Ég sá á einhverri sjónvarpsstöðinni að það hefði fundist farangur einhvers staðar sem átti að tilheyra einum flugræningjanna og innihélt kóraninn og spólu um flugnám. Það var líka sagt að það hefði verið hlerað eitthvað símtal milli araba sem eru í hryðjuverkasamtökum sem eru studd af Osama Bin Laden og þeir hefðu sagt að “þeir hefðu náð tveimur skotmörkum í Bandaríkjunum”.

Það virðist sem hellingur af fólki hafi hringt í ættingja sína en ekki mikið um að það hafi sagt eitthvað um flugræningjana. Maður sem var í vélinni sem hrapaði nálægt Pittsburgh hringdi í konuna sína og sagði að menn hefðu rænt vélinni. Hann hringdi svo aftur í hana og þá sagði hún honum að 2 vélum hefði verið flogið á World Trade Center. Svo hringdi hann í 3ja sinn til að spyrja nánar um þetta. Svo hringdi hann í 4ða og síðasta skipti og sagði henni að farþegarnir hefðu ákveðið að ráðast á flugræningjana. Það var síðasta sem hún heyrði frá honum.