Í guðanna bænum hvaða tortryggni er þetta alltaf í garð Davíðs?
Háskóli Íslands ER hlutlaus stofnun.
Félagsvísindastofnun Háskóla Íslands ER hlutlaus stofnun. Hagfræðistofnun Háskóla Íslands ER hlutlaus stofnun.

En, nei, bara af því Davíð lét þessar stofnanir vinna fyrir sig þá er hann allt í einu kominn með þær undir hælinn.
Þvílík og eindemis vitleysa.

Ef Davíð hefði leitað til t.d. Deloitte Touche og hún hefði skilað svipaðri niðurstöðu, væri hún þá undir hælnum á Davíð og upp á hans náð og miskunn komin?

Þú talar um að Þjóðhagsstofnun hafi verið lögð niður vegna þess að hún var einmitt ekki sammála Davíð í einu og öllu. Það er kjaftæði. Það hafði verið í bígerð lengi að leggja hana niður, enda til lítils að hafa heila stofnun til að reikna það sem Seðlabankinn reiknar líka. Eða hefur Davíð kannski í hyggju að leggja niður Seðlabankann líka? Því ef þú hefur eitthvað fylgst með fréttum undanfarin ár ættirðu að vita að það sem Davíð finnst og Seðlabankinn gerir er ekki það sama.


Svo ég hakki nú aðeins hins punktana í mig.
– velferðarkerfið
þá er ég að spá hvert þessi aukna atvinna í ESB hefur farið, svona fyrst það verður meiri atvinna til við að ganga í ESB. Í Þýskalandi, hefur atvinnuleysi verið nálægt tveggja stafa prósentutölu í um áratug! Þar er nú ekki fyrir að fara einokuninni. Talandi um einokun, og að hún sé orsakavaldur misskiptingu auðs í landinu, þá langar mig aðeins að vita hvað þú átt nákvæmlega við. Ísland er það land þar sem er hvað mestur launajöfnuður í hinum vestræna heimi, þó víðar væri leitað. Viltu kannski jafna hann enn meir út og láta ALLA íslendinga fá 200þús. kall á mánuði, óháð því hvaða störf eru unnin af hendi? Þ.e. 200þús. kall fyrir alla, konur og karla, hvort sem það sendist með pizzur í hálfu starfi eða gegnir stöðu flugumferðarstjóra eða bankastjórastöðu.

Sorrý, þannig virka hlutirnir bara ekki.

—
Sjávarútvegur.

Helsti ótti Íslendinga við inngöngu í ESB er að við missum okkar 100% stjórn á okkar miðum.
Veistu t.d. hvers vegna það er lítill sem enginn fiskur á Bretlandsmiðum? Spánverjarnir og Portúgalarnir eru búnir að veiða hann allan. Ofveiði. Ofveiði sem ekki hefði átt sér stað ef Bretar hefðu haft stjórn á sínum eigin miðum með ábyrgri fiskveiðistefnu. Þér er velkomið að leita á vefnum að rányrkju spánverja.

—
Iðnaður og landbúnaður

Þú nefnir styrki í tengslum við iðnað, og ýjar óbeint að honum með landbúnaðinn. Hér á ég ekki við um tollfrjálsa aðganginn, hann er ótvírætt góður.
Hvað hefur þú fyrir þér í því að við fáum automatískt styrki frá ESB til þessara atvinnugreina? Vissir þú að ESB hefur verið að draga úr gengdarlausri styrkjaútbíttun undanfarin ár?

—
Heilbrigðismál
Hvað kemur þetta ESB við? Rannsóknarvinna meðal stofnana er á alþjóðavísu, hún er ekki bundin við viðskiptasamninga á borð við ESB. Íslenskar heilbrigðisstofnanir eru nú þegar í mjög góðu sambandi við slíkar stofnanir og rannsóknarstofnanir BÆÐI í Evrópu og Ameríku.

Falcon 1.

Ég ætla að reyna að svara þér því ég tel það mjög mikilvægt að RÆÐA málaflokka efnislega ef á annað borð er rætt um að RÆÐA þessi mál.

Hvað þekkingarsvið heilbrigðismála varðar þá vantar okkur ekki aðgang að því, frekari en er til staðar. Útflutningur á þekkingu þ.e. t.d. menntuðum heimilislæknum til Norðurlanda, hefur nú þegar átt sér stað, án þess að við séum í ESB.
Íslensk lyfjafyrirtæki eru nú þegar með starfssemi í Eystrasaltslöndum, þannig að þekking hefur nú þegar verið flutt út á þvi sviði.

Hins vegar tel ég að þær athugasemdir sem við myndu fá til baka við inngöngu í Esb, myndu trúlega vera þær að við eyddum of miklu fjármagni í sérfræðilækningar hér á landi, þe. við oflæknuðum þjóðina með ónáuðsynlega eyðslu af skattfé sem nýta mætti betur í grunnþjónustu við' heilbrigði.

Núverandi stjórnvöld hér á landi hafa hins vegar áttað sig á þessu þannig að þessi skilaboð þurfum við ekki að fá frá Brussel.

Hvað varðar bæði landbúnað og sjávarútveg þá verður fyrst og síðast að líta til þess að við lifum langt frá mörkuðum og flutningskosnaður okkar á markaði er mun meiri en annarra þannig að tap okkar í því sambandi mun ekki verða niðurgreitt af annarra hálfu og SÖKUM ÞESS er það ekki flóknara en svo að hagkvæmni okkar felst í því að mínu áliti , vera sjálfum okkur nóg, fyrst og fremst og hafa yfirráð yfir okkar auðlindum til lands og sjávar, og flytja umfram magn afurða út eins mikið unnið og mögulegt er í stað þess að flytja út hráefni til vinnslu erlendis.

Bæði kvótakerfin hafa lotið endurskoðun og munu lúta áframhaldandi og til þess eigum við ekki að þurfa erlenda íhlutun.

Við erum menn til þess að leysa þau mál hér heima.

Hvað varðar iðnaðinn þá er skoðun mín um skammtímahagnað byggð á því að framleiðni er hér mjög lág þannig að tollfrelsi muni verða skammtímagróði en við síðan ekki standa okkur sökum í fyrsta lagi flutningskostnaðar á markaði og í öðru lagi lágmarksframleiðni.


Velferðarkerfið íslenzka er kapítuli út af fyrir sig og myndi þýða möppuflóð athugasemda frá Brussel rétt eins og frá Ríkisendurskoðun, og enn og aftur við munum aldrei fá niðurgreiðslur frá Evrópuþjóðum til þess að stoppa í götin í því kerfi. Það verðum við nú og síðar að laga sjálfir, með betri skiptingu skatttekna og skilvirkara skipulagi.

Hvað varðar “ dabba hjal ” þá vil ég segja það að rétt eins og sérfræðingar í heilbrigðiskerfinu vildu ekki taka upp tilvísanir á sínum tíma til þess að ráða sinni vinnu, þá vill Þjóðhagsstofnun einnig halda áfram starfssemi og opinberir starfsmenn hér á landi vegna umsvifa ríkisins telja sumir hverjir að sjálfsagt og eðlilegt sé að margir sinni nákvæmlega sömu verkefnum hér og þar þótt lítlum tilgangi kunni að þjóna í raun,
á þjóðhagslegan mælikvarða í heild.

með góðri kveðju.
gmaria.

Algjörlega sammála Pipppi!

Btw. Sumir sem hafa tekið þátt í þessari umræðu hérna, trúa því að við þurfum að borga meira en allar aðrar þjóðir í ESB. Sannar bara við hvers konar fáfræði um ESB er í gangi hérna.

Stofnanir HÍ hafa ekki bara verið að skjóta sig í fótinn heldur líka í hausinn að undanförnu, enda er álit fólks að verða minna en ekki neitt á þeim verðlausa pappír sem kemur frá þessum stofnunum.

kveðja,
Falcon1

china,

Dabbi mun ekki sitja mikið lengur við valdastól (sem betur fer). Fólk er byrjað að sjá þessa einræðistilburði og hreinlega hálfvitalegt tal um mál sem mun skipta þjóðina sköpum.

Málið er það að Dabbi og xD hefur slegið skjaldborg utan um valdaklíku þjóðarinnar (LÍÚ o.fl.) og mun það að endingu verða honum og xD að falli.

Kveðja,
Falcon1

Sæl gmaria,

enn og aftur ertu að líkja ósambærilegum hlutum saman. Það er ekki hægt að líkja álitum um kjaramál og verðbólgu, þ.e. innlendar stærðir, við miklu stærra og flóknara dæmi sem inniheldur margar óvissuþætti sem verður ekki komið á hreint nema með aðildarviðræðum við ESB.

Í raun er tilgangslaust að reikna sig fram og aftur fyrr en eftir að aðildarviðræður hafa átt sér stað og við vitum nákvæmlega hvað við fáum.
Þetta gerðu Norðmenn, en höfnuðu í þjóðaratkvæði. Hvers vegna getum við ekki farið að þeirra dæmi? Þurfum við alltaf að reyna að finna upp hjólið?

kveðja,
Falcon1