Í fyrsta lagi, ef Írönum langaði í kjarnorkuvopn þyrftu þeir ekki að gera annað en að snúa sér til Kína, enda eru ríkin samningsbundin um haug af olíu og afar tengd að því leiti. Ég efast um að það sé stórmál fyrir Kínverja að láta þá hafa eitthvað slíkt. Hinsvegar segjast þeir aðeins vera á höttunum eftir kjarnorkuverum – en það draga margir í efa. Mig grunar að það sé vegna þess að BNA ætlar að ráðast inn í landið, þeir þurfa afsökun. Það er ekkert leyndarmál að þeir vilja Íran sem eitt af sínum leppríkjum enda hafa þeir reynt að koma fyrir einræðisherra þar áður til að geta stjórnað því með vinstri hendinni (Operation Ajax etc.) sem varð til þess að trufla lýðræðisþróun þar í landi. Það er meira að segja fattwa sem bannar framleiðslu og geymslu kjarnavopna í Íran, sem vissulega þeir gætu tekið úr gildi, en ég sé ekki af hverju þeir ættu að gera það. Þó þeim langaði í kjarnavopn eða ættu kjarnavopn, þá efast ég um að þeir myndu nota þau nema í mestalagi til valdaþrýstings eins og BNA og Sovétríkin gerðu í denn. Það er engin svo stjarnfræðilega heimskur að nota þau í næsta nágrenni, þeir vita fullvel að það væri hægt að taka þá út af kortinu nokkrum mínútum eftir það. Einhverjum dettur í hug jihad, en ég efast um það, það verður annarhver múslimi dauður vegna geislavirkni og kynslóðir eftir það snarvangefnar.

Hvað varðar áhyggjur þínar um að ríkistjórnin geri eitthvað í þínu nafni þá þarftu ekki að hafa of miklar áhyggjur af því. Það er frumvarp nú á Alþingi þess efnis að setja í stjórnarskrá ákvæði sem bannar ríkisstjórninni að lýsa stuðningi við stríðsreksturs án samþykkis frá þinginu (sem hefði líklegast komið í veg fyrir Íraks-málið).

Íran og Sýrland eru með öfgafyllstu ríkjum sem þú finnur á jörðinni, ekki skrýtið að Bandaríkjamenn hafi farið inn í Írak enda er landið einmitt á milli þeirra. Jafnvel Bandaríkjaforseti þarf að fá samþykki frá ýmsum mönnum til þess að geta notað kjarnorkuvopn. Þrátt fyrir kosningar í landinu og að Íranir hafi kjörinn forseta þá er landið samt sem áður ekki nálægt því að vera lýðræðisríki, enda er þar klerkaveldi sem er æðsta valdið og EKKI kosið af þegnum landsins. Því eru kosningar á forseta í landinu ekkert annað en ein stór sýning fyrir heiminn, enda er hann ekkert annað en brúða sem þarf að hlýða klerkaveldinu. Íranir hafa vilja til þess að þurrka út Ísrael (árás á þá myndi án efa koma á fyrstu kjarnorku-heimstyrjöldinni) og það hefur ekki beint verið leyndarmál, líka áður en kjarnorkuumræðan hófst. Klerkaveldið gæti notað slík vopn án þess að hafa sérstaka ástæðu eða fá samþykki, auk þess að miða við hegðun þeirra nýlega kæmi það mér ekki á óvart ef þeir myndu nota það sem kúgunarspil eins og N-Kórea hefur gert.

Íran er í mjög svipaðri stöðu og Írak var á sínum tíma þegar Saddam Hussein var með sínar kjarnorkuátælanir, sem Ísraelar stöðvuðu með loftárásum í landinu. Jafnvel þau ríki sem voru á móti núverandi Íraksstríði viðurkenna að það hafi verið rétt hjá þeim á sínum tíma að koma í veg fyrir þá áætlun, en Saddam Hussein hefði alveg jafn auðveldlega getað komið á heimstyrjöld eins og Hitler á sínum tíma. Með Stalín sem fyrirmynd, vilja á að eignast gjöreyðingarvopn og stækka ríkið sitt yfir eins stóran hluta miðausturlanda og hægt væri. Það er ríkjandi skoðun að það sé einfaldlega hræðilegt klúður að það hafi ekki verið komið í veg fyrir kjarnorkuvopnaeign í N-Kóreu. Kjarnorkuvopnaeign er sterkt spil sem hægt er að leika sér með jafnvel þó þau séu aldrei notuð, en litli einræðisherrann skemmtir sér mjög vel nú að hóta og kúga vesturlönd með þessu nýja spili sínu. Nú á enginn eftir að þora að fara inn í ríkið og lönd um allan heim eiga eftir að dæla peningum inn í landið sem mútur fyrir því að einræðisherrann litli verði þægur. Ríki eins og Sýrland eða Íran eru að mínu mati alveg jafn mikil áhætturíki og N-Kórea, slík skoðun er ekki aðeins hjá Bandaríkjamönnum heldur ríkjandi um mesta Evrópu og hjá Sameinuðu Þjóðunum.

Svo erum við ekki bara að tala um beina árás ríkja með kjarnorkuvopnum. Íran sem er morandi í islömskum hryðjuverkamönnum gæti auðveldlega útvegað t.d. Al-Qaeda efni í “dirrty bombs” kjarnorkusprengjur þrátt fyrir alþjóðlegt eftirlit, meira að segja án þess að hægt væri að sanna að það kæmi frá þeim. Ímyndið ykkur slíkar sprengjur í árásum á borgir eins og Madrid, London eða New York… afleiðingarnar yrði stærsta heimstyrjöld mannkynssögunnar. Við erum að tala um að vesturlönd hreinlega gefist upp og stilli sér saman í stríð gegn öllum miðausturlöndum með afskipti frá löndum eins og t.d. Kína og Rússlandi. Þó að þeir séu í einhverju bandalagi með Rússum og Kínverjum þá þýðir það ekki að þeir gætu fengið send kjarnorkuvopn eins og ekkert væri, Írak var líka í slíkum samböndum fyrir frelsunina en samt sem áður ekki með kjarnorkuvopn. Heimurinn er ósanngjarnt og ég kýs að vera frekur og stilla mér upp frekar upp með meirihluta vesturlanda enda vil ég ekki að öfgafullt klerkaveldi fái rauðan hnapp með orðinu “Jihad” á tengd beint við kjarnorkuvopn. Held að það sé bara tímaspurning þanga til öfgastjórnirnar í Sýrlandi og Íran falli, mjög líklega með meiri stuðningi en var með frelsun Íraks. Og það skemmtilega við þetta allt saman er að Írösk stjórnvöld munu styðja slíkt, enda koma flestir hryðjuverkamenn inn í landið frá þessum tveimur löndum.