Já, svo, hugsanlega hefur Al Jazeera eitthvað til sýns mál, ef við horfum á það sem Rice segir. Hinsvegar, þá er það réttilega ályktað, að þetta kemur alls ekki heim og saman við það sem Bush segir stundum í ræðum sínum. En við hvern er hann að tala í þessum ræðum? Hver er markhópurinn?

Við vitum fyrir víst að sprengjuárásirnar eru okkur fjarlægar, en Írakar horfa upp á þetta. Svo það er efni í psyop aðgerðir þar í landi meðan hægt er að beita öðrum í BNA.

Að sjálfsögðu, get ég ekkert fullyrt um þetta. En ég hugsa bara sem svo, ef ég ætti að fara sannfæra þessa tvo mismunandi hópa, þá að sjálfsögðu þarf ég tvær mismunandi aðferðir. Ætli það sé ekki auka atriði þótt einn og einn sjái einhverja mótsögn í þessu.

En já, “tilgangur” með hersetunni. Hvort hefur Rice rétt fyrir sér um að tilgangurinn sé að koma í veg fyrir að hryðjuverkamenn séu að taka yfir eða hefur Bush rétt fyrir sér að uppreisnarmenn séu allir að leggja upp laupana (og eins og þú segir, hafa verið að gera það í langan tíma). Eru Bush og Rice ósammála eða hvað? Eða eru þau að gera þetta viljandi?

Svo gæti verið að þetta sé bara pólítískt jargon til að rugla okkur í ríminu og halda okkur frá hinum einfalda veruleika: http://www.ccmep.org/2003_articles/Iraq/042603_reason_for_war.htm

Hver veit? Mér finnst þetta allt saman, aðalega furðulegt. Alveg augljóst að menn eru ekki að segja allan sannleikan.

Hmmm er ekki aðeins verið að taka úr samhengi það sem Rice segir?

Það sem Bush, Rice, hernaðarleiðtogar (bæði Íraskir og Bandarískir) og Íraskir stjórnmálaleiðtogar virðast vera með sátt um, er að áhættan er gífurleg á að það verði borgarastyrjöld ef það er yfirgefið landið áður en Írakar eru orðnir hæfir til þess að sjá um varnir landsins.

Fyrst eftir innrásina þá var talað um að hryðjuverk yrðu líklega ekki mikið lengur en ár. Uppreisnarmenn hefðu fundið/stolið fullt af vopnum einmitt þegar innrásin var. Og að þessi vopn myndu klárast á endanum. En hver er raunin í dag? Ekki aðeins hafa uppreisnarmennirnir nóg af vopnum, heldur eru þau orðin þróaðari en árið 2003. Hvað er í gangi? Jú vopnabirgðinar væru löngu búnar að klárast ef að erlendir hryðjuverkamenn væru ekki að streyma inn í landið með mannsafla og vopn. Talið er að þeir séu aðallega frá Sýrlandi en einnig frá Íran. Númer 1, 2 og 3 þegar kemur að vörnum landsins er að hafa öflugt landamæraeftirlit ásamt því að hafa almenna lögreglu og herlið.

Svo verðum við að átta okkur á því að aðal markiðið hjá hryðjuverkamönnunum er að eyðileggja lýðræðisþróunina í Írak. Því má búast við því að strax á næsta ári muni árásum byrja að fækka, eftir þingkosningarnar.

Þó að Bandaríkjamenn séu að leiða varnir landsins þá eru völdin samt sem áður hjá Írökum, landið er ekki hersetið. Írösk stjórnvöld vilja hafa bandamenn áfram í landinu á meðan verið er að þjálfa Íraka til þess að taka yfir vörnunum. Markmiðið er að Írakar taki að mestu leiti yfir þeim á næsta ári og að þá verði byrjað að fækka hermönnum. En líklega verður það gert í litlum skömmtum yfir næsta áratuginn til þess að minnka líkurnar á að það mistakist.

Ekkert bendir til þess að Bandaríkjamenn ætli að “stela” olíuauðlindum Íraks. Þessar auðlindir eru í eigu Íraka og hefur það einmitt verið aðal deilan um hvernig eigi að skipta þeim auðlindum. Reikna má með því auðvitað að olía verði seld Bandaríkjamönnum, enda allt of stór markaður til þess að sniðganga. En spár friðarsinna um að það verði “stolið olíunni” hafa ekki orðið að raunveruleika. Ekkert frekar en þessi risastóra borgarastyrjöld sem allir eru en þá að bíða eftir.

Hryðjuverkaárásir verða því miður líklega raunveruleiki í Írak næstu áratugina. Þó þeim fari líklega fækkandi nú á næstu árum. En er það eini mælikvarðinn um lífsgæði? Það eru reglulegar hryðjuverkaárásir í Ísrael en samt sem áður eru lífsgæði mjög góð þar, meðalaldur svipaður og á Íslandi. Saddam var að drepa um 20-50 þúsund manns árlega að meðaltali og því á ég erfitt með að samþykkja að hryðjuverkaárásinar séu verri. Frelsi með mannfalli hlýtur að vera skárra en kúgun og aðeins meira mannfall.

Svo hefur efnahagurinn farið batnandi frá árinu 2004 og eru 3/4 viðskiptamanna bjartsýnir um að efnahagurinn muni halda áfram að vaxa næstu árin.