Spænskur dómstóll fann í dag Sýrlendinginn Imad Eddin Barakat Yarkas sekan um aðild að skipulagningu hryðjuverkaárásanna á Bandaríkin 11. september 2001. Yarkas, sem talinn er vera leiðtogi al-Qaeda hryðjuverkasamtakanna á Spáni, var dæmdur í 27 ára fangelsi. Alls hafa 24 menn verið ákærðir fyrir að tengjast al-Qaeda á Spáni og voru kveðnir um dómar yfir fjórum þeirra í dag.
Saksóknarar kröfðust þess að Yarkas yrði dæmdur í 74.377 ára fangelsi fyrir aðildina að hryðjuverkaárásunum eða í 25 ára fangelsi fyrir hvern þann 2973 einstakling sem talinn er hafa látið lífið í árásunum á New York og Washington og 12 ár að auki fyrir að vera forvígismaður al-Qaeda.
http://www.mbl.is/mm/frettir/frett.html?nid=1160283
Á ég að trúa því að þessi maður eigi möguleika á því að losna úr fangelsi? 27 ára fangelsi fyrir 2973 mannslíf. Það eru rúmlega 3 dagar í fangelsi fyrir hverja manneskju sem lét lífið.
Það er gefið skít í aðstandendur fórnarlambanna með svona vægum dómi. Núna á hann möguleika á því að losna úr fangelsinu sem gamall maður og njóta ellinnar. Spurning hvort hann drepi aftur þúsundir manna svona rétt áður en hann fer til Allah.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.