Ég held að tölfræðilega sýni þessar skoðanakannanir nokkuð góða mynd af þeim svörum sem fengjust hjá allri þjóðinni.

Gallinn er bara sá að svarið við spurningunni “Hvaða flokk mundir þú kjósa í þingkosningum ef kosið væri í dag?” er engan veginn marktækt.

Kveðja,
Sindri

DV hefur stært sig af því að þeirra skoðanakannanir sýni réttari mynd af kosningaúrslitum en aðrar kannanir en ég held að það sé frekar tilviljun eða vegna þess að þeir gera oftar kannanir og ná kannski oftar að gera síðustu könnunina fyrir kosningar sem er væntanlega réttust. Úrtakið hjá DV er oft minna en hjá öðrum þannig að skekkjumörkin eru meiri.

Mér finnst tvennt vera að þessum könnunum hjá þeim. Í fyrsta lagi sleppa þeir þeim sem eru óákveðnir eða neita að svara og slá upp könnuninni eins og þeir séu ekki til. Í öðru lagi birta þeir ekki skekkjumörkin, ef þeir gerðu það þá sæi fólk að oft er ekki marktækur munur á milli kannana á fylgi flokka :)

Þar að auki skiptir náttúrulega engu máli hvað kannanir segja í dag. Það á margt eftir að breytast fram að næstu kosningum.