bara hent einni handsprengju ofaní kanínuholuna hans.

Strike!

Fyrra álit

skuggi85 fyrir 18 árum, 3 mánuðum

Þeir voru nokkrum sekúndum frá því þegar þeir heyrðu í honum. Ég meina hefði getað verið hættulegur og vopnaður skæruliði. En nei bara gamall og veikur kall sem skríður út úr. Líklega hefðu þeir ekki hikað við að drepa hann á staðnum ef hann hefði verið vonaður. En það hefði ekki verið gott fyrir málstað bandamanna að drepa óvopnaðan mann, þó það hafi verið einræðisherrann sjálfur.

En samt spurning hvort það þurfi að rétta yfir einræðisherranum sem var ástæðan fyrir stríðinu sjálfu. Þúsundir af stuðningsmönnum hans fengu þau örlög, af hverju ekki hann sjálfur? Auk þess að þá er enginn vafi á því að hann verður dæmdur sekur, réttarhöldin eru til sýnis upp á ímynd Íraka. Flestir vita þetta ekki en Saddam var dæmdur til dauða í Írak fyrir rúmlega 40 árum síðan. Tæknilega væri hægt að sleppa réttarhöldunum með því að fá dómsvaldið í Írak til þess að viðurkenna fyrri dóminn.

Fyrra álit

[Notanda eytt] fyrir 18 árum, 3 mánuðum

Tæknilega væri hægt að sleppa réttarhöldunum með því að fá dómsvaldið í Írak til þess að viðurkenna fyrri dóminn

Eflaust alveg jafn mikið vesen og að halda réttarhöld.

Fyrra álit

skuggi85 fyrir 18 árum, 3 mánuðum

Nei alls ekki.

Saddam þyrfti ekki einu sinni að mæta.

Fyrra álit

[Notanda eytt] fyrir 18 árum, 3 mánuðum

Já, en þetta væri aðgerð sem ætti sér ekkert fyrra lagalegt fordæmi. Það myndi líka vekja upp spurninguna hvort að aðrir dómar frá þessum tímapunkti væru en í gildi, svo ekki sé minnst á eignarréttinn.

Ekki flókið í orði, eða borði… en þegar lögfræðingar komast í það…mjög flókið.

Fyrra álit

skuggi85 fyrir 18 árum, 3 mánuðum

En það er einfalt að því leiti að nánast allir í Írak hafa vilja til þess að afgreiða málið og dæma Saddam sekann. Málið er bara að finna “afsökun” fyrir því.

Réttarhöldin eru ekkert gallalaus. Ég held persónulega að það var ákveðið fyrir réttarhöldin að dæma hann sekann. En réttarhöldin eru fyrst og fremst fyrir alþjóðasamfélagið og jafnvel til þess að niðurlægja Saddam. Írakar bíða spenntir eftir því að hann verður dæmdur, en það er almenn skoðun í landinu að þetta hefur nú þegar tekið allt of langan tíma.

Fyrra álit

[Notanda eytt] fyrir 18 árum, 3 mánuðum

Ég held persónulega að það var ákveðið fyrir réttarhöldin að dæma hann sekann.

Ég hef nú meiri trú en svo á alþjóðadómstólum en að þeir ákveði fyrir fram… Annars er ekki séns á að hann verði dæmdur saklaus, en það felst kannski fyrst og fremst í yfirþyrmandi sönnunargögnum.

Fyrra álit

skuggi85 fyrir 18 árum, 3 mánuðum

Það er nefnilega málið… Þetta eru ekki alþjóðadómstólar, heldur Íraskir. Og dómarinn er meira að segja Kúrdi.

Og þar sem þetta eru Írösk dómsvöld þá er mjög líklegt að hann fái dauðadóminn, en slíkt er ekki hægt með alþjóðadómsstólum.

Fyrra álit

Deiglan

Deiglan

Ofurhugar

Hverjir eru inni

Korkar - Heitar umræður

Saddam fluttur á sjúkrahús vegna hungurverkfalls

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi