Hefuru heyrt orðatiltækið “saklaus uns sekt sannast”? Það þýðir að sönnunarbyrðin liggur hjá “ákæruvaldinu” (þér í þessu tilviku) á að sanna sitt mál. Ég er í góðum málum, ég þarf ekki að sanna nokkurn skapaðan hlut fyrir þér, ég hef skoðað báðar hliðar og ég hef komist að þeirri niðurstöðu að mér finnst opinbera frásögnin meika meira sense.

En ertu virkilega að halda því fram að hinir meintu samsærismenn hafi náð að plata milljónir sérfræðinga og fræðimenn, á meðan atvinnulausir geðsjúklingar sitja heima í kjallara og sjá í gegnum allt saman? Geriru þér grein fyrir því hversu umfangsmikið og stórt samsærið þyrfti að vera til að ná að glepja alla?

Og ekki einu sinni reyna að benda mér á þá fáa vísinda-og fræðimenn sem segja að kenningin sé rétt, því þá gæti ég alveg eins bent þér á það að 0,5% Bandarískra vísindamanna trúa á sköpunarkenninguna.

En skemmtilegur hugsunarháttur hjá þér engu að síður. Hvernig veit ég að það sem ég er að lesa sé satt? Þetta er gott point. Á meðan við erum á þessum nótunum: Hvernig veit ég nokkurn skapaðan hlut? Afhverju trúi ég yfirleitt einhverju sem mér er sagt? Gæti ekki þess vegna allt sem ég les og sé í sjónvarpinu verið ein haugalygi? Gæti ekki verið að við séu í rauninni bara mötuð af endalausum áróðri og ósannindum svo að ríkisstjórnin eigi auðveldara með að stjórna okkur? Ertu búinn að kíkja í tannfyllingarnar þínar? ertu búinn að tékka undir húðinni? Ertu viss um að það séu engar myndavélar í reykskynjurum þínum? Munt þú trúa því, næst þegar þú sérð það í sjónvarpinu að Sjálfstæðismenn hafa unnið, að ekki sé um samsæri að ræða? Geturu verið viss um það að Davíð sé í rauninni hættur? Gæti ekki verið að hann sé að stjórna landinu á bakvið tjöldin, á meðan Halldór er notaður sem front?
Ef við væru að ræða um Sovétríkin eða Þýskaland undir stjórn nasista, en ekki vesturlöndin með sína sterku og, nær undantekningarlaust, áháðu fjölmiðla, þá gæti verið eitthvað til í þessu öllu. En þar sem það er ekki tilvikið, þá verður þú bara að reyna betur.


Trúiru á 9/11 samsæriskenningarnar?
en Rosswell?