viceroy fyrir 22 árum, 7 mánuðum Fjöldi lestra: 2068

Hraðamælingar lögreglunnar/aðferðir rangar?

Fyrir einhverjum árum tíðkaðist það að lögregla faldi sig á góðum stöðum í umferðinni til að sjást sem minnst frá komandi umferð, svo þeir sem stunduðu ofhraðaakstur héldu sínum hraða framhjá sínum mælum, svo þeir gætu stoppað þá.
Á endanum var því breytt í að lögreglan mátti ekki fela sig, þar sem fólki fannst það óþægilegt að láta fylgjast með sér án sinnar vitundar.
Síðan því var breytt mátti löggan ekki fela sig og varð undantekningarlaust að hafa stöðuljósin kveikt svo þeir væru greinilegir.
En þeir reyna enn að láta sjást sem minnst í sig svo að þú hafir sem minnstan tíma til að bremsa þig niður áður en þú kemur í geislann þeirra skemmtilega.

Er það rétt aðferð lögreglunnar?
Eru þeir virkilega bara þarna til að góma þá sem stunda hraðaakstur?
Ég hélt þeir ættu að vera þarna til þess að stjórna umferðarhraðanum.
Það hefur sannað sig og sýnt að þegar löggubíll er nálægt þá minnkar umferðarhraðinn, og oft sér maður þá leika sér rétt aðeins að ökumönnum og keyra á 50 upp Sæbrautina t.d. og allir fylgja eftir á sama hraða.
Hvort er sniðugra?
Hvort er sniðugra að vera vel sýnilegur og halda umferðarhraðanum niðri á t.d. hættulegum stöðum á götum borgarinn og hvar sem er, eða að fela sig og góma \“vondu kallana\”?
Hvaða gagn gerir það?
Ekki neitt.

Þessi grein er kannski ekki merkileg, né fjallar um stóran hlut, en þetta gæti fækkað slysum og hraðakstri mjög að hafa hana vel sýnilega á góðum stöðum, og oftar en þeir eru við þessi störf.

Ég hef séð aðferðir lögreglu og heyrt um, í öðrum löndum, þar sem einn er sýnilegur… En hann fer ekki á eftir þeim sem keyrir, heldur eru 2 bílar svolítið lengra áfram á veginum, sem eru í beinu bandi við þá og þeim er tilkynnt frá mælingarbílnum og sá stoppaður og sektaður eða sviptur eftir því sem við á.
Ég hef séð þá gera þetta hérna og þetta er sniðug aðferð og gerir það að verkum að mælingarbíllinn getur haldið sinni stöðu og haldið áfram að mæla.

En jámm, ég held að þessar aðferðir lögreglunnar í RVK og kannski víðar á Íslandi séu rangar að öllu leyti… Það eina sem þetta gerir er að góma einn og einn í staðinn fyrir að halda hraðanum niðri.

Takk fyrir mig í bili

ViceRoy

reynzi fyrir 22 árum, 7 mánuðum

þetta er alveg hárrétt hjá þér!

Nei engin undirskrift hjá mér

Fyrra álit

halli2 fyrir 22 árum, 7 mánuðum

Má lögreglan ekki fela sig við mælingar? OG má hún ekki hafa slökt ljósin algjörlega??

Ertu með 100% heimildir fyrir þessu?

halli

Hallgrimur Andri

Fyrra álit

viceroy fyrir 22 árum, 7 mánuðum

já löggan má ekki fela sig, ég er með 1000% heimildi

Fyrra álit

lhg fyrir 22 árum, 7 mánuðum

Gott að hafa það á hreinu :)
Veistu annars í hvaða lögum það er? Er það líka alveg öruggt með hraðamyndavélarnar að það er alltaf skilti áður en maður kemur að myndavél? En rauðu ljósa vélarnar? Þurfa þeir þá ekki að hafa skilti fyrir þær líka?

Fyrra álit

davidjons fyrir 22 árum, 7 mánuðum

keyrir þú á 15 í götum þar sem hámarkshraði er 15? ég hef ekki séð 15 strikið á neinum mæli

Fyrra álit

Bake fyrir 22 árum, 7 mánuðum

Ég veit ekki hvort það sé hreinlega bundið í lög eða ekki, en þetta er tilkomið vegna þess að fyrir einhverjum árum síðan gerðist það að löggan var lögð út í kant nálægt Eyrarbakka að mig minnir, með ljósin slökkt. Svo keyrði einhver ökumaður framhjá þeim og fór frjálslega með hámarkshraðann, löggan spratt sumsé af stað “out of nowhere” með ljósin og sírenurnar í botni, ökumanninum brá víst svo svakalega að hann keyrði útaf veginum og stórslasaði sig. Síðan þá hefur það víst brotið í bága við reglugerðir eða einhvern fjandann að liggja í leyni.

Ford Prefect: “How would you react if I told you I was not from Guildford but from a small planet somewhere in the vicinity of Betelgeuse”

Fyrra álit

lhg fyrir 22 árum, 7 mánuðum

Fyrra álit

basten fyrir 22 árum, 7 mánuðum

Viceroy þú ferð með algerar fleipur!!!

Lögreglan má víst fela sig og hún þarf ekki að vera með stöðuljósin kveikt (samkvæmt verklagsreglum lögreglunnar um hraðamælingar).

Lögreglan þarf heldur ekki að sýna hraðatölu á skjá radarsins, það er nóg að tvær löggur hafi séð töluna á skjánum og eru fullvissir um hvaða bifreið ók á þeim hraða.

Það er mjög mikið af allskonar kjaftasögum og vitleysu varðandi það hvað lögreglan má og má ekki. Oftar en ekki eru þessar sögur einmitt komnar frá ökukennurum, þó þeir séu sjálfir löggur. Sumir vita bara ekki betur.

Sjálfur er ég með mjög góðar upplýsingar um þetta og þær eru ekki komnar frá uppgjafalöggum eða lögregluskólanemum.

Fyrra álit

Wannabe fyrir 22 árum, 7 mánuðum

Varðandi skekkjumörk í hraðamælingum þá eru það 3km á undir 100km/h og svo 4km á yfir 100km/h

Nonni

Fyrra álit

viceroy fyrir 22 árum, 7 mánuðum

ok, Kannski ég fór með rangar upplýsingar.
En finnst þér hún ætti að vera að fela sig?
Hvaða gagn gerir hún ef enginn sér hana?
Jú nær nokkrum og búið, allir hinir keyra alveg eins.

ViceRoy

Fyrra álit

[Notanda eytt] fyrir 22 árum, 7 mánuðum

Ég er fátækur námsmaður :( en gengur vel í skóla og mæti alltaf á réttum tíma. Ég bý 7 kílómetra frá skólanum mínum og þarf að fara á hraðbraut þar sem er 90 km hámarkshraði. Ég fer í skólan korter í 8 og keyri á löglegum hraða (90-100) og hef alltaf gert það NEMA þegar maður gleymir sér. Ég fylgist ekkert alltaf með hraðamælinum, þá væri ég löngu búinn að keyra út af. Ég lít á hann öðrum hverju og ef ég er komin t.d. uppí 110 þá hægi ég aftur á mér. Ekkert mál, flestir gera þetta. Örugglega löggan líka, hún er jú mennsk. En ég sé allt í einu blá ljós á móti mér og á sama auganbliki sá ég að ég var á 110. Hefði ég séð það sjálfur eftir örfáar mínutur eða sekúndur (reglulega skoðunin á hraðamælinum sem ég minntist á áðan) þá hefði ég hægt á mér. Ég útskýri þetta fyrir löggunu og hún hlær bara og segist hafa heyrt allar afsakanir í bókinni. Ég tek þetta sem móðgun þar sem ég er mjög löghlýpin í umferðinni. En þetta varð til þess að ég mældist á 111km kærður fyrir 107 (skekkjumörkin er 4 km.) og þurfti að borga 10000 kr og ég átti ekki rass og þurfti að fá lánað til að borga þetta helvítis kjaftæði og missti hálftíma af fyrsta skólatímanum (sem er 55. mín)
Þetta varð til þess að ég ber núna enga virðingu fyiri helvítis löggusvínunum og þær gera ekkert nema að flækja líf okkar. (Að sjálfsögðu er til undantekningar en löggan þarf að finna nýjar leiðir til að sigta út óþverrana)
Takk fyrir að lesa þetta og ég vona að löggan finni nýjar aðferðir í hraðamælingum og að sigta út ökuþóra.

Fyrra álit

octavo fyrir 22 árum, 7 mánuðum

Fender: Löggan lítur á skírteinið þitt og sér að þú ert 17 ára, ályktar að þú hafir verið að “prófa” bílinn og tekur engar afsakanir gildar. Má vera að þetta sé aldursmismunun en þú máttir nú líka vita að ef þú yrðir hankaður yrði þér engir greiðar gerðir.

Einnig má líta á málið þannig að úr því þú ræður ekki við að fylgjast með hraðanum átt þú ekki að keyra þetta hratt.

Passaðu þig á að fara ekki yfir 100 á þessum kafla, þú ert 4,2 mínútur að fara þetta á 100km/h en 3,8 á 110km/h, eru 24 sekúndur 10.000 króna virði?

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

lhg fyrir 22 árum, 7 mánuðum

Hún gerir það gagn að þeir sem hún nær fara að keyra hægar alltaf, ekki bara þegar þeir sjá löggu, þ.e. nema þeir vilji fá sekt/sviptingu.

Fyrra álit

boossmio fyrir 22 árum, 6 mánuðum

"Hvaða gagn gerir [löggan] ef enginn sér hana?“
Ef þú veist ekki hvar löggan er er best að hægja á sér til öryggis. Annars verður maður böstaður að lokum og þá huxar maður sig tvisvar um áður en maður keyrir of hratt aftur.
Semsagt, ef maður vill ekki verða nappaður þá er best að aka ekki of hratt til að koma í veg fyrir að verða nappaður. Annars verður maður bara að læra.

”…þar sem fólki fannst það óþægilegt að láta fylgjast með sér án sinnar vitundar."
Þetta er örugglega fólk sem fer aldrei í bæinn, Kringuna eða í verslanir með öryggismyndavélum, maður veit aldrei hvort e-r sé að fylgjast með manni. Hehehe.

(þetta er mitt álit og þú þarft ekki að gera lítið úr því en mig langar að vita ÞITT álit líka)

“Ef konur væru með 3 brjóst, væru menn þá með 3 hendur?”, boossmio

Fyrra álit

viceroy fyrir 22 árum, 6 mánuðum

Nei nei það er nokkuð til í þessu hjá þér.
Spurningin er eingöngu hvort væri í raun betra.
Annars er nú bara líka spurningin um það hvort það ætti ekki einfaldlega að hækka launin hjá þessum greyjum, þau eru víst ekki nema um 103.000 grunnlaun á mán.
Því hærri laun, því fleiri myndu kannski sækja um, því fleiri væru á vaktinni, því fleiri gætu haft augun opin, því strangara eftirlit.

Jæja, sjáum bara hvað gerist úr þessu öllu saman.

ViceRoy

Fyrra álit

boossmio fyrir 22 árum, 6 mánuðum

Best er að hafa bara lögguna á prósentum eða að “sá sem sektar mest í nóv. fær rjúpu fyrir jólin” þá mundu þeir reyna að ná sem flestum.

:)

(þetta var bara spaug)

“Ef konur væru með 3 brjóst, væru menn þá með 3 hendur?”, boossmio

Fyrra álit

[Notanda eytt] fyrir 22 árum, 7 mánuðum

Ég Sá Lögguna Vera stopp upp á Umferðareyju áðan að Mæla á Ómerktum Opel Vectra!!! Bara Leit út eins Og Venjulegur Bíll!!!

Löggan Er ekki alltaf með Parkljósin á og Sýnileg!!

Fyrra álit

Nefi fyrir 22 árum, 7 mánuðum

dökk/vínrauð opel Vectra, eineygð í þokkabót, sá hana undir brúnni á sæbr./Reykjanesv. að mæla.

Fyrra álit

[Notanda eytt] fyrir 22 árum, 7 mánuðum

Viss um að þetta hafi verið löggan? Það er t.d. ekki óalgengt að á gatnamótum Hringbrautar og Njarðargötu séu þrír til fjórir bílar á grasinu. Fyrst hélt ég að þetta væri löggan á ómerktum bílum, en svo kom í ljós að þetta var bara eitthvað fólk að mæla umferðina. Þannig að það er nú ekki víst að þetta fólk sem þú sást hafi verið löggan við hraðamælingar.

Fyrra álit

[Notanda eytt] fyrir 22 árum, 7 mánuðum

Þetta var Lögga að Mæla í gær!! Þeir voru í Löggu Fötum og í glugganum Var úlpa sem á Stóð Lögreglan!

Ég veit um einn sem var stoppaður Fyrir Of Hraðan Akstur.

Löggan Var Hvergi Sýnileg, Og Hann mátti ekki fá að sjá Mælinguna. Þetta var semsagt Einn bíil að Mæla, Einn bíll að sekta!

Fyrra álit

lhg fyrir 22 árum, 7 mánuðum

Ef þeir þyrftu að treysta eingöngu á það að vera sýnilegir til að halda hraðanum niðri þá dugar það bara á þeim stað sem löggubíllinn er og bara svo lengi sem hann er þar. Hins vegar ef fólk lendir í því fá sektir af því að löggan lá í leyni þá fer það kannski að keyra hægar þó það sjái ekki lögguna neins staðar vegna þess að það vill ekki láta nappa sig aftur. Hraðatakmörk eiga líka að gilda þó löggan sé ekki á svæðinu (eða þó þú haldir að hún sé það ekki).

Fyrra álit

DOLLI fyrir 22 árum, 7 mánuðum

just drive slower, hverjum er ekki sama hvernig löggan mælir…………keyrið bara hæga

Fyrra álit

viceroy fyrir 22 árum, 7 mánuðum

Eg keyri samkvæmt reglum, nema ég er ekki búinn að láta skoða bílinn. Það er ekki það að ég hafi áhyggjur af því hvernig ég keyri, heldur hvernig hinn keyrir.
ÉG keyri á löglegum hraða og fylgist með, en eins og aðrir segja, hinir geta verið ruglaðir!

ViceRoy

Fyrra álit

boossmio fyrir 22 árum, 7 mánuðum

Fyrir tveimur árum var ég nappaður. Var mældur á 130(-4=126) þar sem var 70 og ég get sagt þér að ég fer sjaldan upp í 100 lengur. Held mig á max 90, en venjulega 80 þar sem er 70.

Ég fór nefninlega að pæla í málunum:
*Svifting er ömurleg.
*Sektin er blóðpeningar.
*Vegir landsins þola ekki mikinn hraða.
*Maður sparar ekki nema nokkrar mínútur -í mestalagi- á hraðakstri (sérstaklega þar sem eru umferðarjós).
*Og svo má tína margt fleira til sem ég nenni ekki að skrifa.

Þeir sem ekki pæla eftir að hafa verið nappaðir og halda áfram að keyra eins og hálvitar eru, að ég held, þeir sem gefa í um leið og þeir eru komnir framhjá löggu að mæla.

PS. ég tek framúr löggum sem keyra á/undir hámarkshraða. Það er engin sekt ef maður er á 10 yfir hámarkshraða.

(Ég er ekki búinn að gera vísindalegar rannsóknir á neinum af ofangreindum atriðum og því er þetta svar ekki heimild eða kletttraust staðreynd og krítíseringar á smáatriði eru óþörf)

“Ef konur væru með 3 brjóst, væru menn þá með 3 hendur?”, boossmio

Fyrra álit

acme fyrir 22 árum, 7 mánuðum

Ég tek undir nær allt sem “boossmio” Segir hér, og sérstaklega þetta með tímasparnaðinn á milli ljósa. Ég ég ók í mörg ár sem sendibílstjóri hér í borginni, og mín reynsla af hraðakstri er sú að til að spara sér einhvern tíma þarf að aka verulega stíft, og það er ekki þannig sem við viljum hafa umferðina, fyrir utan hve stórhættulegt það er. Ég hef prufað margskonar aksturslag og það sem mér fynnst koma best út er þessi jafni hraði, og passa að lenda ekki á rauðu (frekar að slá aðeins af heldur en að gefa allt í botn), því að þegar upp er staðið þá er maður oftast á svipuðum slóðum og þeir sem aka um svigandi á milli akgreina og gefa í á milli ljósa. Svo ekki sé minnst á orkusparnað með jafnari akstri.
Þeir sem halda áfram að aka eins og hálvitar þegar að þeir eru komnir framhjá laganavörðum, og jafnvel eftir að hafa verið stöðvaðir, eiga það bara skilið að taka út sína sekt og/eða sviptingu fyrir vikið.
Umferðin er frumskógur þar sem öll dýrin eiga að geta verið vinir.
Og annað sem ég er sammála með, það þarf ekki alltaf að vera með krítik á smáatriði, það hefur oftast ekkert uppá sig annað en leiðindi.

Have a nice DAY !

Fyrra álit

Nefi fyrir 22 árum, 7 mánuðum

“Ég hef séð aðferðir lögreglu og heyrt um, í öðrum löndum, þar sem einn er sýnilegur… En hann fer ekki á eftir þeim sem keyrir, heldur eru 2 bílar svolítið lengra áfram á veginum, sem eru í beinu bandi við þá og þeim er tilkynnt frá mælingarbílnum og sá stoppaður og sektaður eða sviptur eftir því sem við á.
Ég hef séð þá gera þetta hérna og þetta er sniðug aðferð og gerir það að verkum að mælingarbíllinn getur haldið sinni stöðu og haldið áfram að mæla.”

þetta má ekki, löggan sem mælir þig verður/ á að stoppa þig. Oh ef þú ert stoppaður verður löggan að hafa hraðann á bílnum vistaðan í vélinni, ogef þú ferð 11 km yfir hámarkshraða þá má löggan stoppa þig ekki fyrr.. eða hún má ekki sekta þig fyrr. hún má stoppa hvern sem er hvenæer sem, en ekki sekta þig fyrr en 11 km yfir.
ÞETTA ERU “FIRST HAND” UPPLÝSINGAR FRÁ LÖGGUM.
Annars vegar frá ökukennara mínum sem er yfirmaður í umferðalöggunni og hins vegar tveir vinir mínir sem eru núna i löggunni, annar er lögga hinn er að útskrifast úr skólanum.

Fyrra álit

bjornjul fyrir 22 árum, 7 mánuðum

Hæhæ

Ég heyrði það einhverntíma að þessir 11 km +/- væru skekkjumörkin í mælingargræjunni og þessvegna væri ekki hægt að sanna að þú hefðir verið yfir hraða nema reikna þessi skekkjumörk inní. Afturámóti ef þú ert spurður “Veistu hvað þú varst að keyra hratt ?” Og þú svarar “ehrm 95” þá ertu búinn að viðurkenna að hafa verið á of miklum hraða og þá væri hægt að sekta þig.

Þetta er allavega e-ð sem ég hef alltaf haldið :)

En … ég þarf ekki að hafa áhyggjur … keyri alltaf á löglegum hraða :Þ

kv
bjornjul

kv,

Fyrra álit

[Notanda eytt] fyrir 22 árum, 7 mánuðum

Skekkjumörkin eru 4 Kmh.

Fyrra álit

Bake fyrir 22 árum, 7 mánuðum

Neibb, ekki rétt, vikmörkin eru 3km +/- … það veit ég vel vegna þess að síðasta sumar voru það þessi vikmörk sem rétt björguðu mér frá sviptingu. (92km á nær óbyggðu 50km svæði) Eftir vikmörkin voru þetta 89 km og ég “slapp” með 16þús. kr. sekt.

Ford Prefect: “How would you react if I told you I was not from Guildford but from a small planet somewhere in the vicinity of Betelgeuse”

Fyrra álit

krilli fyrir 22 árum, 7 mánuðum

“þetta má ekki, löggan sem mælir þig verður/ á að stoppa þig.”

Heimskulegt ef satt er.

Til hvers?

Af hverju?

Eini ókosturinn við að hafa fleiri en einn bíl við hraðamælingar og -sektanir er að það er dýrara.

Ég sé ekki hvar er brotið á borgaranum við að það sé annar bíll sem stöðvar hann en mælir hann.

Ósamræmi? Möguleikar lögreglunnar á lygum og ósanngjörnum sektarboðum? Hvernig?

nefi: ég er ekki að efast um það sem þú segir, ég er að hafa orð á því að það þurfi að laga lögin.

-k-

Fyrra álit

Bake fyrir 22 árum, 7 mánuðum

Tja, ef við göngum út frá því að sá sem mældi þig kemur ekki einu sinni til þín þegar hinn hefur stöðvað þig, þá geta þeir basically sagt að þú hafir verið á hvaða hraða sem þeim dettur í hug. Persónulega vil ég amk. sjá radarbyssuna með þeim hraða sem þeir mældu mig á.

Ford Prefect: “How would you react if I told you I was not from Guildford but from a small planet somewhere in the vicinity of Betelgeuse”

Fyrra álit

Nefi fyrir 22 árum, 7 mánuðum

Jú jú veltil fundið, en þetta eru “gráu” svæðin sem maður getur hugsanlega reddað sér úr með réttu málfari. Það þarf að bæta lögin, og herða til muna, en þessir púntar komu frá Ö.K. mínum sem var bara að reyna að hjálpa mér frá óþarfa böggi. En ég lendi samt alltaf í hinsegin böggi með lögguna.. fyndið.

Fyrra álit

Fluffster fyrir 22 árum, 7 mánuðum

Uhm, ég var böstaður svona í gærkvöldi á 81km hraða á sæbrautinni (einn að mæla undir brúnni, tveir að sekta við endurvinnsluafreinina).

Hvað eru þetta gamlar upplýsingar hjá þér?

I have a plan so cunning you could put a tail on it and call it a weasel!

Fyrra álit

viceroy fyrir 22 árum, 7 mánuðum

Eimitt staðurinn sem ég hef séð þá gera þetta.

ViceRoy

Fyrra álit

Nefi fyrir 22 árum, 7 mánuðum

Sorry mar´ ef þú ert á 81 á sæbraut má alveg hirða þig, en þessar uppl. eru upphaflega frá 1998, EN hafa verið endurnýjaðar reglulega, OG einmitt þessi umræða kom upp síðast 28 apríl, þar sem ég fékk forvitni minni svalað um þetta… en hey. Löggan gerir það sem henni sýnist og ef þú ert með múður þarftu að koma með heila rútu af fólki: 2 borgarar gegn 1 löggu er LÁMARK, og löggur eru alltaf 2 saman þannig það verða að vera þú +3…

Fyrra álit

gummiz fyrir 22 árum, 7 mánuðum

einhverstaðar heyrði ég að ein lögga væri 4 VITNI!!!!!!!!!!!!!!!!!!!!!!!!!!!!!!!!!!!!!!!!.kvGUMMI

Fyrra álit

Vij fyrir 22 árum, 7 mánuðum

ég var einu sinni tekin á 95 þar sem hámarkshraði var 90 ,,,, löggan sleppir þeim sem eru eldri en 28 og tekur þá sem eru yngri í svona tilvikum

Fyrra álit

ZorK fyrir 22 árum, 7 mánuðum

Ef þú hefur verið tekin á 95 þar sem hámarkshraði var 90, þá skiptir það engu máli hvort þér hafi verið slept eða þú fengið sekt að þá hefur þú verið göbbuð/aðu

Fyrra álit

reynir77 fyrir 22 árum, 7 mánuðum

Það sem mér finnst reyndar messt pirrandi við þetta allt saman er að það fordæmi sem lögreglan gefur er algjörlega í ósamræmi við allt, lögin og það að þeir skuli sekta mann fyrir að vera kanski 15 yfir hámarkshraða þegar aðstæður leyfa það alveg.

Sem dæmi, þá var ég að keyra á löngum, þráðbeinum kafla á Suðurlandsbraut, það var mjög gott skyggni og þurr vegur. Það sem meira er, engir bílar voru í kringum mig og engin gatnamót frammundan.
OK þarna er 50 km hámarkshraði, en ég var á 65. Löggan stoppaði mig og sektaði. Daginn eftir sá ég lögreglubíl keyra þarna á sama stað á milli 70-80 km hraða.

Minn púntur er sá að í fyrsta lagi er oft fáránlegt hvað hámarkshraðinn er því ég held að flestir heilvita menn geti vegið og metið aðstæðurnar og hagað ökuhraða sínum eftir því og þá ætti maður ekki að þurfa að gjalda fyrir það.
Í öðru lagi er lögreglan ekki sjálfri sér samkvæm, því lögreglumenn þeir gera jú oftast eins og aðrir; meta aðstæður og haga ökuhraða eftir því í stað þess að halda sig akkurat við löglegan hraða.

Fyrra álit

[Notanda eytt] fyrir 22 árum, 7 mánuðum

ég fer sjaldan yfir 90km, það bara einfaldlega borgar sig ekki. Bjánalegt að vera rembast eitthvað að taka framúr og lenda svo á rauðu ljósi og þurfa bíða þar! Bensíneyðsla og pirringur!

Fyrra álit

[Notanda eytt] fyrir 22 árum, 7 mánuðum

Þeir eiga náttúrulega að góma þá sem aka of hratt til þess að þeir geri það ekki aftur. En ef að lögreglan ætti að stjórna umferðarhraðanum þyrfti hún að vera alls staðar, og er fjármagn í það?

Fyrra álit

mogull fyrir 22 árum, 7 mánuðum

Vá,það er ótrúlegt hvað sumu fólki finnst erfitt að skilja að það er bannað að aka yfir löglegum hámarkshraða og verður svo alveg brjálað út í lögguna fyrir að taka sig fyrir ofhraðann akstur,ef að fólk lætur standa sig að því að keyra hratt þá á það bara að borga sektina og þegja!Þetta eru þeirra mistök ekki lögreglumannssins sem tók viðkomandi.Fólk vill oft gleyma því að það er að brjóta lög.Þetta er alveg ótrúlegur barnaskapur og væll í fólki sem getur ekki farið eftir svo einföldum reglum sem umferðarlög eru,ég er ekki að segja að ég brjóti ekki umferðarlög það hafa ábyggilega flestir gert en ég hef þó vit á því að þegja og vera ekki að flagga mistökum mínum því að það er ég sem hef brotið af mér ef ég hef farið yfir hámarkshraða eða brotið önnur umferðarlög.Og eitt enn að segja að það sé ósanngjarnt að vera tekinn fyrir ofrhaðann akstur við góð akstursskilyrði er alveg eisn og að segja kommon ég lamdi guttann bara af því að ég var dauðadrukkinn!
rugl.

______________________________________

Fyrra álit

kvarkfox fyrir 22 árum, 7 mánuðum

ég er síður en svo sammála þessum fullyrðingum. það er ekki endalaust hægt að svara öllu með “kanamella” eða “keith richards” eða “dreifbýlisstyrkir”. menn verða að byrja á réttum enda, réttu megin. þetta mál er farið að minna óneitanlega á moephiusar-borðann, sem (fyrir þá sem ekki þekkja), hefur einungis eina hlið, á meðan allir aðrir hafa tvær. (moephiusar-borða er auðveldlega hægt að útbúa með þeirri einföldu aðferð að taka annan enda venjulegs borða og snúa í hálfhring, þannig gæti maður (ef borðinn væri í þeirri stærð) gengið eftir borðanum endalaust á “sömu hliðinni” þ.e einu hlið borðans)
eilífar hártoganir um jafn augljóst umræðuefni með jafn augljósa niðurstöðu, get ég ekki liðið, verður ekki liðið, mun ég ekki líða. asnalegast finnst mér þó (sumum gæti fundist ósanngirni gætt í orðinu “asnalegast” og eru þeir hinir sömu vinsamlegast beðnir um að prenta út þessa grein og troða henni uppí rassgatið á sér) þegar menn tala um “deilimynstur”, en þá hringavitleysu sem það mál hefur orsakað finnast vart viðlík dæmi um í mannkynssögunni, en því verða gerð nánari skil á þess vettvangi. takk fyrir.

Fyrra álit

xark fyrir 22 árum, 6 mánuðum

kvarkfox: Þú svarar öllum greinum með þessu sama svari sem er ekki um neitt.

Fyrra álit

Deiglan

Deiglan

Ofurhugar

Hverjir eru inni

Greinar

Hraðamælingar lögreglunnar/aðferðir rangar?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi