copy/paste af mbl.is


Raymond Sheehan, sem grunaður er um að hafa nauðgað og myrt Heather Coffin, 10 ára gamla, í svefnherbergi hennar á heimili í Philadelphia-ríki árið 1987, hefur játað á sig glæpinn og lýst yfir iðrun. Lögregla stóð ráðþrota á sínum tíma en með nýrri tækni tókst fyrir skömmu að bera lífsýni, sem fannst á líkama hinnar látnu, saman við erfðaefni Sheehans með jákvæðri útkomu.
Verjandi Sheehans, Dan Stevenson, sagði samningaviðræður við ákæruvaldið standa yfir og líklegt væri að Sheehan lýsti sig sekan fyrir dómi ef saksóknari krefðist ekki dauðarefsingar. Rannsóknarlögreglumaðurinn Chuck Boyle sagði, að Sheehan hefði grátið og sagst sjá eftir gjörðum sínum er hann var tekinn höndum. Málsatvik voru þau að Sheehan braust inn á heimili Coffin-fjölskyldunnar og nauðgaði og kyrkti Heather á meðan foreldrar hennar sváfu í næsta herbergi. Hann gaf þær skýringar á athæfi sínu að hann hefði talið Randall Coffin, fyrrum vinnuveitanda sinn, skulda sér peninga og hefði hann ákveðið að brjótast inn og ná í verðmæti.

Coffin var viðstaddur í réttinum við þingfestingu málsins og klæddist bol með mynd af dóttur sinni á. „Sjáðu! Mundu!“ hrópaði hann að Sheehan. Lögregla rannsakaði morðið árum saman og meðal grunaðra voru foreldrarnir, nágrannar og fjölskylduvinir.



þetta er algjör viðbjóður, hvernig er hægt að gera svona við fólk, og hvað þá 10 ára stúlku?
<br><br><font color=“#000080”><b>Flødeskum</b></font>

<a href="http://kasmir.hugi.is/nero">stærsta heimasíða landsins</a