Á stöð 2 (ef það verður búið að samþykkja greinina) verða sýndar myndir af tveimur karlmönnum ofan á strjónarráði Íslendinga flagga fánanum “Engar helvítis virkjanir”.

Þetta eru róttæk íslensk ung reiði og þegar þeim var fylgt að lögreglubifreið í greipum lögreglumanna voru þeir stoltir að sjá, gerðu grín og glensuðu.

Þessu er ég verulega mótfallinn þar sem þeir ekki bara vanvirtu bygginguna (sem stendur nú ekki fyrir mikið lengur) og íslenska fánann heldur vita þeir líklegast ekkert hvað þeir eru að tala um.

Persónulega styð ég Snarrót (sem ég veit ekkert hvort kom málinu við. Svo mikið sem ég veit koma þeir ekkert nálægt þesu) og slíkar stefnur nema þegar verið er að spreyja á Alþingishús, Jón Sig eða strjórnarráðið.

Hvað er að því að virkja landið, hvað þá Kárahnjúka sem enginn hefur komið á í 3 ár. Það fóru í mestalagið 50 manns þangað á ári og hvað þetta álver á eftir að gera fyrir austfirði er því miður mikilvægara.

Ég hef farið á Kárahnjúka og ég verð að segja að það er ekkert sérstakt þarna. Þetta “ekkert” sem sumir vilja sá er alls staðar á Íslandi þannig það má alveg fórna Kárahnjúkum fyrir mér. Stærsta óspillta landsvæði í Evrópu? Mér er svo skít sama… það þýðir þessi tala… ekki neitt.

Flestir sem voru að mótmæla höfðu aldrei komið á Kárahnjúka og trúið mér, það var ekki á dagskrá hjá þeim.

Hins vegar voru Austfirðir að tæmast fyrir nokkrum árum. Á meðan Kósavó stríðið var og allar flóttamannabúðirnar var hins vegar talað um flóttamannabúðirnar í Kópavogi þar sem mikið af fólki fluttist þangað. Útgerðin ein heldur þessum bæjum ekki uppi. Nú er fólk byrjað að rífa sig upp aftur.
Þegar Esjunni eða Vestrahorninu verður breytt í malarnámu eða jöklarnir notaðir í ísmola getur fólk farið að mótmæla. En ekki svona asnaskap eins og Kárahnjúkum.

Endilega gagnrýnið og drullið yfir greinina.

vitringu