Það er búið að breyta þessu. Skólarnir fengu einhvern aðlögunartíma en námsskráin núna gerir ráð fyrir að börn byrji á ensku 10 ára og dönsku 12 ára.

Jamm,mér líka.

Ekki slæm hugmynd, svona hreint praktískt séð. Að vísu skiptir það kannski litlu máli með eitt ár til eða frá, allavega í mínu tilviki þá hætti ég að læra dönsku í miðjum öðrum bekk í menntó, en hélt áfram að læra ensku alveg fram í fjórða bekk. Þannig að í rauninni hef ég fengið meiri menntun í ensku hvorteðer.

Síðan er það miklu praktískara að læra ensku, ég held að flestir noti það tungumál mun meira heldur en dönskuna. Ég að vísu bý í Svíþjóð núna, og danskan hefur ábyggilega hjálpað eitthvað til við að læra sænsku, þó ég geri mér ekki grein fyrir hvursu mikið.

Eitt sem er fáránlegt er að þó ég hafi lært dönsku í 6 1/2 ár þá get ég varla talað stakt orð í henni í dag. Málið er að það er alveg vonlaust að læra svona tungumál frá grunni bara uppúr bókum án þess að nota það neitt að ráði. Besta leiðin til að læra tungumál er að flytja til landsins þar sem það er talað, og nota tungumálið til að tjá sig við innfædda… þannig að ef á annað borð á að kenna dönsku, þá á einfaldlega að senda öll 11 ára börn til Danmerkur í 2 ár svo að þau læri nú örugglega eitthvað ;=).

Ég held að fólk ætti bara að hætta þessu væli. Íslensk ungmenni hafa bara gott af því að læra sem flest tungumál. Þósvo einhverjum hafi þótt leiðinlegt í dönsku í tíu ára bekk þá er dönskukennsla hagkvæm fyrir mjög stóran hluta þeirra sem síðarmeir fer í framaldsnám. Mjög stór hluti þeirra sem hafa háskólamenntun á íslandi í dag sóttu hana til norðurlanda þarsem háskólamenntun er mun ódýrari heldur en í enskumælandi löndum. Hinir sem aldrei notuðu dönskuna koma málinu ekki við, þeir notuðu heldur aldrei stærðfræði, eðlisfræði, líffræði eða neitt annað og eru alsælir í dag þrátt fyrir að hafa þurft að lesa þessi fög.

Mun betri hugmynd er að bæta við tungumálakennslu í skólum og byrja hana fyrr. Og svo ég svari öllum rökum gegn þessari hugmynd minni fyrirfram þá eru einu réttmætu mótrökin skortur á fjármagni og kennurum.

Kær Kveðja,
Sindri

Grein mín þið eruð nú þær týpur að þið komið aldrei til með að læra hvorki dönsku, ensku eða hvaða annað tungumál sem reint væri í ykkur að troða…..