[Notanda eytt] fyrir 18 árum, 11 mánuðum Fjöldi lestra: 316

Feminista fukking greinar

Ég er ekki að senda þetta inn sem grein, af því mér er skít sama um hvort ég fæ stig fyrir þetta eða ekki. En djöfull er ég leiður á femínista haturs greinum. Ein smávægileg athugasemd frá femínistum gerir það að verkum að heilar fjórar greinar koma um að femínista tussurnar séu gegnar of langt.
Á eftir þessum greinum fylgir langur listi af: Femínistar eru nasistar!
Femínastir eru bara ljótar tussur sem öfunda þær sem eru fallegar.

Og svo framvegis.

Ég vil að við veltum fyrir okkur. Nú segji ég bara. Veltum fyrir okkur hvers vegna ein smávægileg athugasemd frá femínistafélaginu skapar öll þessi viðbrögð.
Femínistar sögðu ekki: Við skulum banna fegurðarsamkeppnir.
Ég ætla ekki að neita að sumir femínistar myndu vilja það. Ég vil það ekki, en samt er ég femínisti.
Femínistar sögðu bara að þeir vildu ekki að forsætisráðherra væri að óska fegurðarsamkeppnis drottningum til hamingju fyrir hönd þjóðarinnar.
Nú, veltum þessu fyrir okkur.
“Fyrir hönd þjóðarinnar”
Sumsé því var ekki mótmælt að Halldór Ásgríms óskaði Unni Birnu til hamingju. Nei, því var mótmælt að hann gerði það fyrir hönd þjóðarinnar. Þeir sem sögðu “ekki í okkar nafni” og voru hlynntir mótmælum gegn þátttöku og stuðning Íslendinga í Íraksstríðinu ættu að vera sammála því. Sumsé að forsætisráðherra sé hlynntur einhverju sem þjóðin er ekki sammála um.

Í öðru lagi vill ég andmæla því að femínistar séu einhverjar ljótar tussur.

Til að byrja með þá eru konur sem standa fyrir sínu og eru ekki einhverjir hálfvitar sexý.

Þeir femínistar sem ég veit um, eru bara drullufallegar þótt þær séu á móti fegurðarsamkeppnum.

Og af hverju eru allar andfemínista greinarnar skrifaðar af karlmönnum? Hvers vegna taka þeir því svo til sín að einhver geri athugasemd við kvenfegurðar keppni?

Skammist ykkar bara. Þið eruð ekkert jafnréttissinnar. Hefur eitthvað sem þið hafið gert stuðlað að jafnrétti? Síðan hvenær? Eins og það skipti máli hvort þið kallið ykkur femínista eða jafnréttissinna? Eruð þið ekki að berjast fyrir sama jafnrétti?

Er jafnrétti í dag? Nei.
Launamunur er ennþá, og mismunur á öðrum sviðum. Við ættum öll að vinna að betri heim í staðinn fyrir að gera hann verri í staðinn fyrir að kalla femínista nasista. Reynið bara að koma með dæmi um að femínistar séu eitthvað slíkt og ég skal hrekja það um leið. Því öfgafemínismi eins og sumir halda fram að sé útbreiddur er ekki til. Við ættum að byrja að umbera skoðanir minnihlutahópa í staðinn fyrir að uppnefna þá.

skuggi85 fyrir 18 árum, 11 mánuðum

Feministafélagið vinnur að því að bæta stöðu kvenna, ásamt því að hafa karlahóp og berjast takmarkað fyrir réttindum karla til þess að geta haldið því fram að verið sé að berjast fyrir jafnrétti. Ég bara skil ekki hvernig steríótýpa af konum á að vera “misrétti” gegn konum. Þarna eru sjálfstæðar konur að taka þátt af eigin vilja, ásamt því að fegurðarsamkeppnir karla eru líka til. Bara drullist til þess að hætta að væla. Konur hafa nákvæmlega sömu réttindi í dag, ef ekki meiri! Þó að það sé hægt að draga upp einhverjar tölur þá þýðir það ekki að misrétti sé eina líklega ástæðan. T.d. þá biðja karlmenn oftar um launahækkun og taka frekar að sér yfirvinnu. Svo myndi það hjálpa ef ómenntaðar konur myndu t.d. fara út á sjó eða í byggingarvinnu í stað þess að vinna í afgreiðslu eða á leiksskóla, of erfið og skítug störf til þess að berjast fyrir?

Svo talar þú eins og það hafi aldrei verið neitt misrétti gegn körlum. Það hefur líka verið erfitt fyrir karlmenn að komast inn í hefðbundin kvennastörf, ekkert svo langt síðan það hefði verið hlegið að karlmanni sem vildi vinna við hjúkrun eða á leiksskóla. Hversu marga karlmenn höfum við svo misst í sjóinn? Það var alveg eins misrétti gagnvart körlum að kúga þá til þess að vinna 12 tíma á dag á meðan konurnar fengu að vera heima með börnin, þeir gátu ekkert frekar fengið að skipta um hlutverk en konurnar. Réttindum karlmanna hefur einnig fylgt ábyrgð og ýmsir mínusar. Karlmaðurinn átt að vera sterka vörn fjölskyldunnar og jafnvel fórna sér fyrir hana. Grípandi lína úr Titanic “Woman and children only”, þrátt fyrir að vera valdamiklir menn þá létu þeir lífið fyrir það eitt að hafa getnaðarlim. Þó að karlmaðurinn hafi verið “fulltrúi fjölskyldunnar” þá höfðu konurnar sín áhrif bak við tjöldin sem hafa verið vanmetin.

Hlutverkaskiptingin hentaði þjóðfélaginu vel á vissu tímabili og konur höfðu það ekkert verr en karlarnir. Jafnrétti nútímans er gott mál en við verðum að átta okkur á því að það er eðli samfélagsins að hafa smá skugga af fyrri kynslóðum. Ekki er nóg að 60% háskólanema séu konur heldur verður það að skila sér á vinnumarkaðinn og svo á endanum í valdastöður. Konur verða fyrst að auka áhuga sinn á pólitík ef þær vilja verða helmingur alþingismanna, en í dag eru hlutföllin konum í hag á Alþingi enda ná konur rétt yfir 20% þegar kemur að pólitískum félögum og almennri þáttöku. Karlmenn hafa það verra í dag á ýmsum sviðum, það er mikilvægt að útrýma núverandi formi feminisma og tala frekar almennt um jafnrétti. Auk þess að viðurkenna að ekki er hægt að þvinga á jafnrétti og að mismunun getur aldrei verið jákvæð. Í dag virðist það vera pólitísk rétthugsun að það sé frábær árangur að 60% háskólanema séu konur, en ekki að það sé slæmt að karlmenn séu aðeins 40% þeirra. Hvernig getur það verið gott jafnrétti að karlmenn séu að dragast aftur úr í menntamálum? Af hverju er það fínasta mál að konur fái í stórum meirihluta forræði yfir börnunum við skilnaði?

Fyrra álit

[Notanda eytt] fyrir 18 árum, 11 mánuðum

Nú skulum við byrja á að koma nokkrum hlutum á hreint:

Í fyrsta lagi er femínistafélagið á móti karlkyns fegurðarsamkeppnum líka. Svo þessi rök þín kolfalla.

Í öðru lagi hef ég engan áhuga né vilja til þess að banna fegurðarsamkeppnir. Öll bönn eru neikvæð, en má ekki setja upp spurninguna? Má ekki gagnrýna?

Það sem ég er að tala um er að hvert einasta sinn sem femínistar fara inn á þetta viðkvæma málefni, “Fegurð”, þá er þeim úthúðað. Þeir eru bara ljótar tussur sem ekki geta tekið þátt og sitja bara og væla.

Af hverju er ekki hægt að hlusta á fólk, bera virðingu fyrir rétti þess að tjá sig og fært svo rök á móti eins og siðmenntað fólk?

Svo talar þú eins og það hafi aldrei verið neitt misrétti gegn körlum

Skuggi, hvar geri ég það? Þetta er ekki satt, þú ert að gera mér upp skoðun. Karlmenn hafa oft verið beittir misrétti, t.d. hefur herkvaðning yfirleitt bara gengið yfir karlmenn. Karlmenn áttu ekki að mega tjá tilfinningar og þrauka alls kyns sársauka. Það eru til mörg dæmi af misrétti gegn körlum í heiminum.

Hlutverkaskiptingin hentaði þjóðfélaginu vel á vissu tímabili og konur höfðu það ekkert verr en karlarnir. Jafnrétti nútímans er gott mál en við verðum að átta okkur á því að það er eðli samfélagsins að hafa smá skugga af fyrri kynslóðum. Ekki er nóg að 60% háskólanema séu konur heldur verður það að skila sér á vinnumarkaðinn og svo á endanum í valdastöður. Konur verða fyrst að auka áhuga sinn á pólitík ef þær vilja verða helmingur alþingismanna, en í dag eru hlutföllin konum í hag á Alþingi enda ná konur rétt yfir 20% þegar kemur að pólitískum félögum og almennri þáttöku. Karlmenn hafa það verra í dag á ýmsum sviðum, það er mikilvægt að útrýma núverandi formi feminisma og tala frekar almennt um jafnrétti. Auk þess að viðurkenna að ekki er hægt að þvinga á jafnrétti og að mismunun getur aldrei verið jákvæð. Í dag virðist það vera pólitísk rétthugsun að það sé frábær árangur að 60% háskólanema séu konur, en ekki að það sé slæmt að karlmenn séu aðeins 40% þeirra. Hvernig getur það verið gott jafnrétti að karlmenn séu að dragast aftur úr í menntamálum? Af hverju er það fínasta mál að konur fái í stórum meirihluta forræði yfir börnunum við skilnaði?

Það er gott að þú bendir á þetta. Merkilegt nokk þá hafa femínistar áhyggjur yfir þessari þróun. Hvers vegna?
Femínistar eru líka á móti því að karlinum sé mismunað í skilnaðarmálum.
Þú ættir að gera eftirfarandi:

Velta fyrir þér hvaða skoðanir femínistar hafa og hvaða skoðanir þú telur femínista hafa. Eru femínistar hópur fólks sem berst gegn karlkyninu eða eru þau hinir sönnu jafnréttissinnar?
Hvernig stendur á því að fólkið sem yfirleitt kallar sig jafnréttissinna gerir í raun ekkert til að koma á jafnrétti?

Fyrra álit

skuggi85 fyrir 18 árum, 11 mánuðum

Í fyrsta lagi er femínistafélagið á móti karlkyns fegurðarsamkeppnum líka. Svo þessi rök þín kolfalla

Þetta vissi ég. Rök mín falla ekki.

Félagið er ekki að berjast jafn hart gegn þeim samt sem áður. Hvernig er það annars kynjamisrétti þesar bæði kynin eru að gera það af frjálsum vilja? Þetta bara tengist ekkert jafnrétti kynjanna og kemur því femnistum ekkert við!

Má ekki gagnrýna?

Jú jú en það er kannski gott að hafa góð rök með í leiðinni. Feministar hafa aldrei komið með almennileg rök fyrir því hvernig þessar keppnir eru niðurlægingar fyrir fólk og misrétti eftir kynjum. Persónuleg tilfinning er ekki nóg.

Það sem ég er að tala um er að hvert einasta sinn sem femínistar fara inn á þetta viðkvæma málefni, “Fegurð”, þá er þeim úthúðað. Þeir eru bara ljótar tussur sem ekki geta tekið þátt og sitja bara og væla.

Kannski af því maður hefur aldrei orðið vitni af öfga-feminista sem er með slíkt útlit? Ásamt því að þetta sama málefni er alltaf tekið aftur og aftur upp og konurnar hljóma alltaf jafn bitrar í hvert skipti.

Af hverju er ekki hægt að hlusta á fólk, bera virðingu fyrir rétti þess að tjá sig og fært svo rök á móti eins og siðmenntað fólk?

Kannski af því feministar eru að rakka aðra niður? Af hverju á það að vera niðurlæging að vera í kroppasýningu? Hvað er af því ef einstaklingur vill vera metinn bæði af útliti og gáfum? Feministar hófu baráttu gegn “almennu siðferði” um skiptingu kynjanna í sinni uppreisn, en núna vilja þeir nákvæmlega það sama bara frá hinni hliðinni. Almenn siðferði eigi að vera að konur (og karlar) séu metnar fyrir gáfur og verk en EKKI útlit. Þetta er ekkert skárra en þegar siðferðið var að ekki mátti sjást í beran handlegg á konu og þær áttu að vera heima með börnin. Rökin frá feministum gegn þessar keppnum eru byggð á eigin fordómum.

Skuggi, hvar geri ég það? Þetta er ekki satt, þú ert að gera mér upp skoðun. Karlmenn hafa oft verið beittir misrétti, t.d. hefur herkvaðning yfirleitt bara gengið yfir karlmenn. Karlmenn áttu ekki að mega tjá tilfinningar og þrauka alls kyns sársauka. Það eru til mörg dæmi af misrétti gegn körlum í heiminum.

Skrýtið að ég hef aldrei séð feminista nefna þetta opinberlega. Þú hlýtur að viðurkenna að umræðan hefur að mestu snúist um misrétti gagnvart konum? Og að orðið feminismi er ekki beint æskilegt fyrir jafnréttisbaráttu beggja kynja.

Það er gott að þú bendir á þetta. Merkilegt nokk þá hafa femínistar áhyggjur yfir þessari þróun. Hvers vegna?
Femínistar eru líka á móti því að karlinum sé mismunað í skilnaðarmálum.

Feministar á Íslandi hafa ekki barist jafn mikið fyrir réttindum karla þó það sé fjallað um jafnrétti í orði af og til. Svo er það í sjálfu sér mjög undarlegt að það þurfi að vera sérstakur karlahópur innan samtakanna, af hverju ekki að hafa samtökin blönduð og berjast fyrir jafnrétti? Og auðvitað fella niður orðið feminismi sem hefur að minnsta kosti óbein áhrif konum í hag.

Eru femínistar hópur fólks sem berst gegn karlkyninu eða eru þau hinir sönnu jafnréttissinnar?

Þegar feministar fagna því sem “góðu jafnrétti” að konur séu 60% háskólanema en ekki öfugt þá áttar maður sig alveg á því hvernig forgangslistinn hjá þeim er. Alveg sjálfsagt að hafa kynjahlutföll á Alþingi og fínum skrifstofustörfum en það yrði allt brjálað ef slíkt yrði gert í framhaldsnámi.

Fyrra álit

[Notanda eytt] fyrir 18 árum, 11 mánuðum

Af hverju á það að vera niðurlæging að vera í kroppasýningu? Hvað er af því ef einstaklingur vill vera metinn bæði af útliti og gáfum? Feministar hófu baráttu gegn “almennu siðferði” um skiptingu kynjanna í sinni uppreisn, en núna vilja þeir nákvæmlega það sama bara frá hinni hliðinni. Almenn siðferði eigi að vera að konur (og karlar) séu metnar fyrir gáfur og verk en EKKI útlit.

Reyndar hafa femínistar oft sett fram rökin fyrir því af hverju þeim þyki það. Femínistar segja að “kroppasýningar” geri fólk að hlutum. Útlitsdýrkun er undirstaðan í mörgum sálrænum vandamálum svo sem búlimíu, anorexíu og öðrum útlitsáráttum.
Mér finnast fegurðarsamkeppnir fremur leiðinlegar, kýs frekar almennilegt klám. Af hverju að sýna á bíkíníum, af hverju ekki að ganga alla leið? Fyrst við erum að skoða líkama á annað borð.
Ég á vini sem eru ósammála mér um klám, en ég er nú eflaust frekar sammála þér ef eitthvað er. Klám er fínt, nekt er góð og útlitsdýrkun er óhjákvæmileg afleiðing af þróun mannkynsins. Mitt markmið með greininni var bara að benda á hversu málflutningurinn getur verið slappur gegn femínistum. Þroskastig þeirra sem ráðast gegn þeim hlýtur að vera fremur lágt, því rökfærslurnar felast meginlega í að kalla femínista ljótar tussur. Þeir femínistar sem ég veit af eru reyndar flestir laglegir/laglegar.

En jafnréttissinni er eflaust betra orð, og femínistar myndu eflaust koma málstað sínum betur áfram með því að skipta um heiti. Það breytir því þó ekki að fólk ætti að bera virðingu fyrir skoðunum annarra.

Skrýtið að ég hef aldrei séð feminista nefna þetta opinberlega. Þú hlýtur að viðurkenna að umræðan hefur að mestu snúist um misrétti gagnvart konum?

Já, enda hafa konur mest rætt um jafnrétti, og fólk hugsar mest um sín eigin réttindi. Það þýðir þó ekki að femínistar hafi aldrei barist fyrir réttindum karla.
T.d. var aðalbaráttumál femínista fyrir nokkrum árum jöfn réttindi kynjanna til barnseignarorlofs.

Fyrra álit

skuggi85 fyrir 18 árum, 11 mánuðum

Það þýðir þó ekki að femínistar hafi aldrei barist fyrir réttindum karla.

Samt sem áður beygir það þá fullyrðingu að þær séu að berjast fyrir jafnrétti beggja kynja. Auðvitað eiga þær ekki að þurfa að berjast líka fyrir réttindum karla, en lágmarkið er að viðurkenna að staða kvenna sé efst á forgangslistanum.

Fyrra álit

[Notanda eytt] fyrir 18 árum, 11 mánuðum

Þú gleymir því Skuggi að ekki eru allir femínistar konur. Og svo held ég ekki að það sé ekki meðvituð ákvörðun að gera réttindi kvenna að forgangsatriði.

Fyrra álit

skuggi85 fyrir 18 árum, 11 mánuðum

Sjálfur held ég að þessi litli karlahópur séu aðallega makar kvenna sem eru í félaginu og gert í þeim tilgangi að bæta áður slæma ímynd. En það í sjálfu sér sýnir hversu ríkjandi konur eru í þessu að það þarf að hafa sérstakan karlahóp. Ímyndaðu þér hneykslið ef að karlmenn myndu stofna jafnréttishóp og hafa lítinn kvennahóp innan hans.

Fyrra álit

[Notanda eytt] fyrir 18 árum, 11 mánuðum

Sammála þér í því að það er asnalegt að hafa sér karlahóp. En það er reyndar ekki rétt að þetta séu bara karlar sem eru þvingaðir í þetta. Karlahópurinn er reyndar mun virkari heldur en sjálft femínistafélagið.

Fyrra álit

42ersvarid fyrir 18 árum, 11 mánuðum

Í karlahópnum eru bæði karlar og konur. Í öðrum hópum Feministafélagsins eru líka bæði karlar og konur. Karlahópurinn ber þetta nafn vegna þess að þar er tekið á málum sem snúa fyrst og fremst að karlmönnum.

Ef ég man rétt er karlahópurinn einn af upprunalegu hópum félagsins og getur því varla verið hugsaður til þess að bæta áður slæma ímynd félagsins.

Fyrra álit

skuggi85 fyrir 18 árum, 11 mánuðum

En með því að hafa sérstakan hóp handa karlmönnum er það eins og það sé verið að gefa í skyn að misrétti sé ekki jafn algengt gagnvart karlkyninu, því sé nóg að hafa bara einn hóp handa þeim innan félagsins.

Fyrra álit

42ersvarid fyrir 18 árum, 11 mánuðum

Kynbundið misrétti er vissulega ekki jafn algengt/alvarlegt hjá karlmönnum. En þó að til sé karlahópur láta karlar óhræddir til sín taka með hin ýmsu málefni innan félagsins. Það er alls ekki svo að þarna sé körlum stúkað niður og þeir skuli bara tjá sig þar. Ég lít frekar á þetta jákvæðum augum, að vakin sé athygli á að jafnréttismál sé mál okkar allra.

Fyrra álit

skuggi85 fyrir 18 árum, 11 mánuðum

Ég er ekki sammála því. Ef eitthvað þá er staða kvenna betri í dag en karla. Launamunur segir ekki alla söguna.

Auk þess að ef við lýtum aftur til framtíðar þá er aðallega talað um kúgun á konum og hvað þær áttu erfitt. Að þær voru neyddar til þess að vera með börnin á heimilinu. Í stað þess að viðurkenna bara að þetta var skipting sem flestir samþykktu, líka konur. Af hverju varð uppreisn ekki fyrr hjá konum? Af hverju tók það svona langan tíma?

Ef ég færi aftur í tímann þá myndi ég frekar kjósa að vera heima með börnin en að vinna 12-15 tíma á dag og jafnvel að fórna lífi mínu fyrir konur og börn. Hversu marga karlmenn höfum við misst í sjóinn í baráttu okkar við að byggja upp það samfélag sem við höfum í dag? Hvort hafa fleiri karlmenn eða konur dáið í stríðum? Af hverju fremja karlmenn frekar sjálfsmorð?

Fyrra álit

42ersvarid fyrir 18 árum, 11 mánuðum

Við erum augljóslega ekki sammála um þessi mál. Persónulega get ég ekki séð hvernig staða kvenna er betri en staða karla í dag. Launamunur segir að sjálfsögðu ekki alla söguna en það er líka af nógu öðru að taka.

Kúgun kvenna fyrr á öldum fólst ekki aðallega í því að vera heima með börnin. Miklu frekar fólst kúgun fortíðar í útlokun kvenna frá menntun, ábyrgð og völdum. Hvers vegna varð franska byltingin ekki fyrr? Af hverju fékk alþýðan engin völd fyrr en á 20. öld? Erfiðar spurningar, rétt eins og af hverju konur risu ekki upp fyrr. Auðvitað mætti snúa þeirri spurningu við og spyrja af hverju karlmenn, sem höfðu völd og menntun sættu sig við að dætur þeirra yrðu undirokaðar?

Vinnudagur kvenna var lengri en vinnudagur karla (amk í Evrópu, veit ekki með annars staðar en held þó að svipaða sögu sé að segja þar). Að sjá um heimili fyrir 100 árum var erfiðsvinna. Á sumrin voru konur jafnmikið í slátri og uppskeru og karlar en sáu auk þess um mat, börn og annað heimilisfólk. Hversu margar konur höfum við misst við að sjá um sjúka?

Hversu margir hafa dáið í stríðum, eftir kynjum? Ekki hugmynd, en hermenn eru þó einungis lítið brot af þeim sem hafa dáið. Óbreyttir borgarar, ekki hvað síst konur, hafa farið afar illa út úr stríðsbrölti valdhafa. Svo ekki sé minnst á misnotkun og nauðganir sem gjarnan hafa fylgt í kjölfar stríða og slíkt ofbeldi beinist að langstærstum hluta að konum.

Orsakir sjálfsmorða eru sennilega fjölmargar og mismunandi eftir samfélögum og tímabilum. Í dag myndi ég telja að fleiri karlmenn fremji sjálfsmorð en konur vegna þess að það uppeldi sem viðgengst í samfélaginu skilar tilfinningalega heftum karlmönnum út í samfélagið.

Fyrra álit

skuggi85 fyrir 18 árum, 11 mánuðum

Kúgun kvenna fyrr á öldum fólst ekki aðallega í því að vera heima með börnin. Miklu frekar fólst kúgun fortíðar í útlokun kvenna frá menntun, ábyrgð og völdum.

Á meðan það var skyldað karlmenn til þess. Þeir fengu ekkert frekar að skipta um hlutverk en konur án þess að vera fordæmdir af samfélaginu.

Auðvitað mætti snúa þeirri spurningu við og spyrja af hverju karlmenn, sem höfðu völd og menntun sættu sig við að dætur þeirra yrðu undirokaðar?

Af því að alveg eins og meirihluti kvenna sem samþykktu það, var þetta “normið” sem var samþykkt. Þýðir ekki að konur voru frekar kúgaðar.

Vinnudagur kvenna var lengri en vinnudagur karla (amk í Evrópu, veit ekki með annars staðar en held þó að svipaða sögu sé að segja þar). Að sjá um heimili fyrir 100 árum var erfiðsvinna. Á sumrin voru konur jafnmikið í slátri og uppskeru og karlar en sáu auk þess um mat, börn og annað heimilisfólk.

Hvað með þá karlmenn sem fóru út að vinna? Núna virðist þú aðeins taka sem dæmi þar sem öll vinnan var á heimilinu, á býli. Algengt var hjá útivinnandi mönnum að koma heim rétt áður en þeir fara að sofa, 6 daga á viku. Svo auðvitað sjómenn sem voru úti á sjó marga mánuði í einu með tilheyrandi hættu. Miða við höfðatölu þá misstum við víst fleiri karlmenn í sjóinn en þeir karlmenn sem dóu í Evrópu í heimstyrjöldinni.

Hversu margar konur höfum við misst við að sjá um sjúka?

Örugglega margar, en ekki nálægt því að vera sambærilegt þeim fjölda hermanna sem létust. Auk þess að yfirleitt voru læknar líka þar sem voru hjúkkur.

Hversu margir hafa dáið í stríðum, eftir kynjum? Ekki hugmynd, en hermenn eru þó einungis lítið brot af þeim sem hafa dáið. Óbreyttir borgarar, ekki hvað síst konur, hafa farið afar illa út úr stríðsbrölti valdhafa. Svo ekki sé minnst á misnotkun og nauðganir sem gjarnan hafa fylgt í kjölfar stríða og slíkt ofbeldi beinist að langstærstum hluta að konum.

En þú verður að athuga að karlmenn voru bæði að deyja sem almennir borgarar og sem hermenn. Ég var alls ekki að halda því fram að konur og börn hafi sloppið við skelfilegu afleiðingar stríða, en karlmenn voru fyrst og fremst þeir sem að létu lífið. Auk þess að þeir voru þeir einu sem að samfélög sendu út í opinn dauðann, konur og börn létu lífið aðallega af völdum árásarliðsins en ekki vegna þess að þau voru send út í stríð af samfélaginu.

Orsakir sjálfsmorða eru sennilega fjölmargar og mismunandi eftir samfélögum og tímabilum. Í dag myndi ég telja að fleiri karlmenn fremji sjálfsmorð en konur vegna þess að það uppeldi sem viðgengst í samfélaginu skilar tilfinningalega heftum karlmönnum út í samfélagið.

Þú þarft örugglega að fara margar aldir aftur í tímann til að finna tímabil þar sem konur voru í meirihluta þeirra sem frömdu sjálfsmorð, þar að segja ef slíkt hefur verið til. Allavega hér á vesturlöndum. En er þetta ekki í sjálfu sér misrétti gagnvart körlum að þeir eigi að vera kaldir og lokaðir vegna þrýstings frá samfélaginu? Feministar tala ekki eingöngu um fyrirtæki eða stjórnvöld þegar kemur að misrétti gagnvart konum, heldur líka almenna siðferði og hegðun þjóðarinnar. Af hverju er lýst upp byggingar bleiku ljósi vegna brjóstakrabbameins, en ekkert sambærilegt fyrir karlmenn?

Veistu það getur vel verið að staða kvenna sér verri þegar maður lýtur á allan heiminn. En hér á Íslandi hafa konur nákvæmlega sama rétt til þess að gera það sem þeim sýnist og vinna sig upp, en hafa því miður ekki en þá náð karlmönnum í að nýta það. Það endurspeglast í t.d. 20% þáttöku kvenna í pólitík og hneigð til þess að biðja sjaldnar um launahækkanir. Kynin hafa það betra og verra á ýmsum sviðum, sem að mínu mati jafnar það út. En það þarf ekki allt að vera nákvæmlega 50/50 svo það sé jafnrétti, það eru til aðrar skýringar en misrétti.

Fyrra álit

42ersvarid fyrir 18 árum, 11 mánuðum

Að (sumir) karlmenn hafi verið skyldaðir til menntunar, áhrifa og valda á meðan (langflestar) konur voru skyldaðar til að hugsa um börn og bú er varla sambærilegt. Annar hópurinn fær völd en hinum er haldið niðri í fáþekkingu.

Ég vísaði einungis til dæma af býlum vegna þess að ég var að tala um þá tíma þegar konur fengu ekki að menntast eða komast til valda - þeas fyrir meira en 100 árum. Þegar karlinn kom heim seint að kvöldi átti konan eftir að sjá um hann, fæða hann, klæða hann úr og vakna á undan honum til að sjá um hann áður en haldið var aftur í vinnu. Íslenskir sjómenn voru ekki marga mánuði á sjó fyrr en á 20. öld. En já, sjórinn er hættulegur vinnustaður.

Að sjá um sjúka var ekki gert af læknum og hjúkrunarfræðingum hér áður fyrr heldur fyrst og fremst af mæðrum, ljósmæðrum eða öðru kvennfólki. Ég var því ekki að vísa til dauða hjúkrunarkvenna heldur þess að konur sáu um sjúka og dauðvona eins og alla aðra og bjuggu því við mjög mikla smithættu.

Varðandi hermenn og dauða í stríðum - þá voru það frekar konur sem dóu sem óbreyttir borgarar. Börn voru oft send út í opin dauðan sem hermenn. En svo má auðvitað´líka velta því fyrir sér hvort það sé ekki bæði misrétti fyrir karla og konur að karlar séu í miklu meiri hluta hermanna? Auðvitað ætti að treysta bæði körlum og konum fyrir því að berjast fyrir þjóð sína. Ef herskylda er í landinu ættu s.s. bæði karlar og konur að vera kvödd í herinn, annað er misrétti gagnvart bæði körlum og konum.

Varðandi sjálfsmorð. Jú, að sjáfsögðu er það misrétti gagnvart karlmönnum að samfélagið ali þá upp eins og karlmenn hafa og eru aldir upp. Alveg eins og það er misrétti gagnvart konum hvernig þær eru aldar upp. Ýtt er undir mismunandi hegðun eftir kyni og skilar það sér mjög greinilega í þjóðfélaginu.

Réttarfarsleg staða kvenna á Íslandi er, að flestu leiti, mjög góð. Raunveruleg staða þeirra er það hins vegar ekki. Að mínu mati er það mjög alvarlegt og þarf að gera ýmislegt til að breyta því. Ég tel að markvisst uppeldi skipti þar mestu máli en það tekur að sjálfsögðu mjög langan tíma að breyta samfélaginu í réttlát samfélag með þeim hætti.

Af hverju er ekki t.d. grænt ljós fyrir eistnakrabbamein? Ja, ætli það sé ekki bara vegna þess að það hefur engin hópur karla sameinast um vitundarvakningu um eistnakrabbamein. Af hverju er ekki gangkynhneigði dagur? Vegna þess að gagnkynhneigðum finnst ekki þörf á að berjast sérstaklega fyrir sínum réttindum. Sama má segja um karlmenn og jafnréttisbaráttu. Ekki þar með sagt að karlmenn hafi ekki fyrir ýmsu að berjast í jafnréttismálum - þeir gera það bara ekki. Ekki búast við að aðrir berist fyrir þig, og ekki gagnrýna aðra fyrir að berjast ekki fyrir þinn málstað - notaðu frekar orkuna í að gera eitthvað. Skipulegðu dag þar sem vakin er athygli á stöðu forræðismála feðra.

Fyrra álit

skuggi85 fyrir 18 árum, 11 mánuðum

Að (sumir) karlmenn hafi verið skyldaðir til menntunar, áhrifa og valda á meðan (langflestar) konur voru skyldaðar til að hugsa um börn og bú er varla sambærilegt. Annar hópurinn fær völd en hinum er haldið niðri í fáþekkingu.

Bæði samt sem áður kúganir sama hvernig þú metur gæði hvers hóps. Karlmenn áttu að fara út á vinnumarkaðinn og mennta sig, til þess að sjá fyrir fjölskyldunni. Ef þeir vildu vera heima með börnin og senda konuna út að vinna þá voru þeir fordæmdir af samfélaginu. Þetta var skiptingin á verkefnum, karlinn var fulltrúi fjölskyldunnar. Af hverju heldur þú að samkynhneigð hafi verið fordæmd á sínum tíma? Jú af því maður átti að eignast 10 börn, engar lífeyristryggingar fyrir aldraða. Þó við séum ósammála fyrri siðferðum og hlutverkum þá gagnaðist það öðrum kynslóðum á undan okkur. Þú sérð þetta líka í dýraríkinu.

Réttarfarsleg staða kvenna á Íslandi er, að flestu leiti, mjög góð. Raunveruleg staða þeirra er það hins vegar ekki. Að mínu mati er það mjög alvarlegt og þarf að gera ýmislegt til að breyta því. Ég tel að markvisst uppeldi skipti þar mestu máli en það tekur að sjálfsögðu mjög langan tíma að breyta samfélaginu í réttlát samfélag með þeim hætti.

Af hverju geta þá feministar ekki bara verið sáttir? Kynin verða jafnari og jafnari á næstum öllum sviðum. Feministar vilja fá skyndilausnir með því að þvinga viss hlutföll og tölur í gegnum lög, óháð því hver ber ábyrgð á hlutfallinu. Konur eiga að vera helmingur alþingismanna þrátt fyrir það að þær sækjast síður í stöðuna, hvað er það annað en misrétti gagnvart körlum sem þurfa þá að keppast við fleiri til að komast inn?

Konur eins og Ingibjörg Sólrún Gísladóttir og Vigdís Finnbogardóttir tala eins og það sé komið fram við konur en þá sem annars flokks þegna, feministar hlaupa eins og svangir kettir á eftir slíkum yfirlýsingum. Hvernig lýst þér annars á 65% konukrónuna? Konur geta nú þegar breytt henni í 85% krónuna einfaldlega með því að vinna jafn margar stundir og karlar, spurning hvort að hin 15% komi ekki með því að biðja jafn oft um launahækkanir? ;)

Þegar kemur að lögum landsins eru konur allavega með jafn mikil réttindi og karlar, ef ekki meiri. Að það sé ekki byrjað að endurspeglast 100% í þjóðfélaginu hjá öllum kynslóðum og sviðum er bara súrt epli sem maður verður að bíta í og bíða eftir. “Konustörf” eru en þá mörg en þá láglaunuð. Ástæðan þarf ekki endilega að vera sú að það sé viljandi verið að refsa konum, heldur að það sé erfitt að hækka laun miða við það sem er vani fyrir. Hvernig væri bara að skella sér í “karlastörf” eins og að fara út á sjó eða að grafa skurði ef það eru svona lág laun á leiksskólunum? (bara smá dæmi).

Fyrra álit

42ersvarid fyrir 18 árum, 11 mánuðum

Ég er feministi. Ég er með utanáliggjandi kynfæri. Ég er stoltur af báðum atriðum.

Í mínum huga (og þegar ég tjái mig um málefni kynjanna) er það augljóst að staða kvenna er efst á baráttulistanum þegar barist er fyrir jafnrétti. Ástæðan er einföld: bæðin kynin eru beitt misrétti sem þarf að uppræta en misréttið sem konur verða fyrir er (að mínu mati) stærra þjóðfélagslegt vandamál heldur en misrétti sem við karlar verðum fyrir. Þannig tel ég að til að ná fram jafnrétti sé meiri þörf á leiðréttingu á stöðu kvenna heldur en á stöðu karla.

Fyrra álit

skuggi85 fyrir 18 árum, 11 mánuðum

Hvort myndir þú velja aðeins lægri laun eða að tapa forræðismáli fyrir það að vera karlmaður?

Fyrra álit

42ersvarid fyrir 18 árum, 11 mánuðum

Ég myndi vilja hafa jafn há laun og annað fólk í sambærilegu starfi (sem konur hafa oft ekki). Ég myndi líka vilja hafa sameiginlegt forræði yfir börnum mínum ef ég ætti og væri skilinn (sem karlar fá oft ekki).

Vissulega þarf að berjast fyrir báðum þessum málum. Engan feminsta hef ég hitt eða heyrt í sem mótmælir því. Hins vegar hefur fólk að sjálfsögðu mismunandi áherslur, það berst fyrir auknu jafnrétti á mismunandi vígstöðvum. Sumir hugsa mest um uppeldi en aðrir um klámvæðingu, enn aðrir um forræðismál og margir um launamál. Á hvaða vígstöð viðkomandi berjast fyrir að stórum hluta eftir því hvernig málin snerta viðkomandi. Ef fleiri karlmenn tækju þátt í jafnréttisbaráttunni (hvort sem þeir kalla sig feminsta, jafnréttissinna, mannréttindasinna eða e-ð annað) væri örugglega meiri áhersla á málefni sem snerta karla.

Ég er fylgjandi mannréttindum allra en ég get ekki barist fyrir öllu. Ég læt til dæmis ekki til mín taka um málefni samkynhneigðra en legg fé og fyrirhöfn í að bjarga börnum sem berjast við fátækt víða um heim. Ég hef samt auðvitað ekkert á móti samkynhneigðum og læt heyra í mér í umræðum um ættleiðingar, giftingar osfrv. Á sama hátt er ég feminsti og launamunur og öfugsnúið uppeldi fer mikið fyrir brjóstið á mér en ég hef látið forræðisbaráttu liggja á milli hluta. Ég styð hins vegar af heilum hug baráttu hæfra foreldra til að hafa forsjá með barni sínu.

Fyrra álit

skuggi85 fyrir 18 árum, 11 mánuðum

Þú svaraðir ekki spurningunni.

Hvort myndi særa þig meira að missa að mestu börnin þín vegna kynferðis, eða að hafa aðeins lægri laun? Ímyndaðu þér að vera í þessum sporum og fá að velja á milli. Seinna dæmið er með grófustu mismunun sem þú finnur hérna á Íslandi, það sorglegasta er að það virðist vera í samþykkt af yfirvöldum. Launamunur er ekki eitthvað sem er í lögum landsins eða á vegum yfirvalda. Auk þess að konur sjálfar bera mikla ábyrgð á þessum launamuni, ekki bara vondir karlkyns yfirmenn.

Það er ekki hægt að berjast fyrir öllu nei. En eins og ég sagði þá er lágmark að VIÐURKENNA að réttindi kvenna sé efst á forgangslistanum. Það er meira að segja hvetjandi fyrir karla til þess að taka sig á og stofna masculinisma félag.

Fyrra álit

42ersvarid fyrir 18 árum, 11 mánuðum

Eins og ég sagði í upphafi þá viðurkenni ég það fúslega að málefni sem snerta misrétti gagnvart konum eru efst á baráttulistanum þegar barist er fyrir jafnrétti kynjanna. Ég held að feministafélagið geri það líka, amk í verki. Það er hins vegar ekki það sama og segja að barist sé fyrir sérréttindum kvenna eða gegn körlum (ég veit að þú sagðir það ekki, bara til að fyrirbyggja misskilning).

Ef ég ætti börn og væri skilinn myndi ég taka á mig launalækkun til að vera með börnunum mínum. Vonandi svarar það spurningunni.

Spurningin er auðvitað villandi, leiðandi og ósanngjörn. Það er enginn í þessari aðstöðu og barátta fyrir jafnrétti ætti ekki að snúast um að vera beittur misrétti á einu sviði til að fá fram réttvísi á öðru sviði.

Og aðeins um forræðismál. Það er ekki í lögum að mæður skuli frekar hafa forræði en feður - ekki frekar en að þar standi eitthvað um að karlar hafi hærri laun en konur. Vissulega eru úrskurðirnir gerðir af hinu opinbera. Vissulega þarf að berjast fyrir þessu máli. Að mínu mati er reyndar eðlilegast að foreldrar deili með sér forræðinu, nema annað foreldrið sé óhæft.

Ef hægt er að segja að konur beri ábyrgð á launamun er líka hægt að segja að karlar beri ábyrgð á því að mæður fái frekar dæmt forræði. Fyrir mér er bæði samfélagslegt vandamál sem m.a. þarf að taka á í uppeldi.

Gleymum heldur ekki að tilvik þar sem dæmt er um forræði barna eru í miklu minnihluta þegar kemur að skilnaði fólks með börn.

Fyrra álit

skuggi85 fyrir 18 árum, 11 mánuðum

Ef ég ætti börn og væri skilinn myndi ég taka á mig launalækkun til að vera með börnunum mínum. Vonandi svarar það spurningunni.

Nei. Samkvæmt dómnum færð þú að hafa börnin 2 helgar á mánuði. Hvort velur þú það eða launalækkun? Einfalt svar takk en ekki útúrsnúningar.

Það er enginn í þessari aðstöðu og barátta fyrir jafnrétti ætti ekki að snúast um að vera beittur misrétti á einu sviði til að fá fram réttvísi á öðru sviði.

Nefndi eitt dæmi sem er mísrétti gagnvart konum í samfélaginu í dag sem er jafn gróft og að missa forræði yfir börnunum sínum vegna kynferðis. Verður spennandi að fá svarið. :)

Að mínu mati er reyndar eðlilegast að foreldrar deili með sér forræðinu, nema annað foreldrið sé óhæft.

Þó það sé ekki formlegt þá virðist það vera normið að gefa konunni forræði ef að þau eru frekar jöfn í hæfni. Konan þarf helst að hafa fullt af mínusum eins og t.d. geðsjúkdóm eða fíkniefnavandamál svo að faðirinn fái fullt forræði. En ég er sammála þér að það sé æskilegast að deila forræðinu á eðlilegan hátt ef báðir eru hæfir til þess að vera foreldrar, auk þess að það er hvetjandi að vera ekki að stökkva í hjónabönd/barneignir og slíta því svo auðveldlega (er ekki að alhæfa en það virðist vera algengara í dag en áður). Svo þó það sé ekki opinbert að þá er þessi hefð líklega grófasta misréttið gagnvart körlum í samfélaginu í dag.

Ef hægt er að segja að konur beri ábyrgð á launamun er líka hægt að segja að karlar beri ábyrgð á því að mæður fái frekar dæmt forræði. Fyrir mér er bæði samfélagslegt vandamál sem m.a. þarf að taka á í uppeldi.

Og því er jákvætt að hvetja konur til þess að biðja um launahækkun og taka þátt í samkeppni af hörku. Að gefa konum frídag og væla í fjölmiðlum um að yfirmenn gefi þeim ekki launahækkanir er “the easy way out”. Auðveldara að feministahópur berjist fyrir eigin réttindum í stað þess að gera það sjálfur. En eigum við að sleppa því að viðurkenna fyrri uppeldi? T.d. það að strákar voru hvattir og jafnvel þvingaðir til þess að vera í samkeppni við aðra stráka. Er óeðlilegt að það endurspeglist seinna í launum? Á að hækka laun kvenna sem bætur fyrir það að hafa ekki fengið sama uppeldi? Er kyn mikilvægara en einstaklingurinn og hæfni hans?

Gleymum heldur ekki að tilvik þar sem dæmt er um forræði barna eru í miklu minnihluta þegar kemur að skilnaði fólks með börn.

Kannski af því karlmönnum er ráðlagt að taka tilboði frekar en að láta dæma um það sem er eins og ljónagryfja fyrir karlmenn. Alveg eins og það er sjaldan kært nauðganir vegna þess að erfitt er að dæma í slíkum málum.

Fyrra álit

42ersvarid fyrir 18 árum, 11 mánuðum

Þú spurðir “Hvort myndir þú velja aðeins lægri laun eða að tapa forræðismáli fyrir það að vera karlmaður?” og ég svaraði að ég vildi frekar vera með börnum mínum. Varla er það útúrsnúningur. Til að skýra svarið frekar get ég bætt við að ef valið stendur á milli a) hitta barnið tvisvar í mánuði og fá lægri laun eða b) ekki hitta barnið neitt og fá hærri laun þá vel ég a). Ef b) væri að hafa sameiginlega forsjá og lægri laun myndi ég velja b).

Dæmi um misrétti gagnvart konum. Kynbundið ofbeldi. Að konum sé hvað eftir annað nauðgað án þess að sökudólgurinn sé dæmdur. Ég veit að körlum er líka nauðgað en það er mun sjaldgæfara - rétt eins og það er sjaldgæfara að kona tapi algerlega forræðismáli.

Ég get alveg verið sammála þér með það að forræðismál er sennilega þar sem hallar mest á íslenska karla í jafnréttisbaráttunni. Nú þurfa karlmenn að bindast samtökum til að breyta þessu. Táknrænar athafnir, gefa ráðherra og dómstólum gjafir sem minna á málið, fá fjölmiðla meira í málið etc etc. Ekki samt búast við að allir sem hafa áhuga a´jafnrétti berjist 100% fyrir þessum málstað (ekki vegna þess að viðkomandi eru á móti málstaðnum heldur vegna þess að þau beina kröftum sínum annars staðar).

Verkfallsdagur kvenna nú í haust snérist að miklu leiti um sjálfstyrkingu og að hvetja konur til að krefjast þess sem þeim ber - ekki að kenna yfirmönnum sínum um. Frekar var litið á einstaklinginn og kerfið í heild sinni sem flokkar hefðbundin kvennastörf sem mun verðminni en hefðbundin karlastörf. Þannig er ekki nóg að hver berjist í sínu horni heldur þarf að koma saman og taka á málunum. Samtakamáttur getur verið mjög mikilvægur í málum sem þessu.

Með áhrif uppeldis á laun kynjanna er ég að miklu leiti sammála þér: kynin eru alin upp með mismunandi hætti sem skilar mismunandi áherslum síðar í lífinu. Það er ósanngjarnt og það er eitt það helsta sem feminismi berst fyrir: ekki taka gagnrýnislaust við staðalmyndum, taktur frekar afstöðu og reyndu að gera það sem í þínu valdi stendur til að gera samfélagið réttlátara. Í mínum huga er uppeldi það sem flestir ættu að taka til endurskoðunar. Á að hækka laun kvenna vegna þess að þær fengu ekki sama uppeldið og við? Ekki sem bætur, nei. En kannski að samfélagið þurfi að taka meira tillit til ólíks bakgrunns fólks - hætta að setja “karllæga” hegðun á stall sem að konur þurfa að ná upp á.

Það sem ég átti við með að sjaldnast séu forræðismál dómsmál var að æ algengara verður að fólk semji um sameiginlega forsjá eða ríkan umgengisrétt þess foreldris sem ekki fer með forræði.

(quote dótið virkar ekki hjá mér, en ég vona að þetta skiljist allt)

Fyrra álit

skuggi85 fyrir 18 árum, 11 mánuðum

Að konum sé hvað eftir annað nauðgað án þess að sökudólgurinn sé dæmdur.

Ástæðan er ekki kynjamisrétti. Ástæðan er sú að það er mjög erfitt að sanna sekt í slíkum málum. Þó maður eigi erfitt með að ímynda sér það þá kemur fyrir að konur kæri án þess að þeim hafi verið nauðgað, eins og í öllum öðrum sakamálum á ekki að vera bara nóg að benda fingrinum og maðurinn fær dóm.

Ég veit að körlum er líka nauðgað en það er mun sjaldgæfara

Þetta er auðvitað form af ofbeldi sem er algengast hjá karlmönnum, ásamt því að meirihluti karlmanna hneigjast að konum. Þegar kemur að barnaníðingum eru kynin strax “jafnari” en í nauðgunum á fullorðnum. Vissir þú annars að karlmönnum sem er misnotað kæra síður eða leita sér hjálpar? Auk þess að nýjustu rannsóknir benda til þess að kynferðislegt ofbeldi gagnvart karlmönnum og drengjum sé miklu algengara en áður var talið, þar að segja í hlutföllum miða við konur. Sama má segja um t.d. heimilisofbeldi.

Það er líka alveg vitað mál að það er tekið ólíkt á líkamsárásum eftir kynjum. Ef karlmaður vill kæra líkamlegt ofbeldi án þess að vera með beinbrot eða aðra alvarlega áverka þá er nánast hlegið af honum, á meðan eitt högg virðist alltaf vera nóg hjá konum til að verða teknar alvarlega. Sama hvort það séu karlmenn eða konur sem beita karlmenn ofbeldi þá virðist vera það viðhorf að maður eigi að hrista það af sér ef það er ekki mjög alvarlegt. Oftast eru það karlmenn sem eru lamdir eða drepnir fyrir það eitt að vera úti að ganga, er það skárra en að vera nauðgað?

Verkfallsdagur kvenna nú í haust snérist að miklu leiti um sjálfstyrkingu og að hvetja konur til að krefjast þess sem þeim ber - ekki að kenna yfirmönnum sínum um. Frekar var litið á einstaklinginn og kerfið í heild sinni sem flokkar hefðbundin kvennastörf sem mun verðminni en hefðbundin karlastörf. Þannig er ekki nóg að hver berjist í sínu horni heldur þarf að koma saman og taka á málunum. Samtakamáttur getur verið mjög mikilvægur í málum sem þessu.

En samt sem áður er það í sjálfu sér fáránlegt að konur fái frí frá vinnu þegar þær sjálfar bera ábyrgð á meirihluta launamunsins. Finnst það sjálfsagt og frábært af fyrirtækjum sem telja sig ekki hafa misréttað eftir kynferði að leyfa ekki konum að taka frí á þessum degi, voru nokkur núna seinast.

En já ef við eigum að fara að skilgreina mig þá er ég mikill jafnréttissinni, sama hvort sé á milli kynja, kynþátta, kynhneigða þjóðernis, aldurs… En ég hef mikla trú á að einstaklingurinn sé metinn að hverju sinni en að það sé alltaf verið að breyta til að fá jafnari hlutföll í hinu og þessu. Ég lýt ekki á það sem kynjamisrétti að aðeins 40% háskólanema séu karlar, auk þess að mér langar ekkert sérstaklega til þess að sjá karlkynsnemendur taka sér frí og krefjast kynjakvóta.

Fyrra álit

42ersvarid fyrir 18 árum, 11 mánuðum

Þetta er búið að vera fínt, enginn æsingur í gangi heldur rökstuddar skoðanir. Við erum hins vegar mjög ósammála um útfærslu á jafnrétti og hvað þurfi að gera til að ná því. Þrátt fyrir að ég sé algerlega ósammála rökum þínum og þú mínum þá erum við ekki að fara sannfæra hvorn annan. Þá er þetta orðið svo langt og gamalt að enginn nennir lengur að lesa þetta annar en við.

Hvað segir þú um að slútta þessu? Ég hef amnk nóg að gera svona stuttu fyrir jól. Þetta er ekki rökþrot hjá mér, þetta verður bara að enda einhvers staðar því við gerum annars endalaust athugasemdir við svör hvors annars.

Fyrra álit

skuggi85 fyrir 18 árum, 11 mánuðum

Já já maður þarf að klára að versla allt ;) :P

Fyrra álit

Dyrlingur fyrir 18 árum, 11 mánuðum

Já, Veistu. Ég hef aldrei sagt “Feministar eru hommar, Ljótar konur. Og fávitar” En sko… Ég er samt mjög á móti þessu félagi. Bara því mér fynst þeir vera athyglissjúkir ! Bleik föt. Þurfa alltaf að vera troða sér inn fyrir aðra. Skiluru. Þúst mig langar ekki að sjá feminista, Mig langar ekki að þekkja þá. Mig langar ekki að vita hvað þeir eru að gera. Samt verð ég að gera það því þessar frekjur troða sér inní allt.
Mín skoðun, Mín fáfræði. Ekki móðgast.

Fyrra álit

[Notanda eytt] fyrir 18 árum, 11 mánuðum

Athyglissjúkt fólk fer í taugarnar á mér líka. Og mér finnst baráttuaðferðir femínista í dag fremur misheppnaðar. En það þýðir ekki að baráttan sé röng.

Fyrra álit

Deiglan

Deiglan

Ofurhugar

Hverjir eru inni

Korkar - Heitar umræður

Feminista fukking greinar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi