Já, þeir eru að bíða eftir Messías. Sumir þeirra sem það gera eru samt ekki mótfallnir Ísrael en sjá Ísrael (ríkið, þetta orð “Ísrael” merkir líka þjóðin Ísrael, sem er til hvort sem ríkið er þarna eða ekki og hefur verið til allan tíman gegnum allar útlegðir og fleira) og zionisman í frekar góðu ljósi, en samt ekki algóðu. Þeir líta á Ísraelsríki þessa tíma sem nauðsynlegan formála, að þó það sé ekki “the real thing” sé það samt nauðsynlegt til að hið heilaga ríki fæðist þarna og sé því hluti af himneskri áætlun. Svo þeir “líða” Ísrael, og halda með því upp að vissu marki, þó þeir viðurkenni ekki Ísrael dagsins í dag sem hið raunverulega Ísrael framtíðarinnar, en samt ákveðinn aðdraganda þess, mögulega amk. Gyðingar hugsa sumir eitthvað eftir þessum leiðum en á misjafnan hátt.

En svo eru aðrir, og þessir eru í raun annar hópur og allt öðruvísi og ekki hægt að tala um þá sem hluta af fyrri hópnum, sem hafa miklu ýktari skoðanir og eru jafnvel yfirlýstir andstæðingar Ísraels og hafa víða haldið mótmæli og slíkt, og taka alltaf fram að þeir álíti að þetta ríki hafi engan tilvistarrétt. Þeir álíta að Ísraelsríki í dag, afþví það er veraldlegt ríki, ekki svona pjúra trúarríki, á við…Íran (?) sé sem sagt eins konar vanvirðing við hið raunverulega Ísrael, og eigi því engan rétt á sér. Hvort þessir menn eru andstæðingar Gyðingdóms? Ég býst við að sumir líti svo á já.
Það sem þykir kannski varhugaverðast við þessa stefnu er að Islamskir öfgamenn flagga gjarnan þessum mönnum sem góðum, “ideal” Gyðingum og “vinum” sínum um leið og þessir sömu öfga múslimar boða jafnvel hryðjuverkastefnu. Ég efast samt um að þessi “vinátta” þessara manna sé endurgoldin af þessum hópi anti-zionista Gyðinga, en öfga múslimar halda nú samt áfram að hampa þeim í hástert svo og alls konar aðrir öfga-anti-zionistar í heiminum býst ég við. Gyðingar sem líta á Ísrael sem sitt “öryggisnet” eftir þúsundir ára af ofsóknum eru eflaust ekki hrifnir af þessu þar sem ofsóknirnar standa enn í dag t.d. í Austur Evrópu, og eru oft ástæða þess að algjörlega trúlaust fólk, sem jafnvel langar ekkert til að flytja, flytur til Ísraels í dag.

Það sem fólk hefur fyrst og fremst á móti þessum mönnum er að stefna þeirra sé hættuleg, óskynsamleg, blind í trú sinni á yfirnáttúruleg kraftaverk og svo er auðvitað illa séð að hryðjuverkamenn og kynþáttahatarar af ýmsu tagi séu að flagga þessum mönnum sem “fyrirmyndum” annara Gyðinga og “vinum” sínum.

Ég býst við að flestir Gyðingar líti á þessa stefnu sem afar barnalega, enda er Gyðingdómur almennt, þó þetta séu líka dularfull og falleg trúarbrögð eins og flest trúarbrögð heimsins eru hvert á sinn hátt, yfirleitt frekar talin frekar skynsamleg trúarbrögð, en Gyðingar trúa almennt ekki á að okkur verði rétt neitt á silfurfati, heldur verði mannkynið einnig að bæta sig sjálft og hver maður beri ábyrgð á að gera heiminn betri, en þetta eru flestir venjulegir orthodox-, conservative-, reform-,liberal-,reconstructualist-,og secular Gyðingar og hvað þetta allt hitt heitir, þrátt fyrir að vera ósammála um margt, jafnvel hver hópur sín inn á milli, almennt sammála um, og finnst því ekki rétt að bíða svona bara eftir Messíasi til að bjarga öllu býst ég við, sérstaklega ekki ef menn setja svo sjálfa sig og aðra í hættu við það að sitja bara og bíða meðan flóðið kemur að í stað þess að annað hvort byggja stíflu eða smíða skip, en flestir Gyðingar líta svo á að ríkið Ísrael eigi að vera hvort tveggja , vörn þessa fólks og griðastaður, og hvernig sem það hafi tekist hafi svo sem enginn fundið upp neitt betra í meira en 2000 ár af ofsóknum og eitthvað verði menn að reyna að gera til að tryggja öryggi barna sinna frekar en ekkert, nú eða að bíða bara eftir einhverjum til að koma og bjarga öllu, sem hefur sjaldan virkað hjá neinum.

Þetta var frá mér já, varð óvart nafnlaust.
Annars virðist þú vita mikið um þessa hluti og það er mjög sjaldgæf sjón hérna. Góð tilbreyting!:)

Ramax. Ég var að lesa yfir þetta aftur og ætti kannski að bæta við að ég veit ekki hvort “Jews for Jesus” samanburðurinn er réttlætanlegur. Það er eðlilegt að mörgum finnist ekki hægt að vera svona “tvær trúr” í einu, og finndist nær að Jews for Jesus ættu bara að kalla sig Kristna frekar en þetta “Kristnir Gyðingar”, þar sem þeir séu einmitt bara kristnir, þó þeir lifi margir mjög Gyðinglegu lífi og fari eftir öllum reglunum sem þessi þjóð hefur. En hvort þeir eru “andstæðingar Gyðingdóms” eins og þú og margir orða það veit ég ekki. Þetta fólk hefur bara þessa sannfæringu og reynir að lifa eftir henni. Það eina sem mér finnst persónulega athugavert við Jews for Jesus er kannski að ég hef heyrt að þeir eigi til að elta fólk af Gyðingaættum um allar trissur til að fá þau til að ganga í félagið, en sama mætti segja um Votta Jehóva og marga fleiri, fyrir utan það að þeir elta alla uppi, ekki bara fólk af ákveðnum uppruna, þjóð eða trú, sem mörgum finnst eðlilegri vinnubrögð trúboða. Vissir hópar af Ultra-Orthodox Gyðingum eiga annars til líkt og Jews for Jesus að boða trú sína stíft til annara Gyðinga líka, og það gremst sumum frjálslyndum Gyðingum, þó þetta sé almennt ekki eins illa liðið og Jews for Jesus, aðallega þar sem kristniboð í gamla daga fór stundum fram á þann hátt að þeir Gyðingar sem ekki tóku trúnna voru myrtir, og því eru kristnir trúboðar enn litnir hornauga af Gyðingum, sem vegna reynslu sinnar af þeim finnst ekki rétt að breiða út trú sína, þar sem þeir hafa sjálfir slæma reynslu af trúboði, og þetta er ein af helstu ástæðunum fyrir að þeir stunda ekki trúboð sjálfir til fólks af öðrum trúarbrögðum. En “Jews for Jesus” eru annars held ég undantekningarlaust zionistar og að öllu leyti mjög ólíkir þeim ultra-orthodox Gyðingum sem vilja ekki tilvist Ísraelsríkis, sem flestum finnst barnalegt í ljósi þess að þessi þjóð lifir enn við hættu og það er talin vörn í því að eiga eitthvað heimaland en margir Gyðingar telja sig öruggari í dag í Ísrael, þrátt fyrir stöðuga mögulega áhættu á að vera drepin(n) á pizzastað eða í skólanum, úti í búð eða í strætó, í synagógu eða jafnvel bara úti að labba hvar sem er,….heldur en til dæmis í Austur Evrópu þar sem sumir nýir innflytjendur í Ísrael fengu hótunarbréf um að börnin þeirra og þeir sjálfir yrðu myrt ef þeir hypjuðu sig úr landi….(Svo þeir sem skrifuðu þau gætu svo röflað um hvað þeir væru vondir þarna í Ísrael og ættu engan rétt á að vera þar, hvað þá verja líf sitt? Eflaust já….

Og til nokkra heilaþveginna einstaklinga sem vilja bara sjá eina hlið á þessu máli eins og eflaust fleirum, þá er ég með þessu ekki að afsaka allt sem Ísraelar hafa gert, að sjálfsögðu ekki meint til þín ramax.

Annars hef ég aldrei hitt jews for Jesus fólk og veit lítið um þá, en ég þekki kristna Gyðinga sem líta bara 100% á sig sem kristna, þó þeir séu kannski stolltir af þjóðerni sínu (þeir eru jú samt Gyðingar, þetta er líka þjóð, ekki bara trú eins og þú veist, tek það bara fram fyrir aðra skilurðu) og ég ber fulla virðingu fyrir því fólki. Hina “Jews for Jesus” sem vilja vera bæði trúarbrögð í einu, ekki bara venjulega Judeo-kristnir, hef ég ekki hitt og veit lítið um, en auðvitað skilur maður að þeir séu illa liðnir og tortryggðir þar sem þeir líkt og vissir ofbeldisfullir hópar fortíðarinnar beina trúboði sínu sérstaklega að Gyðingum , en þeir ætla jú ekki að drepa þá eins og þessir grimmu hópar í gamla daga og eru kannski engir svakalegir “óvinir” eins né neins. En þetta fer auðvitað eins og allt annað eftir því hvaðan maður horfir á þá, og það er ekki hægt að dæma þá sem líta á þá sem grimma úlfa í vingjarnlegri sauðargæru, enda bitur saga sem veldur því að fólki líður þannig, en þetta væri ekki svona fámenn lítil þjóð ef það hefðu verið færri “trúboð” kannski, svo ekki nema von að þeir vilji ekkert með trúboð annara til sín hafa og það er vel skiljanlegt, en gerir samt Jews for Jesus ekki glæpamenn býst ég við, jafnvel þó þeir séu sumir mjög aðgangsharðir, en að einhverjum líði þannig er vel skiljanlegt.

Þetta hérna að ofan er svar frá mér, varð óvart aftur nafnlaust.
:)