skuggi85 fyrir 19 árum Fjöldi lestra: 382

Kjör erlendra starfsmanna...

Ég hef alltaf verið stuðningsmaður þess að græða á erlendum starfsmönnum með því að greiða þeim lægri laun en Íslendingum. Alltaf er hrópað að það sé verið að koma fram við þetta fólk eins og dýr og að þau eigi rétt á sömu kjörum og Íslendingar. Ég er sammála þessu þegar við erum að tala um fólk sem flytur hingað og ætlar sér að búa hérna og sækja um ríkisborgararétt, en málið er allt annað þegar það eru starfsmenn sem koma hingað tímabundið til að vinna.

Erlendur starfsmaður sem fær laun undir lágmarkslaunum getur mjög auðveldlega verið að fá samt sem áður verðmæti sem eru langt yfir meðallaun á Íslandi. Þar sem krónan er mjög verðmæt í heimalandi vinnumannsins. Sjálfur veit ég um dæmi um mann sem vann hérna í tæplega tvö ár á “slæmum kjörum” í augum Íslendinga en með þessum peningum gat hann STAÐGREITT íbúð að fullu í heimalandinu.

Auðvitað dæmi í betri kantinum en það sýnir að það er ekki hægt að yfirfæra eitthvað lágmark á íslenskum mælikvarða á erlenda starfsmenn þegar þeir eyða meirihluta launanna í heimalandinu. Við gætum fengið hingað Tælendinga og borgað þeim t.d. 50 þúsund í mánaðarlaun og þeim finnst það bara fín kjör, enda þarf bara nokkur þúsund á mánuði þar til þess að ná endum saman í heimalandinu.

Svo er líka frábært að senda öryrkja Íslands til Tælands svona á móti vinnumönnum þeirra sem koma hingað. Enda þarftu bara að skreppa til Íslands 3 mánuði á ári til þess að halda bótunum og lifað eins og ríkur maður hina 9 mánuðina fyrir “skítabæturnar” frá Íslandi :)

[Notanda eytt] fyrir 19 árum

Veistu, stundum held ég að þú sért á launum hjá frjálshyggjufélaginu :D

Fyrra álit

skuggi85 fyrir 19 árum

Getur þú sett eitthvað út á það sem ég var að segja?

Fyrra álit

[Notanda eytt] fyrir 19 árum

Auðvitað hljómar þetta allt voðalega rökrétt hjá þér, en ef maður klórar aðeins á yfirborðið þá sést það að þetta er einfaldlega ekki gott fyrir vinnumarkaðinn

Hvað er það sem kemur í veg fyrir að þetta verður normið hjá flestum fyrirtækjum á Íslandi?
Til að standast samkeppni þá eiga önnur fyrirtæki líka eftir að þurfa að flytja inn vinnuafl. Íslenskt vinnufólk á þá eftir að þurfa að lækka sínar kröfur til að komast að.
Þessi blauti draumur frjálshyggjumanna um frjálsan markað er ekkert nema utopia ríka mannsins. Þið segið að allir eiga eftir að komast áfram á sínum verðleikum, en það er bara bull.
Þetta “verðstríð” sem myndast á vinnumarkaðinum á bara eftir að gera það nánast ómögulegt fyrir fólk í lægri stéttum til að komast eitthvað áfram.

Fyrra álit

skuggi85 fyrir 19 árum

Getur vel verið að það auki stéttarskiptingu. En heildarkakan er líka stærri þegar stéttarskipting er meiri.

Við þurfum áfram að hafa menntað fólk í ýmsum stöðum. Útlendingar geta mjög takmarkað “tekið yfir” á vinnumarkaðnum.

Tökum bara dæmi grænmeti. Nú erum við að berjast við það að niðurgreiða það með sköttum almennings en samt er verðið mjög hátt hérna. Þetta er mikil sóun á peningum í nafni þess að vernda iðnaðinn og störf. Það eru gífurlegar sóanir í núverandi kerfi að svo mörgu leiti. Það er alveg örugglega hægt að finna ýmsa svarta bletti á frjálsara samfélagi en þeir eru nú gífulega margir nú þegar.

Þú færð kannski lægri laun. En vöruverð verður einnig lægra ásamt því að það er ekki neytt þig í að borga undir eitthvað sem þú vilt ekki. T.d. undir offitusjúklinginn í næsta húsi, iðnað úti á landi eða tónlistarhús (heilar 80 þús kr á hvern skattgreiðanda).

Nú er sagt við mig að lýta á heildarmyndina. Hvernig væri að lýta á heildarmyndina á núverandi ástandi? Sem er hrein hörmung.

Nú get ég ekki dæmd hvort það sé hægt að gera þessa útópíu frjálshyggjusamfélag. En það er alveg öruggt að við getum orðið frjálsari en ástandið í dag, enda heldur þróunin áfram í þá átt. Frjálsustu ríkin eru þau ríkustu það kemur skýrt fram í rannsóknum. Stéttarskipting er meiri en heildarkakan verður svo mikið stærri að fátækasta fólkið hefur það einnig betra þó þau hafi bara pínulitla sneið af heildarkökunni.

Fyrra álit

[Notanda eytt] fyrir 19 árum

Jájá, allt í lagi. Frjálshyggjan lítur rosalega vel út og allt það…á pappír. En það er aðal vandamálið. Þetta er allt of tæknilega útreiknað. Frjálshyggja ,eins og kommúnismi, er voðaleg góð og útpæld kenning, En það sem þessar kenningar hafa sameiginlegt er það að þær sleppa því báðar að taka tillit til mannlegs eðlis og mannlega hegðun (ég ætla að bera saman kommúnisma og frjálshyggja þar sem þetta eru tvær öfgar frá sitthvorri stefnunni).
Maðurinn þráir aðalega tvo hluti. Völd og peninga. Þegar maðurinn hefur náð völdum og peningum, hvað vill hann þá? Jú, meiri völd og peninga.
Kommúnismi setur allt og mikil völd í hendur ríkisstjórnarinnar sem gerir valdagráðugum einstaklingum það einkar auðvelt að stjórna eins og þeim sýnist. Allt of mikil völd í hendur ríkisstjórnarinnr er náttúrulega aldrei gott. En þýðir það að við þurfum þá að afnema ríkisstjórnina nánast alveg?
Frjálshyggja hins vegar setur of mikil völd í hendur á fyrirtækjunum. Það má deila um það hvort það sé gott eða vont- það fer náttúrulega allt eftir því hvernig þú lítur á fyrirtækin. Þegar ég hugsa um fyrirtæki þá sé ég sállausa stofnun sem hefur ekkert takmark nema það eitt að græða peninga, og hún mun gera allt sem í hennar valdi stendur til að ná þessum gróða, sama þótt hún þurfi að traðka á öðrum. Fyrirtækið mun aldrei hjálpa nokkrum manni, sama hversu illa farinn hann er, nema það skili gróða.
Markaðurinn er grimmur staður sem stjórnast af siðleysi og græðgi, þar sem engin mannleg gildi komast að.
Þetta er náttúrulega bara mín skoðun á fyrirtækjum, og þetta er ástæðan fyrir því að ég er á móti frjálshyggju. Sama hversu mörg svör þú hendir á mig úr “handbók frjálshyggjufélagsins”, þetta eru innantóm orð fyrir mér því að ég einfaldlega trúi ekki á frjálsan markað.

Við þurfum áfram að hafa menntað fólk í ýmsum stöðum. Útlendingar geta mjög takmarkað “tekið yfir” á vinnumarkaðnum

Já heyrðu, frábært. lágstéttin og´hluti af millistéttinni eru samt fucked.
Hvernig líst þér á þessa fullyrðingu? Það er samt fullt a fólki sem á pening þannig að fátækt getur mjög takmarkað “tekið yfir” landið. Myndi það þýða að fátækt væri ekki vandamál?

Og já.. heildarkakan er stærri? Er það fyrir eða eftir að stórfyrirtækin eru búnir að soga þetta allt til sín? Í´“frjálsu samfélagi” eru engir skattar og heldur engin lágmarkslaun. Hvað er það nákvæmlega sem kemur í veg fyrir að “stóru kallarnir” sogi þetta allt til sín og sitji bara á þessu? Nei veistu, veit þegar svarið við þessu. ”Markaðurinn reddar þessu"

Fyrra álit

skuggi85 fyrir 19 árum

Strax er hægt að benda á hvernig mannlegt eðli fer gegn kommúnismanum. Ég fæ OFT að heyra hvernig frjálshyggjan alveg eins og kommúnisminn sé falleg hugsjón en gangi ekki upp. Munurinn er sá að með frjálshyggjuna segir fólk þetta með punkti á eftir í stað þess að koma með mjög augljós atriði gegn því að hún virki eins og með kommúnismann. Kommúnisminn virkar ekki af því hann er ekki í samræmi við mannlegt eðli. Stéttarskipting og samkeppni eru mikilvæg eldsneyti fyrir samfélagið, án þeirra byrjar heildarkakan að minnka hratt og á endanum hrynur allt.

Frjálshyggjan er andstæða við kommúnisma. Hún reiknar með mannlegu eðli. Hún reiknar með því að það þarf samkeppni og frelsi til þess að reka áfram þjóðfélagið, að einstaklingurinn muni alltaf berjast fyrir því að komast á toppinn eða eins nálagt honum og mögulegt er. Í raun eina stefnan þar sem er ekki kúgað fólk í nafni almannaþágu. Eina stefnan sem neyðir fólk til þess að gera vissa hluti. Ef þér lýst vel á að borga mánaðarlega í sjóð (hvort sem það séu kallaðir skattar eða eitthvað annað) þá fer frjálshyggjan ekki að banna þér það, frjálshyggjan bannar ekki neitt nema það sé eitthvað sem fer yfir á frelsi annarra. Eins og þjófnaður eða ofbeldi. Ef þú vilt borga mánaðarlega í sjóð með tilheyrandi réttindum þá máttu gera slíkt, eða taka áhættuna og hirða 100% launanna. Frjálshyggjan er í raun leyfi fyrir því að allir hafi frelsi til þess að fylgja þeirri formúlu sem þeir kjósa. Allar aðrar stefnur snúast um það að neyða alla í vissa formúlu fyrir gæluverkefni vissra hópa. Hópurinn er mikilvægari en einstaklingurinn. Hrói Höttur er ekki þjófur heldur hetja, þjófnaður hans er réttlætanlegur aðeins vegna þess að hann hafði “góðan málstað”.

Þú virðist hafa einhverja svarta sauða fasta í hausnum þegar kemur að viðskiptum. Þeir sem eiga fyrirtæki eiga líka ættingja og vini í þjóðfélaginu. Óháð því hvort það sé frelsi með vinnu útlendinga hérna eða ekki þá er nær ómögulegt fyrir einhverja eina prósentu að hertaka landið og neyða alla í að vinna fyrir hrísgrjónum. Slíkt er líklegra þar sem stjórnvöld eru að blanda sér í viðskipti og geta þvingað almenning út í eitthvað í gegnum lög. Markaðurinn og þjóðfélagið aðlagast breytingum. Hvað ætli tölvur og vélar séu búnar að taka yfir mörgum störfum? Ef einhver fyrir 100 árum síðan hefði ímyndað sér núverandi samfélag allt í einu skella á þá hefði hann örugglega getað séð fyrir sér ríka vonda eigendur fyrirtækja sem fá allt í gegnum vinnuvélar á meðan meirihluti almennings er atvinnulaus.

Líkurnar eru miklu meiri á að stéttarskiptingin verði aðallega á milli útlendingana og Íslendinga almennt en að nokkrir einstaklingar taki yfir landinu með útlendingum. Kjör Íslendinga ættu alveg eins að geta orðið betri með því að spara peninga í gegnum útlendinga eins og í gegnum vélar og tölvur. Heimurinn fer minnkandi og við verðum að aðlagast því. Er ekki skárra að halda fyrirtækjum á Íslandi með því að leyfa útlendingum að koma hingað á lágum kjörum (sem nýtast svo bara mjög vel í heimalandinu þó við áttum okkur ekki alveg á því) heldur en að fyrirtæki séu að flýja land? Því fleiri takmarkanir því fleiri sjá hag í því að fara annað þar sem frelsi er meira. Lýtum svo bara á blessaða Baug. Baugur hefur bætt kjör þeirra fátæku meira en nokkuð annað. En núna er þetta orðið “vondi kallinn” í þjóðfélaginu og því þeir reka fjölmiðla eru ekki sömu megin við línuna og Morgunblaðið eða Rúv. Svo eru þeir líka vondir af því að Jón Ásgeir á “of mikið” af peningum á meðan “fátækt” er í landinu. Breytir engu þó hann hafi skilað meira til samfélagsins en persónulegu eignir hans. Prósentumunur milli stétta virðist skipta meira máli en að heildarkakan og kjör fátæka séu betri.

Fyrra álit

[Notanda eytt] fyrir 19 árum

Hættu þessu helvítis bulli Skuggi. Þú veist alveg jafnvel og næsti maður að peningar og völd skapa spillingu. Peningar ERU völd. Þið frjálshyggjumenn vanmetið græðgi manna. Þegar menn fá frjálsar hendur til að reka sín fyrirtæki þá eiga þeir eftir að gera hvað sem þeir geta til að græða. Í frjálshyggjuríki þá er nákvæmlega ekkert sem kemur í veg fyrir það stóru kallarnir sanki að sér eins mikið af ”kökunni” og þeir mögulega geta. Þeir borga enga skatta þannig að peningar sem að þeir kunna að sanka að sér skila sér ekki út í samfélagið. Það eru engar reglur um lágmarkslaun þannig að það er ekkert sem kemur í veg fyrir að fyrirtæki byrji að bjóða út störf til lægstbjóðanda. Það eru að vísu ekki öll fyrirtæki sem myndu gera þetta til að byrja með, en ef nokkur fyrirtæki byrja á þessu þá þurfa hin að fylgja eftir til að standast samkeppni. Þessir ”svörtu sauðir” eiga eftir að draga alla hina með sér. Þið eruð víst líka á móti samkeppnisstofnun, þannig að ég sé ekki neina leið út úr þessu.
Hvernig hefði olíumálið (samráð olíufélaganna) endað ef það hefði ekki verið nein samkeppnisstofnun? Olíufyrirtækin væru ennþá að taka þjóðina í rassgatið.

Svo þarf ég líka að koma inn á eitt. Það eru vissir hlutir sem þurfa að vera styrktir af ríkinu ss. Lögreglan, vegakerfið, skólakerfið, dómskerfið og margt fleira. Hvernig á að styrkja þessa hluti? Þið hafið margoft fengið þessa spurningu, en ég hef bara aldrei séð eitt einasta fullnægjandi svar. ”Sumir aðilar munu eflaust kjósa það að leggja peningana sína í pott (borga skatta)”. Er það nóg?
En ég hef nú samt heyrt í sumum frjálshyggjumönnum sem segja að takmarkið sé ekki að afnema skatta alveg, heldur einfaldlega lækka þá eins mikið og mögulegt er. Ef þú tekur þessa aðstöðu, þá hef ég eins spurningu fyrir þig. Hvernig ætlið þið að sjá til þess að fólk borgi þessa lágmarksskatta? Þið getið ekki refsað þeim sem neita að borga því að samkvæmt stefnuskrá ykkar þá telst það sem ofbeldi.
Veistu, ég sé það ekki.

Þið frjálshyggjumenn vanmetið græðgi manna og leggið of mikið traust á markaðinn. Þið treystið allt of mikið á getu markaðarins til að gera “hið rétta”, og það er þess vegna sem ég segji að ykkar hugsjón stríði gegn mannlegu eðli ,og ef þú pælir í því, þá stríðir hún einnig gegn markaðinum sjálfum. Maðurinn er tækifærissinni og hann mun nýta sér hvert tækifæri til að komast áfram og græða. Hann mun einnig misnota það svigrúm sem frjálshyggjan býður upp á.

En eins og ég segji, þá snýst þetta allt um það hvort þú trúir á markaðin eða ekki. Ég persónulega, geri það ekki.

Fyrra álit

[Notanda eytt] fyrir 19 árum

Ég hef alltaf verið stuðningsmaður þess að græða á erlendum starfsmönnum með því að greiða þeim lægri laun en Íslendingum

Bara ef maður má berja starfsmennina líka :)

Býð nú annars ekki í það þrælasiðferði að það sé í lagi að nýa sér fátækt annarra til þess að fá það hingað á skítalaunum og aðstöðu - bara vegna þess að það er fátækt og lætur bjóða sér þetta.

Og að menn græði eitthvað á þessu er frekar vafasamt.

Hvernig eiga heiðarleg fyrirtæki að keppa við þetta glæparusl sem ekki greiðir lífeyrissjóði, félagsgjöld, tryggingargjald , skatta og ekki einu sinni lágmarkslaun ? Flytja inn enn ódýrara vinnuafl frá Afríku? Gengur ekki upp.
Á endanum verður búið að draga lífsgæði hér á landi niður um allar hæðir - nema kannski hjá þrælakóngum (skemmtileg viðbót við kvótaaðalinn :D).

Það er búið að taka áratugi að byggja upp réttindi vinnufólks hér á landi og velmeguina yfirhöfuð og á síðan að kasta því bara útaf stundarhagsmunum? Mér er bara nákvæmlega sama þótt einhver útí heimi geti keypt sér hús og hesta fyrir þrælavinnu hér á landi. Vinnumarkaðurinn er ekki góðgerðarsamtök fyrir þriðja heiminn. Það er örugglega hægt að styrkja menn bara beint í staðinn.

Ef þetta verður ekki stöðvað strax gæti sú staða komið upp að tilverurétti venjulegra vel rekinna fyrirtækja sé ógnað. Sem betur fer er aðeins minnihluti í þessu – hjá öðrum kemur það ekki til greina að fara á sama plan og þetta starfsmannaleigulið. Þetta stenst tæpast lög en þvi miður hafa allir málsaðilar sofið en nýleg frétt um 2B rindilinn sem lagði til að berja Pólverja hlýtur að vekja menn þar á bæ.

Svo er líka frábært að senda öryrkja Íslands til Tælands svona á móti vinnumönnum þeirra sem koma hingað.

Er ekki málið að sem flestir Íslendingar flytji til Tælands og hirði sinn arð frá vinnu
erlendra vinnumanna og annars almúgafólks sem eftir verður á Íslandi, við landbúnaðar,fiskvinnslu og áliðnaðarstörf. Hægt að stofna bara hlutafélög utanum þetta, gefa mönnum bara ákv. hlut, og svo bara geta menn lifað á því :D

Fyrra álit

skuggi85 fyrir 19 árum

Nú var ég að tala um kjör almennt en ekki að það sé verið að berja fólk og svíkja samninga.

Þetta tengist ekki beint þeim fréttum sem hafa verið nýlega. Ég var aldrei að tala um að láta berja starfsmenn eða að gefa þeim lægri laun en samningar segja til um.

Þú last greinilega ekki það sem ég skrifaðu því þú gerir einmitt það sem ég talaði á móti. Þú færir íslenskan mælikvarða yfir á þetta fólk. Þér finnst greinilega bara fínt að þau fái bara villu með sundlaug í heimalandinu fyrir mánaðarlaun. Það er ekki verið að misnota neina, það er gefið fólki tækifæri sem þau fá ekki í heimalandinu.

Hvernig er verið að svíkja þetta fólk ef að laun þeirra duga fyrir meiri verðmætum í heimalandinu en meðallaun á Íslandi? Veistu hvað það er hægt að gera mikið fyrir 50 þús krónur í Tælandi? Það dugar fyrir nauðsynjum handa allri fjölskyldunni í marga mánuði!

Meirihluti starfsmanna leggja næstum öll launin inn á reikninga í heimalandinu enda er fæða og húsnæði inni í vinnusamningunum.

Fyrra álit

Vilhelm fyrir 19 árum

Úff, svo vitlaus…

Geturðu ekki séð að svona vinnubrögð geta haft mikil áhrif á atvinnumarkaðinn hér á landi?

Fyrra álit

skuggi85 fyrir 19 árum

Mjög takmörkuð enda eru íslendingar ekki mikið að sækjast eftir þessum störfum.

Það er hægt að finna margt neikvætt og margt jákvætt, sumt til langtíma og annað tímabundið. Markaðurinn aðlagast því eins og öðru.

En já endilega komdu með dómsdagsspárnar og ég skal tjá mig um þær.

Fyrra álit

Vilhelm fyrir 19 árum

* Íslendingar munu hreinlega ekki geta fengið störf við þennan iðnað því, jú, útlendingar fá lægri laun.
* Laun Íslendinga munu lækka í samræmi við laun útlendinga.
* Að lokum lækka lífskjör landans almennt.

Það er ekki að ástæðulausu sem verkalýðsfélögin eru í krossför gegn starfsmannaleigum. Kjör útlendinga eru ekkert aðalástæðan fyrir þessu, það eru almenn kjör verkamanna sem þetta hefur áhrif á.

Taktu frjálshyggjudildóið úr rassgatinu í smá stund og reyndu að hugsa þetta út í gegn.

Fyrra álit

skuggi85 fyrir 19 árum

Þannig að þú telur það vera hagstætt að hafa háa styrki en samt sem áður hæsta verð í Evrópu?

Það eru kostir og gallar við allt. Auðvitað þarf að aðlagast auknu frelsi en það eru bæði kostir og kallar sem jafnast út. Erlendur starfskraftur á lágum launum myndu alveg örugglega breyta umhverfinu, en ekki eins og þessi dómsdagsspá þín er. Iðnaðir breytast, sumir falla niður og aðrir koma í staðinn. Sumir lækka í launum á meðan þau hækka í öðrum. Að vissir iðnaðir og stéttir taki breytingum er eitthvað sem þjóðfélagið aðlagast.

Svo er hræsnin óendanleg í þér. Þú styður viðskiptalandamæri sem er aðal ástæðan fyrir fátækt t.d. í Afríku en talar á sama tíma eins og þú sért einnig að hugsa um hag erlendra vinnumanna hér.

Fyrirtæki fara úr landi í auknu mæli. Með því að leyfa útlendingum að koma hingað á sérstökum kjörum sem er samið um er hægt að mestu leiti koma í veg fyrir fluttning fyrirtækja í aðrar heimsálfur. Þetta er eitt af því jákvæða við frelsið sem þú óttast svo.

Fyrra álit

IngvarL fyrir 19 árum

Heimurinn virkar bara þannig að einhverjir verða að vera fátækir, í nútímanum er það Afríka, ástæðan fyrir því að stóru iðnaralöndin leggja sig ekki öll fram í að bjarga Afríku er af því að það myndi fara illa með þeirra efnahag.

En útlendingar eiga að hafa sömu laun og Íslendingar, ef þeir geta keypt sér villu í sínu landi, gott fyrir þá en um leið og þeir fá lægri laun þá byrjar fólk frekar að ráða þá sem þýðir að Íslendingar fá ekki vinnu. Þetta kerfi er voða svipað og gamli kapítalistinn. Auðvaldið átti allt og öreiginn ekki neitt.

Fyrra álit

skuggi85 fyrir 19 árum

Frjálshyggjan kemur einnig að Afríku…

Ekki aðeins á að leyfa erlendum vinnumönnum að koma hingað á lágum kjörum. Heldur á að hætta að niðurgreiða vissa iðnaði hérlendis. Þetta er alveg fáránlegt að neyða fólk til þess að borga hluta launa sinna í slíkt en samt hafa hátt verð í verslunum miða við önnur lönd.

Viðskiptahindranir er það sem kemur í veg fyrir að Afríka klifri upp úr fátækt. Ef iðnaður hér á landi ræður ekki við erlenda samkeppni þá verður hann bara að falla með því, en ekki neyða fólk til þess að halda honum uppi.

Fyrra álit

phi fyrir 19 árum

Mér finnst það augljóst að þetta verði til þess að lægri stéttir landsins komist síðar í vinnu, á meðan hin hærri mok græðir á ódýru vinnuafli. Sem endar með óeðlilega mikilli misskipningu og eykur bil á milli fátækra og ríka. Hversu langan tíma heldurðu að það taki fyrir þetta að þróast á þann veg að innflutt vinnuafl verði notað í nánast öll láglaunastörf? Ætlarðu svo að láta skattgreiðendur borga undir atvinnuleysisbætur þeirra sem komast ekki í vinnu út af þessu?

Science. It works, bitches.! ^_^

Fyrra álit

skuggi85 fyrir 19 árum

Nei ég vil láta fella niður skatta.

En já meiri stéttarskipting er af hinu góða. Heildarstærð kökunar er stærri þar sem stéttarskipting er. Millistéttarsamfélagið sem við montum okkur svo oft af er að halda okkur aftur að mörgu leiti.

En já það á að fella niður atvinnuleysisbætur.

Fyrra álit

SexyBastard fyrir 19 árum

En já það á að fella niður atvinnuleysisbætur.

og hvað eiga þá þessir 10 - 20 þús. manns sem missa vinnuna fyrir útlendingum sem eru lægra launaðir en þeir, því þeir geta hæglega lifað á 50000 kr á mán. eiga þeir þá að sætta sig við að þurfa að lifa langt undir fátækramörkum á Íslandi? Nei Skuggi þetta gengur ekki alveg upp hjá þér, svo sagðir þú á öðrum stað að útlendingar sem hingað koma til að vinna sendi meiri hluta launa sinna úr landi því þeir fái borgað uppihald hér, því miður verð ég að tilkynna þér að þetta er ekki satt, meirihluti erlends vinnuafls sem hingað kemur, kemur sjálft og þarf að borga sitt uppihald sjálft þó svo að sjálfsögðu að hitt þekkist líka, en svona til að draga þetta saman þá mun þetta aldrei ganga upp þó svo þetta líti vel út á blaði, held bara svei mér þá að þú hafir gleymt að hugsa dæmið til enda :p

Mín skoðun er ALLTAF sú rétta

Fyrra álit

skuggi85 fyrir 19 árum

Einstaklingurinn ber ábyrgð á sér.

Ríkið á ekki að koma fólki til bjargar.

Ýmsir valmöguleikar sem örugglega aukast í frjálsu samfélagi. T.d. mánaðarleg launatrygging eða bara að stofna sparireikning.

Fyrra álit

SexyBastard fyrir 19 árum

Ýmsir valmöguleikar sem örugglega aukast í frjálsu samfélagi. T.d. mánaðarleg launatrygging eða bara að stofna sparireikning

þú kannski útskýrir muninn á því og bótum? nú er ég alveg bit skuggi, ertu þá að meina að allir fái mánaðarlega launatryggingu það er ef þú ferð ekki yfir segjum 40000 þá færðu 10000 launatryggingu til að ná 50000? sé bara ekki muninn á því og fólk fái bætur, ef við svo búum í skattalausu samfélagi þannig að maður gæti lifað með 50000 sem lágmarkslaun í stað 75 í dag (sem er varla hægt að lifa af) þú kannski útskýrir þá líka fyrir mér hvar ríkið á að fá tekjur til að borga okkur mánaðarlega launatryggingu? eins og þú hljómar nú oft málefnalegur Skuggi þá er með ólíkindum hvað þú getur oft hljómað líka eins og spillt einkabarn sem býr enn í foreldrahúsum ;)

Mín skoðun er ALLTAF sú rétta

Fyrra álit

skuggi85 fyrir 19 árum

Einfalt…

Skattar er ekkert annað en að leggja í sameiginlegan sjóð. Fyrirbæri sem einkaaðilar geta einnig gert. Öll neyðumst við í að borga skatta, hluti þeirra fara í atvinnuleysisbætur. Ekkert er ókeypis. Meðalmanneskjan borgar tugi milljóna í skatta yfir ævina fyrir “ókeypis” þjónustuna sem við fáum. Einkaaðilar taka prósentu (sem allir virðast lýta á með hornauga) en nú eru stjórnvöld ekkert betri í að fara með peningana. Allavega 1/3 fer bara í það að halda utan um þunga kerfið, samkeppni er lítil sem engin og ekki er sami vilji fyrir að fyrirtækið vaxi og hjá einkaaðilum. þó að einkaaðilar græði á háum prósentum þá er ekkert minni “peningasóun” en fer fram hjá ríkinu.

“Biðlistar” ætti að vera slagorð hjá því sem er ríkiðsrekið. Í framhaldsnámi eru það bara nýnemendur sem geta verið öruggir með pláss, fjöldi barna fá ekki pláss á leiksskólum og fólk deyr á biðlistum sjúkrahúsa sem oftast eru margfalt styttri í einkavæddum heilbrigðiskerfum. Munurinn er aðallega sá að ríkið sér um þjónustuna af því það er SKYLDA þeirra en ekki af því þarna er fyrirtæki sem vilji er fyrir að láta blómstra. Tuða þarf og væla til þess að stækka ríkisfyrirtækið þegar það er alveg að springa, á meðan slíkt þróast mjög eðlilega og hratt hjá einkaaðilum. Ímyndaðu þér að ráðstafa þessum milljónum. Frelsið að fjárfesta þeim algjörlega í þig en ekki borga undir gæluverkefni ýmissa þrýstihópa. X mikið fer í lífeyrissjóð, X mikið fer í sjúkratryggingu, X mikið fer í námslánið… Í stað þess að flæða í neyð og ráða ekki hversu mikið fer í hvað þá getur þú skipulagt sjálfur þín kjör. Sjálfur hefði ég frekar sett 80 þúsund inn á sparireikning heldur en að láta renna í tónlistarhúsið sem ég mun líklega aldrei nota neitt af viti. Ég styð ekki frjálshyggju af því ég er ríkur og vill verða ríkari í skattaparadís. Heldur af því ég hef trú á því að frjálst samfélag er það eina sanngjarna. Hrói Höttur er ekki hetja heldur þjófur, þó hann sé í flottum búning og með gott málefni bak við það.

Það er ekki mannréttindi eiga ekki að miðast við einhver mörk á lífsgæðum sem stjórnvöld eiga að tryggja. Heldur frelsi allra frá ofbeldi og kúgun annarra, sama grunn til þess að vinna sig upp í góð lífsgæði. Ekki er sanngjarnt að neyða fólk til þess að borga X mikið í heilbrigðisþjónustu, X mikið í samgöngur, X mikið í menntakerfið eftir tíðaranda stjórnvalda. Ef þú vilt meira öryggi með því að borga í sameiginlegan sjóð þá átt þú að fá frelsi til þess að ráða hversu mikið og í hvaða flokka það fer, ekki ríkisflæðinu í “almannaþágu”. Einkavæðing gengur oft illa af því stjórnvöld eru ekki heiðarleg að lækka skatta / endurgreiða alveg til fulls. Þannig að ekki aðeins ertu að borga sjálfur fyrir þinn sjúkrakostnað eða þitt nám heldur einnig ertu áfram hluti af ríkisflæðinu og borgar hluta af námi annarra þó þú hafir borgað þitt eigið sjálfur. Skattar verða að lækka í samræmi svo að fólk eigi efni á að láta einkaaðila sjá um sömu hlutina. Þú verður að fá að sleppa algjörlega að borga skatta t.d. í heilbrigðiskerfið ef þú átt að eiga möguleika á því að geta fært þig algjörlega yfir til einkaaðila.

Þegar þú ferð á atvinnuleysisbætur þá ertu ekki að fá gefins peninga heldur hluta af þeim skatti sem þú og aðrir neyddust til þess að borga. Ef þú hefur vit í kollinum þá borgar þú inn á launatryggingu eða sparireikning á móti skattalækkunum. Gallinn er að maður er svo vanur að reikna allt út frá launum sínum eftir skatta og það gleymist að maður er að borga í sjóð en ekki það að launin séu svona lág. Skattar hækka vöruverð og minnka laun. Svo einkavæðing felst alls ekki í því að auka kostnaðinn og gera lífið erfitt fyrir láglaunafólk. Heldur aðeins auka valmöguleika og hafa hagstæðari markað. Einstaklingurinn fær að ráða hversu mikið fer í hvað eftir eigin aðstæðum. T.d. sá sem er með stóra sjúkdómasögu í ættinni vill kannski frekar eyða stærra hlutfalli launanna í sjúkratryggingu í staðin fyrir gæluverkefni eins og virkjun upp á hálendinu eða tónlistarhús sem kostar hvern einasta skattgreiðanda tugi þúsunda.

Fyrra álit

SexyBastard fyrir 19 árum

“Biðlistar” ætti að vera slagorð hjá því sem er ríkiðsrekið. Í framhaldsnámi eru það bara nýnemendur sem geta verið öruggir með pláss, fjöldi barna fá ekki pláss á leiksskólum og fólk deyr á biðlistum sjúkrahúsa sem oftast eru margfalt styttri í einkavæddum heilbrigðiskerfum. Munurinn er aðallega sá að ríkið sér um þjónustuna af því það er SKYLDA þeirra en ekki af því þarna er fyrirtæki sem vilji er fyrir að láta blómstra

Er það þá ekki hagur einkafyrirtækja að fá inn til sín sem hæfasta fólkið til að græða sem mest á þeim? þannig myndi það fara að smám saman myndu einkafyrirtækin taka til sín alla afburðanemendur en þeir sem ekki búa yfir þeim hæfileikum yrði kastað út, þannig erum við strax komin með óréttlæti þar sem ekki allir ættu möguleika á því að fara í skóla. í sambandi við svo einkavædd sjúkrahús þá er það sama uppi þar ef þú getur ekki borgað þá er það bara út með þig, getur séð til dæmis dæmi um það í Bandaríkjunum, þar sem þetta er reynt.

Heldur frelsi allra frá ofbeldi og kúgun annarra, sama grunn til þess að vinna sig upp í góð lífsgæði

ertu þá að meina að allir eigi að byrja með sömu gæði? svoldið svona svipað og kommúnisminn, því miður veist þú jafnvel og ég að það virkar ekki, við myndum strax byrja með ójöfnuð þar, þar sem við vitum að maður með milljón á mánuði og maður með 50 þús á mánuði hafa ekki sama grunn eða getu til að vinna sig upp í góð lífsgæði, auk þess sem maður með milljón á mán. er strax mun betur settur í því kerfi þar sem hann getur veitt sér og sínum mun betri lífsafkomu í samfélagi þar sem allur kostnaður mun lenda á einstaklingnum.

lítið dæmi: “ hvað svo ef að ég kem úr fjölskyldu þar sem sjúkdómar hafa ekki verið vesen, þannig að ég ákveð að leggja ekki of mikið fyrir í sjúkrasamlag, svo alltí einu lendi ég í bílslysi þannig að ég er öryrki það sem eftir er, ég kæmi til með að þurfa mikla athygli og hjálp frá sjúkrahúsum, konan mín er í láglaunastarfi eins og ég var áður og við eigum 2 börn sem við þurfum einnig að fæða og ala og strögla við að koma í gegnum skóla sem við nú þurfum að borga allan kostnað af! Nú hins vegar höfum við bara einar tekjur en ég fæ ekkert inn heldur hefur kostnaður við uppihald mitt farið úr segjum 5 þús á mánuði af þeim (segjum) 180 þús sem við komum með inná heimilið áður, uppí 120 þús á mánuði af þeim 90 þús sem koma inn nú, þar á móti koma svo 50 þús á mánuði af milljóninni sem ég var búinn að safna mér inn í sjúkrakostnað, þannig að í 20 mán þá höfum við 20 þús til að lifa af á mánuði og koma börnum okkar í skóla eftir 20 mán. er peningurinn upprunninn og þá höfum við -30 á mán sem við þurfum að borga og svo að reyna að lifa.” þetta er kannski öfgafullt dæmi, en þetta er þó eitthvað sem er alltaf að ske, það er lífið tekur óvænta stefnu, sennilega kæmi kostnaðurinn við sjúkrahúsið til með að verða mun meiri en þetta sem ég gaf í dæminu þar sem það er jú nú einkarekið, held að þú gerir þér ekki alveg grein fyrir kostnaðinum af sjúkrahúsum. Svona til gamans get ég sagt þér að ég var til dæmis í axlaruppskurði um daginn sem kostaði mig 18000 en eftir því sem læknirinn minn sagði mér þá er þetta aðgerð sem kostar ríkið um 300 000 og er þetta þó smávægileg aðgerð miðað við það sem ég var að sýna þér fram á með dæminu mínu.

Þegar þú ferð á atvinnuleysisbætur þá ertu ekki að fá gefins peninga heldur hluta af þeim skatti sem þú og aðrir neyddust til þess að borga. Ef þú hefur vit í kollinum þá borgar þú inn á launatryggingu eða sparireikning á móti skattalækkunum

nú getum við til dæmis tekið annað dæmi, ég er að vinna hjá fyrirtæki þar sem ég hef unnið hjá í 20 ár, mér og yfirmönnum hefur samist vel í gegnum árin og ég hef enga ástæðu til að ætla annað en að ég komi til með að vinna þar í önnur 20 ár, ég er með meðaltekjur. vegna þess að ég tel mig vera öruggan í starfi ákveð ég að leggja frekar pening til hliðar svo börnin mín 2 komist í framhaldsnám frekar en að borga pening í að þurfa sennilega ekki að fara á atvinnuleysisbætur.

ég persónulega til dæmis er ekki jafn vel hugsandi um peningana mína og þú ert greinilega, þannig að mér finnst fínt að ríkið sjái um að niðurgreiða fyrir mig þjónustu sem ég vill geta gengið að þegar ég þarf á henni að halda, ef að ég svo þarf ekki á henni að halda og hef eytt sköttunum mínum í að borga fyrir einhvern annan sem þarf á henni að halda í stað mín þá get ég ekki beint séð að þeim pening mínum sé illa varið!

Mín skoðun er ALLTAF sú rétta

Fyrra álit

skuggi85 fyrir 19 árum

Er það þá ekki hagur einkafyrirtækja að fá inn til sín sem hæfasta fólkið til að græða sem mest á þeim? þannig myndi það fara að smám saman myndu einkafyrirtækin taka til sín alla afburðanemendur en þeir sem ekki búa yfir þeim hæfileikum yrði kastað út,

Nei nei það breytir engu fyrir skólana hvort þú sért með 1 eða 9 í meðaleinkunn. Á meðan þú ert til í að borga fyrir þitt nám þá ættir þú að geta fengið pláss í framhaldsnámi. Þegar kemur að hæfni nemenda þá yrði það ekki þannig að allir skólar taka bara þá hæfustu, heldur að skólarnir verði skiptir eftir gæðum. Bæði eftir kröfum til nemenda og eftir kostnaði. Ef að allir skólar vilja bara ofurproffa þá er strax kominn markaður fyrir einhvern annan sem er að stofna fyrirtæki til þess að stofna skóla fyrir hinn markaðshópinn sem fær ekki pláss í proffaskólunum.

þannig erum við strax komin með óréttlæti þar sem ekki allir ættu möguleika á því að fara í skóla

Þannig að þér finnst það vera verra að hleypa inn fólki eftir hæfni heldur en hvort maður sé nýnemi eða ekki? Það sanngjarnasta, hvort sem við erum að tala um vinnufólk eða nemendur… Er að hleypa inn fólki eftir hæfni. Allir hafa sömu tækifærin til þess að taka þátt í slíku og komast í eins góðan skóla og hægt er eftir eigin gáfum og metnaði. Er ekki bara “ósanngjarnt” í dag að það sé gert kröfur á vinnumarkaðnum? Hey ég veit!!! Stofnum bara “ríkisfyrirtækið” sem mismunar engum. Sér fyrir störfum handa öllum og allir fá sömu launakjör! Ég meina það er svo ósanngjarnt að “mismuna” fólki með því að verðlauna þeim sem standa sig vel.

ertu þá að meina að allir eigi að byrja með sömu gæði? svoldið svona svipað og kommúnisminn

Nú er ég bara að tala um að allir hafi sömu lagalegu réttindi til þess að vinna sig upp í þjóðfélaginu. Ekki að það sé séð fyrir vissum lífsgæðum af stjórnvöldum.

ég persónulega til dæmis er ekki jafn vel hugsandi um peningana mína og þú ert greinilega, þannig að mér finnst fínt að ríkið sjái um að niðurgreiða fyrir mig þjónustu sem ég vill geta gengið að þegar ég þarf á henni að halda

Þetta segir allt sem segja þarf um þessi tvö dæmi þín að ofan. Ef þú ert vitlaus og gerir mistök í lífinu þá á að neyða aðra til þess að koma þér til bjargar. Neyða á aðra til þess að gefa þér hluta launa sinna af því þú varst það vitlaus að fá þér ekki sjúkratryggingu, sparireikning og launatryggingu.

Sérðu ekki að þetta er nákvæmlega það sama? Viss hluti launanna fer mánaðarlega í sjóði sem tryggja manni vissa þjónustu og kjör í framtíðinni. Mín vegna máttu treysta strjórnvöldum fyrir þessum peningum og bannar frjálshyggjan í raun ekki slíkt. En hvaða rétt hefur þú til þess að neyða mig að fylgja sömu formúlunni? Þú mátt alveg borga skatta og fylgja straumnum ef þú ert svona ósjálfbjarga, ekki málið. En ekkert réttlætir að neyða mig til þess að gera það sama. Ég vil kannski frekar leggja inn á eigin bók sem ég tek sjálfur út af eftir þörfum, eða leggja inn á sjóði einkaaðila.

og hef eytt sköttunum mínum í að borga fyrir einhvern annan sem þarf á henni að halda í stað mín þá get ég ekki beint séð að þeim pening mínum sé illa varið!

Þannig að þú sérð ekkert að því að hver einasti skattgreiðandi hafi borgað um 80.000 í nýja tónlistarhúsinu? Borgað undir slíkt gæluverkefni sem minnihluti á eftir að nota af einhverju viti. Jafnvel þó hinn almenni borgari kíki þangað nokkrum sinnum þá er það nú varla 80.000 kr virða fyrir innganginn.

Eða það að láta lífið af því að maður neyðist til þess að fylgja biðlistakerfi stjórnvalda. Maður er til í að borga fyrir betri þjónustu en nei maður fær ekkert slíkt af því það er “mismunun”. Langir biðlistar í t.d. hjartaaðgerðir og geðdeildir/meðferðir drepur fjölda manns í nafni þess að sjá um fátæka og hafa “öryggisnet”. Heimsóknartímar hjá læknum svo stuttir að maður rétt nær að segja halló og láta hann skrifa undir nýjan lyfseðil.

Fyrra álit

SexyBastard fyrir 19 árum

Eða það að láta lífið af því að maður neyðist til þess að fylgja biðlistakerfi stjórnvalda. Maður er til í að borga fyrir betri þjónustu en nei maður fær ekkert slíkt af því það er “mismunun”. Langir biðlistar í t.d. hjartaaðgerðir og geðdeildir/meðferðir drepur fjölda manns í nafni þess að sjá um fátæka og hafa “öryggisnet”. Heimsóknartímar hjá læknum svo stuttir að maður rétt nær að segja halló og láta hann skrifa undir nýjan lyfseðil.

en hvað svo ef þú átt ekki peninginn? hefur ekki lagt til hliðar? þá verður þér væntanlega bara hent út því einkafyrirtæki þurfa ekki sinna þeim sem borga ekki.

annars sé ég að þú hleypur framhjá aðalatriðunum hjá mér með því að það sé ekki þitt að borga fyrir aðra, en er það ekki einmitt hugmyndin með samfélagi? að hjálpa öðrum þannig að allir/flestir eigi möguleika á að ná sér uppúr skítnum? Samfélag eins og þú ert að tala um gefur þér ekki möguleika, ef þú ert fæddur fátækur þá deyrðu fátækur, það er það eina sem þetta samfélag sem þú vilt býður uppá. Ég er ekki tilbúinn að leggja það á mín börn að ef ég er fátækur þá þurfi þau endilega að enda fátæk líka, hins vegar í því samfélagi sem við búum við í dag hafa allir jafnan möguleika á því að mennta sig og geta því gert það sem þeir vilja við sitt líf óháð foreldrum. þó að samfélag okkar í dag sé langt frá því að vera fullkomið þá er það samt kerfi sem virkar sem grundvöllur fyrir því að allir séu jafnir. því eins og er hafa allir sömu möguleika á að komast áfram í lífinu.

Svo má náttúrulega ekki gleyma því að þó svo Frjálshyggjan virki vel í teoríu þá er hún rétt eins og Kommúnistinn stefna sem virkar ekki í samfélagi því ekki megum við gleyma því að allt fólk er fífl bara á misjöfnum sviðum og því koma þessar 2 hugmyndir aldrei til með að virka :P

Mín skoðun er ALLTAF sú rétta

Fyrra álit

skuggi85 fyrir 19 árum

en hvað svo ef þú átt ekki peninginn? hefur ekki lagt til hliðar? þá verður þér væntanlega bara hent út því einkafyrirtæki þurfa ekki sinna þeim sem borga ekki.

Ég lýt ekki á þetta þannig.. Heldur..

Allt kostar peninga. Ekkert er ókeypis. Ekkert réttlætir að neyða aðra til þess að borga undir eigin vandamál. Nú er fínt mál ef fátækt fólk getur fengið hjálp hjá fjölskyldunni eða góðgerðarsamtökum. Sjálfur gef ég eins mikið og ég get í slíkt. En ekki á að neyða það yfir fólk.

Fólkið sem er að láta lífið á biðlistum í dag eru örugglega fleiri en þeir sem myndu deyja úr fátækt. Enda er fátækt lítil sem engin á Íslandi. Fátækramörkin eru allt of há, þeir sem geta ekki haft 3 sjónvörp á heimilinu eru flokkaðir sem fátækir hérna.

Í Bandaríkjunum þarftu að bíða 5x styttra eftir mikilvægum aðgerðum. Skammdegisþunglyndi er algengara á Íslandi en þar, en ef maður vill fá meðferðarlampa þá verður maður að kaupa hann sjálfur fyrir tugi þúsunda. Meirihluti sjúkratrygginga í Bandaríkjunum ná yfir slíka lampa.

En maður virðist bara heyra af því neikvæða.

Fyrra álit

SexyBastard fyrir 19 árum

Einhvern veginn fæ ég það á tilfinninguna að þú sért kominn af tiltölulega velstæðu fólki, þar sem þig hefur aldrei skort neitt í lífin,rétt?

Fólkið sem er að láta lífið á biðlistum í dag eru örugglega fleiri en þeir sem myndu deyja úr fátækt. Enda er fátækt lítil sem engin á Íslandi.

já en hvers vegna er fátækt lítil á Íslandi? er það ekki einmitt vegna þess að með því að það sé hugsað fyrir okkur með sköttum þá vitum við að það verður hugsað um okkur ef eitthvað fer úrskeiðis í lífinu? ef þú missir vinnuna þá ertu búinn að tryggja þér að þú færð allavega algert lágmark á mánuði, ef þú veikist alltí einu alvarlega þá ertu búinn að borga það með sköttum?

í sambandi við þessa tónlistarhöll sem fer svo afskaplega í taugarnar á þér, þá ættirðu að líta á málið frá aðeins stærra sjónarhorni, með henni eigum við möguleika á að draga til okkar fleiri vel stæða erlenda gesti sem svo eyða meiri pening hér sem svo skilar sér aftur til okkar í meiri skatti sem þýðir að til lengri tíma litið þá “færð” þú kannski 100 þús fyrir þessar 80 þús af skattpeningum sem þú “eyddir” í þetta áður.

Bandaríkjunum þarftu að bíða 5x styttra eftir mikilvægum aðgerðum. Skammdegisþunglyndi er algengara á Íslandi en þar, en ef maður vill fá meðferðarlampa þá verður maður að kaupa hann sjálfur fyrir tugi þúsunda. Meirihluti sjúkratrygginga í Bandaríkjunum ná yfir slíka lampa.

nú veit ég ekki hvað meðferðarlampi er????

en hins vegar ef þú ætlar að fara að bera þessar hugmyndir þínar um frjálshyggju við Bandaríkin þá virkar það nú ekki alveg þar sem þar er þetta svona blanda af frjálshyggju og “sjálfstæðisstefnu” þar eru rekin jafnt ríkisrekin og sjálfstæð sjúkrahús, ef þú ert ekki með sjúkratryggingu þá ertu sendur beint á þau ríkisreknu þar sem ekki þarf að borga neitt þar, jafnvel þó að það kosti dauða þinn að flytja þig þangað. nú svo til að fá sjúkratryggingu þá þarftu annað hvort að borga það sjálfur ef þú hefur peninginn eða þá að þú færð hana með því að vera í vinnu, þar sem að ég held að það sé skylda vinnuveitenda þíns að veita þér sjúkratryggingu upp að vissu marki (hvar er frjálshyggjan þar?) svo ráða fyrirtækin hvort þau auki þá tryggingu til að fá til sín betra fólk því það er jú eftir miklu að slægjast þar í peningum.

ef ég er að segja einhverja tóma steypu hérna þá endilega leiðréttu það ;)

Mín skoðun er ALLTAF sú rétta

Fyrra álit

lhg fyrir 19 árum

Ríkissjúkrahúsin í Bandaríkjunum mega líka rukka þig en þeim ber skylda til að lækna þig þó þú sért ekki með tryggingu og eigir engan pening. Einkaspítalinn þarf bara að bjarga lífi þínu en ef þú missir sjón, heyrn eða útlimi þá kemur þeim það ekki við.

Leikkonan Suzanne Sommers (var heimska blondínan í 3's company ef einhver man eftir þeim þáttum) lenti í því þegar hún var ung og fátæk að það var keyrt á son hennar og hann fótbrotnaði. Konan sem keyrði á strákinn var ekki með tryggingu eða heldur hún sjálf. Strákurinn fór á ríkisspítala og fékk sína aðhlynningu en þeir neituðu að útskrifa hann fyrr en mamman var búin að koma og skrifa uppá skuldabréf fyrir reikningnum.

Vinnuveitendum í Bandaríkjunum ber ekki skylda til að sjúkratryggja starfsfólkið. Sum fyrirtæki bjóða uppá það en flest fólk sem er í láglaunastörfum, t.d. skyndibitastöðum eða stórverslunum er ekki tryggt og hefur ekki efni á að kaupa sér sjálft tryggingu.

Eina almenningstryggingakerfið sem BNA eru með er medicare/medicaid fyrir eldri borgara og fatlaða. Þá geta þeir fengið heilbrigðisþjónustu frítt upp að vissu marki en þetta kerfi nær heldur ekki yfir allt. Svo má aftur deila um það hversu gáfulegt það er að láta láglaunamanninn vanrækja heilsuna vegna þess að hann hefur ekki efni á að fara til læknis og bíða eftir að hann er kominn á örorku með að fara að lækna hann þegar það er orðið miklu dýrara. Enda eru þetta ekki ódýr kerfi hjá þeim og Bandaríkjamenn eyða ekkert minna í heilbrigðisþjónustu en við þegar allt er talið saman.

Annars er ég að vinna með manni sem er frá fyrrum Júgóslavíu og hann segir að kommúnisminn hafi ekkert verið svo slæmur. Allir fengu menntun, allir fengu vinnu, allir fengu íbúð og allir fengu heilbrigðisþjónustu.

Fyrra álit

phi fyrir 19 árum

Heildarstærð kökunar er stærri þar sem stéttarskipting er. Síðan hvenær er það eitthvert takmark að eiga stærstu kökuna? Hógværð er ekki megin þema Hávamála fyrir ekki neitt.

Science. It works, bitches.! ^_^

Fyrra álit

BessiB fyrir 19 árum

Mér finnst að við ættum bara að fara alla leið og leyfa þrælahald aftu

Fyrra álit

phi fyrir 19 árum

Ahh já, þá get ég setið á legubekk og látið fæða mig með vínberjum eins og mig hefur alltaf dreymt um.

Science. It works, bitches.! ^_^

Fyrra álit

[Notanda eytt] fyrir 19 árum

Hahahahahahaha, ég hló upphátt..

Fyrra álit

skuggi85 fyrir 19 árum

Þrælahald er ekki hluti af frelsi, heldur algjör andstæða. Hugmynd mín um að hafa frelsi í launakjörum tengist ekki að svipta fólki frelsi heldur öfugt við það. Enginn verður þræll í slíku samfélagi enda er ekki hægt að gera kröfur til neinna nema hafa gert samning um slíkt. Mikil fáfræði er að líkja saman að greiða vissum hópum lág laun og þrælahald. Það er sagt að af því að fólkið neyðist út í þetta að þá sé það að vissu leiti þrælahald að misnota stöðu þeirra. Eitt stórt BULLSH.. (afsakið slettuna). Við vesturlandabúar höfum það svo gott og við erum svo blind, við erum með menningar og lífsgæðagleraugu alveg eins og talað er oft um kynþætti. Við færum okkar tölur og hlutföll yfir á fólk sem passar engan vegin við.

Ef einstaklingur samþykkir það af frjálsum vilja að vinna hérna fyrir “lág laun” (sem eru það aðeins samkvæmt okkar mælikvarða) þá á ekki að koma í veg fyrir slíkt. Meira að segja Íslendingar hér á landi sem eru á lágum launum t.d. í leiksskólum eða í verslunum tala um að það sé ekki hægt að lifa á slíkum launum. Við Íslendingar erum byrjaðir að rugla saman góðum lífsgæðum og að ná endum saman til að lifa af. Öryrkjabætur og lág laun á Íslandi eru meira en nóg til þess að lifa af ef notað er peningana rétt. En fólk er gráðugt og vill hafa 3 sjónvörp, nýjustu tískufötin og geta reykt pakka af sígarettum á dag alveg eins og nágranninn.

Af hverju getur innflytjandi búið hérna á skítalaunum og náð endum saman ásamt því að leggja meira en helming launanna til hliðar? Af því hann er ekki með sömu brengluðu hugmyndir um lífsgæði og telur að sá sem hefur fæðu og þak yfir höfuðið sé ekki fátækur. Var einn í Ísland í Dag um daginn, held að hann sé Indverji (leiðréttið mig ef það er rangt). Hann lagði til hliðar 70% launa sinna, á nokkrum árum var hann kominn með peninga til þess að opna eigið fyrirtæki sem er veitingastaður í miðbænum. Íslendingur á sömu kjörum er oftast búnir með launinn löngu fyrir mánaðarmótin og telst það gott bara að fara ekki í skuld.

Fyrra álit

BessiB fyrir 19 árum

Þegar þrælahald var leyft þá var kakan stór!

Fyrra álit

skuggi85 fyrir 19 árum

Já já hún var stór en ekki jafn stór og hún er í dag í frjálsara tæknisamfélagi.

Fyrra álit

BessiB fyrir 19 árum

En hugsaðu þér hvað hún væri stór ef við myndum combina þrælahald og frjálst tæknisamfélag!

Fyrra álit

skuggi85 fyrir 19 árum

Þetta er þversögn. Samfélag með þrælum er ekki frjálst samfélag. Ekki nema “þrælarnir” hafi samþykkt að vera þrælar.

En nei ég sé ekki hagnað í því. Flest af okkar viðskiptalöndum myndu líklega sniðganga okkur til að mótmæla slíku. Ég meina það var talað um það þegar við drápum nokkra hvali svo ég mæli ekki með þrælahaldi.

Ég myndi allavega flytja burt eða fara í uppreisn ef slíkt yrði samþykkt.

Fyrra álit

BessiB fyrir 19 árum

Menn eru dýr. Sumir menn eru veikari en aðrir. Ég vil nýta frelsi mitt til að meðhöndla þá sem dýr eins og þeir eiga skilið. Að neita þessu væri fasismi.

Fyrra álit

skuggi85 fyrir 19 árum

Ok þá verður þú þrællinn minn þegar að því kemur.

Fyrra álit

BessiB fyrir 19 árum

Ekki flýja og snúa þessu upp í persónuárási

Fyrra álit

Deiglan

Deiglan

Ofurhugar

Hverjir eru inni

Korkar - Heitar umræður

Kjör erlendra starfsmanna...

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi