Þú ert kannski ekki við það að snappa en þú ert kannski líklegri til þess að snappa heldur en einhver sem hlustar bara á Britney og horfir á Stubbana og spilar Sims. Þetta er í rauninni bara imba aðferð til að taka út hóp af kannski 20 manns sem námsráðgjafinn ætti að skipta sér meira af til að vita hvað þeir eru að spá. Ekki þannig að neinn af þeim séu að spá í að skjóta á skólann en ef einhver í skólanum snappar þá er það líklegast einhver af þessum 20.

Annars er ég alveg sammála því að takmarka byssueign almennings. Ef einhver snappar þá er mjög auðvelt fyrir hann að drepa fjölda manns ef hann hefur aðgang að byssu. Ekki eins auðvelt að gera það með eldhúshníf. Ég sé hins vegar enga glóru í því að vera að banna skotleiki og litbolta. Þú drepur engann með litboltabyssu er það nokkuð? :)

Ef þú værir andlega veikur á geði, myndi ég alveg trúa þér til þess að stúta skólafélögunum þínum einn daginn.

Þú hefur allt sem þarf til, alvöru skotvopn, hefur gaman af því að drepa (skepnur í raunveruleikanum, mannsfólk í óraunveruleikanum.. en hvernig áttu að þekkja muninn á óraunveruleika og raunveruleika ef þú ert ekki andlega heill).

Tónlist kemur málinu ekki við:)

Ef ég væri í þínum sporum, myndi ég passa upp á svefnvenjur mínar, því í gegnum tíðina hafa tölvuleikir verið þekktir fyrir það að valda geðbilun ef maður stundar þá of lengi samfleytt.

Persónulega spila ég skotleiki á hverjum degi, og hef gaman af - en ég myndi ekki þora að hafa alvöru skotvopn á mínu heimili, svona just in case:)

Vandamálið er ekki FPS leikir, sjónvarpið eða skotvopnaeign almennings. Sumir menn einfaldlega “snappa” undir álagi og getur það verið hver sem er. Maður veit aldrei neitt fyrr en of seint.

Skotvopnalögin á Íslandi eru algjör brandari og er ekkert vandamál að fá skotvopnaleyfi. Námskeiðið er bóklegt 95% og svo 5% verklegt.

Bóklegi hlutinn er skítléttur, bílprófið var erfiðara, páfagaukalærdómurinn virkar vel á þennan hluta.
Verklegi hlutinn er ennþá léttari en þar færðu að prófa græjurnar eða svo hélt ég. Fyrst er það haglabyssan, þar færðu að skjóta á leirdúfur en þarft ekki að hitta neina. Hérna færðu 4 skot. Riffilhlutinn er svipaður en þar er það 1 magasín eða 5 skot. Riflarnir eru skakkt drasl sem löggan hefur gert upptækt. Og aftur þarftu ekki að hitta neitt. Ég hef aldrei farið á eins mikið hraðsuðu námskeið og skotvopnanámskeið löggunnar er. Ég get ekki ímyndað mér að nokkur geti fallið á þessu prófi.

En þið getið andað rólega því á námskeiðinu eru mönnum kennt að bannað sé að geyma skotvopn og skotfæri á sama stað. Og mig minnir að það sé bannað að kaupa meira en 250-500 skot á sama stað í einu. Veiðibúðir í Reykjavík eru að vísu ansi margar og mig reiknast til að maður, með leyfi, geti sankað að sér 1500-3000 skotum með því að rúnta á milli búðanna.

Segjum að skotvopn verði bönnuð hvað þá. Það á ekkert eftir að koma í veg fyrir neitt. Innflutningurinn flyst bara meira neðanjarðar og er hann þónokkur nú þegar. Skotvopn eru heldur ekki einu vopnin í kringum okkur. Menn geta notað “vasahnífa” (12cm langt blað löglegt skv. vopnalögum), eldhúshnífa (engin ákvæði um blaðlengt), jafnvel vatn ásamt 2-4 öðrum löglegum hlutum er hægt að nota í einfalda sprengju sem er álíka öflug og handsprengja, paintball byssum er hægt að breyta lítilsháttar til þess að gera þær skaðlegri, loftbyssum er auðveld að breyta líka og fyrir lengra komna þá er hægt að nota bómull + nokkra hluti í sprengju.

Ef menn fara að banna FPS leiki og sjónvarpsefni innan 21 t.d. þá fara yngri aðdáendur bara á netið og downloada þeim eða fá þá lánaða hjá eldra liði. Á flestum leikjum nú til dags er tekið fram á pakkanum og líka í installinu ef leikurinn er t.d. bannaður innan 18 í USA (16 hérna á Frónni).

Málið er einfalt, það þarf alltaf að vera einhver sökudólgur og nú er í tísku að kenna tölvuleikjum um flest allt. Spurning hvenær drykkjuvandamál eða reykingar verða tengd tölvuleikjum?

Úff.. segirðu þetta núna? Þú ert greinilega prime material í eitt stikki svona “Gone Postal” ;) Og ég sem er búinn að vinna með þér, ekki einu sinni heldur tvisvar. Greinilega verið í stór hættu..

Annars held ég nú að það séu ekki áhugamál sem gera fólk geðveikt, heldur að geðveikt fólk sem sækir í ákveðin áhugamál.

Það er rosalega mikið af byssum til hér, löglegum og ekki, t.d. mikið af hálfsjálfvirkum haglabyssum, eins og þýski strákurinn var með en notaði ekki. Sem betur fer hefur ekkert svakalegt gerst ennþá en ég er hræddur um að það sé bara tímaspursmál eins og þjóðfélagið er að verða.