Takk fyrir þessar upplýsingar. Fjölmiðlar eru greinilega ekki að standa sig því maður fær allt aðra sýn á þessu með því að lesa þetta.

Samt með því að lesa þetta hallast ég meira að því að það gæti flokkast sem nauðgun. En samt sem áður ekki án vafa. Tekið hana hálstaki og svo eftir það beðist afsökunar, síðan skipað henni að fara úr fötunum. Hvernig fór það fram? Hvað sagði hann orðrétt? Hótaði hann að lemja hana aftur ef hún myndi ekki gera það?

Nú hefur konan reynslu af ofbeldi. Getur verið að hún mistúlkað þetta á neikvæðari hátt vegna þess? Sett alla ofbeldismenn undir sama hatt. Auðvitað er skynsemi í því að streitast ekki á móti ef einhver ætlar að nauðga, þar að segja ef maður er fyrst og fremst að hugsa um að halda lífi. En að segja eitt nei fyrst til að sjá viðbrögðin fer nú varla að kosta hana lífið. Snýst fyrst og fremst um hvort hún streitist á móti með líkamanum eða ekki, ekki algengt að það sé drepið konur fyrir það eitt að segja nei. Flestar þær sem lifðu af nauðgun með þeirri aðferð að streitast ekki á móti hafa samt örugglega sagt nei fyrst og ákveðið síðar að streitast ekki á móti þegar það var augljóst hvað væri í gangi.

Finnst leiðinlegt að þetta hafi komið fyrir konuna óháð því hvort þetta hafi verið nauðgun eða ekki. En sjálfur get ég ekki án vafa verið viss um að þarna hafi verið nauðgun á ferðinni allavega miða við þessar upplýsingar. Hvar á að draga mörkin? Eiga að vera tímamörk á milli ofbeldis og það að segja einhverjum að fara úr fötunum sé nauðgun? Hvað ef hann hefði tekið hana hálstaki, beðist afskökunar. Svo deginum eftir sagt henni að fara úr fötunum, er það þá líka nauðgun? Eða þarf hún þá að segja nei af því það er deginum eftir? Hvar eiga mörkin að dragast? 5 mínútur? Klukkutími? 12 klukkutímar? Vika?

Ég er alls ekki heldur að halda því fram að ég sé viss um að þarna hafi ekki nauðgun átt sér stað. En ég tel það vera eðlilegt þegar það er dæmt menn seka að það sé gert án vafa. Jafnvel þó maður hafi það persónulega á tilfinningunni að einstaklingurinn sé sekur verður maður að dæma eftir þessari aðferð og eftir lögum.

Það er mjög hættuleg þróun þegar fólk fer að krefjast þess að það sé dæmt sekt oftar, slíkur þrýstingur gæti komið saklausum einstaklingi í fangelsi. En þetta er það sem maður hefur verið að heyra nýlega í fjölmiðlum. Því miður eru nauðgunarmál í eðli sínu þannig að oft er erfitt að sanna sekt, að hefja eitthvað átak til þess að dæma oftar getur því miður endað með því að saklausir menn verði dæmdir.