ritter fyrir 22 árum, 7 mánuðum Fjöldi lestra: 323

"Lýðræðissinnar" mótmæla lýðræðinu

“Lýðræðissinnar” mótmæla lýðræðinu

Það hefur víst ekki farið framhjá neinum kosningasigur hægrimannsins Jean-Marie Le Pens í forsetakosningunum í Frakklandi. Mikið moldviðri hefur skapast út af þeim atburði sem þó verður ekki betur séð en að sé mun umfangsmeira í fjölmiðlum en í raunveruleikanum. Dagblöð og ljósvakamiðlar eru uppfullir af upphrópunum og ábyrgðarlausum fullyrðingum sem eiga gjarnan lítið erindi við raunveruleikann eða innihalda skrumskælda útgáfu af sannleikanum.

Talað er um reiðarslag í frönskum stjórnmálum og hneyksli. Já, það er víst hneyksli nú orðið að menn skuli voga sér að kjósa samkvæmt sinni eigin sannfæringu. Það má víst ekki lengur. Maður sér varla frétt um þennan atburð þar sem því er ekki haldið fram að með þessu sé lýðræðinu í Frakklandi að hnigna og að helst eigi að banna Flokk Le Pens. Samt hefur Le Pen ekki nein stefnumál uppi um afnám lýðræðis í Frakklandi eða nokkuð slíkt. Hvað skyldi hafa gerst ef kommúnistar hefðu náð þessum árangri?

Svokallaðir lýðræðissinnar hópast á götum Parísar og mótmæla kosningum sem þó voru í alla staði lýðræðislegar. Það virðist því sem að fyrir slíkum aðilum gildi lýðræðið einungis þegar það hentar þeim en annars ekki. Banna á stjórnmálaflokka sem ekki eru “æskilegir” að mati þessara aðila og einungis að leyfa “viðurkennda” flokka sem hljóta náð fyrir augum valdhafanna. Stjórnarfar í ríkjum eins og Hitlers-Þýskalandi og Sovétríkjunum kemur óþægilega fljótt upp í hugann…

Þessi atburður ætti annars að vekja ráðamenn í Frakklandi úr dvala hvað varðar innflytjendamál landsins. Um fimmtungur franskra kjósenda, sem tóku þátt í þessum kosningum, eru með þessu að senda augljós skilaboð um að þeir vilji að tekið sé á málaflokknum í stað þess að neita stöðugt að horfast í augu við vandmálin og láta þau þess í stað krauma og vaxa undir yfirborði sem reynt er að halda sléttu og felldu. Fyrr eða síðar flýtur upp úr pottunum og þá verður æði erfitt, ef ekki útilokað, að rétta við það sem menn hafa fram að því vanrækt. Menn uppskera eins og þeir sá í þessu eins og öðru.

Að lokum skal tekið fram, til að forðast sleggjudóma sem ákveðnir aðilar hafa víst stundum þörf fyrir að fella, að þessi grein er ekki rituð til varnar Jean-Marie Le Pen heldur til varnar lýðræðinu.

Hjörtur J.

Með kveðju,

[Notanda eytt] fyrir 22 árum, 7 mánuðum

Afhverju er lýðræði svona gott? Þetta er bara ágætis dæmi um að fólk vill ekki lýðræði, amk. ekki nema til handa útvöldum og þá kallast það ekki lýðræði lengur. Á kannski að afnema kosningarétt þeirra sem styðja Le Pen? Annað hvort er lýðræði handa öllum eða það er ekki lýðræði.

Lýðræðislegar kosningar eru tæki fyrir lýð landsins til að koma skilaboðum á framfæri. Í þessum kosningum kemur það bersýnilega í ljós að um 20% frönskuþjóðarinnar er óánægður með núverandi stöðu.

Reyndar er það sagt, held ég, að ein af aðal ástæðum þess að Le Pen fékk svona góða kosningu séu skoðanir hans á Evrópumálum og Evrópusambandinu ekki innflytjendamálum.

Fyrra álit

[Notanda eytt] fyrir 22 árum, 7 mánuðum

Lýðræði er gott því að í því fær fólk að velja á milli flokka sem það vill hafa sjálft og af því að lýðræðið hafnar öllum mannréttindabrotum og kynþáttahatri eins og hefur þekkst í einræðisríkjum sem eru alltaf mjög spillt.

Le Pen hefur barist gegn grundvallarreglum lýðræðisins og því er rangt að leyfa honum að bjóða sig fram.

Það voru 17% sem kusu Le Pen og það kom í ljós að 17% Frönsku þjóðarinnar eru rasistar.

Ástæða góðs gengis Le Pens er aðallega aukið hatur gegn gyðingum sem hann berst gegn en undanfarið hafa verið framin mikil spjöll á eigum gyðinga í Frakklandi og þær skemmdar.

Fyrra álit

[Notanda eytt] fyrir 22 árum, 7 mánuðum

Ah.. sé það núna.. lýðræði er gott því það fær fólk til að velja á milli flokka.. en bara ekki ef fólk velur flokk Le Pen? Og er það ekki lýðræði sem leyfir Le Pen að bjóða sig fram?

Fyrra álit

ritter fyrir 22 árum, 7 mánuðum

Sæll,

Já, eða eins og P4a sagði þá er lýðræðið víst bara fyrir suma en ekki aðra :)

Kv.

Hjörtu

Með kveðju,

Fyrra álit

[Notanda eytt] fyrir 22 árum, 7 mánuðum

Lýðræðið er fyrir alla sem virða lýðræðið.

Fyrra álit

ritter fyrir 22 árum, 7 mánuðum

Sæll,

“Afhverju er lýðræði svona gott?”

Það er auðvitað góð spurning og á að sjálfsögðu fullkomlega rétt á sér. Lýðræðið er auðvitað ekki heilagt frekar en önnur slík mannanna verk Ég held annars að Winston S. Churchill hafi orðað svarið best en hann sagði að lýðræðið væri eitthvað versta stjórnarform sem við gætum haft, gallinn væri bara að við hefðum ekkert betra.

Kv.

Hjörtu

Með kveðju,

Fyrra álit

[Notanda eytt] fyrir 22 árum, 7 mánuðum

Það hafa skapast mótmæli vegna þess að Le Pen vanvirðir öll mannréttindi og hann vill mismuna lituðum frökkum og þar með ógnar hann lýðræðinu því að grundvallarreglur lýðræðisins eru að allir menn hafi jöfn réttindi. Þessi mótmæli eru til þess að mótmæla öfgum, fáfræði, fordómum og kynþáttahatri Le Pen.

Fjölmiðlar hafa reynt að vara fólk við þessari hættu því að ef Le Pen verður kosinn þá mun Frakkland ekki verða betri en þriðja ríkið var.

Lýðræðinu í Frakklandi er að hnigna með þessu því að Le Pen virðir ekki lýðræði og berst gegn þeim sem eru ekki alveg eins og hann. Það er aðeins vont fólk sem kýs svona öfgaflokka og því er greinilega aukin mannvonska í Frakklandi sem er vandamál sem Frakkar verða að reyna að breyta.

Allir lýðræðissinnar eiga að mótmæla þessum kosningum því að það er ógn við lýðræðið að flokkur eins og Þjóðar-Fylkingin skuli fá að bjóða sig fram því að stefnuskrá flokksins brýtur gegn mannréttindum, lýðræðinu og alþjóðasamningum.
Við megum ekki gleyma að flokkur Hitlers bauð sig líka fram í lýðræðislegu kerfi og ef það hefði ekki gerst þá hefði engin seinni heimstyrjöld orðið. Það er því skylda okkar að stöðva flokk Le Pens áður en hann fer að stækka meira!

Le Pen hefur gefið í skyn að hann vilji afnema lýðræðið og hefur hann boðað einangrunarhyggju í Frakklandi og vill afnema Frakkland úr ESB og öðrum alþjóðasamtökum.

Þessi atburður ætti að veka ráðamenn í Frakklandi úr dvala og fá þá til að viðurkenna aukin rasisma í Frakklandi og að þeir eigi að gera allt til þess að stöðva hann og ekki gera eins og 17% fólks með fáfræði og fordóma segir. Það þarf að styrkja notkun fjölmiðla fyrir umburðarlyndi og hefja fræðslu um fjölmenningarlegt samfélag strax í grunnskóla til þess að allir frakkar verði umburðarlyndari.

Innflytjendur eru ekkert vandamál í Frakklandi og það er bara fordómafullt fólk eins og þú sem segja það. Það þarf að berjast gegn ykkur en ekki innflytjendunum og lituðum sem koma flestir til þess að lifa betra lífi og vinna.

Lýðræðið var ekki gert fyrir mannhatara.

Fyrra álit

ritter fyrir 22 árum, 7 mánuðum

Sæll,

“Lýðræðið var ekki gert fyrir mannhatara.”

Hehehe, jæja er lýðræðið nú bara fyrir suma en ekki aðra. Æi kallinn minn, þú ert bráðskemmtilegur stundum :o)

Annars er þetta stærsti brandarinn sem þú sagðir:

“Innflytjendur eru ekkert vandamál í Frakklandi …”

Þessi var nokkuð góður Pési, þú ættir að gefa út brandarabók, já eða kynna þér aðeins hlutina áður en þú fullyrðir um þá. Annað eru fordómar :o)

Kv.

Hjörtu

Með kveðju,

Fyrra álit

[Notanda eytt] fyrir 22 árum, 7 mánuðum

Grundvallarreglur lýðræðisins eru þær að allir menn hafa jöfn réttindi án tilits til kynþáttar og þeim sem finnast annað eiga ekki að geta misnotað lýðræðið fyrir hatur sitt.

Hvaða vandamál hafa orðið vegna innflytjenda í Frakklandi?

Fyrra álit

ritter fyrir 22 árum, 7 mánuðum

Sæll,

“Grundvallarreglur lýðræðisins eru þær að allir menn hafa jöfn réttindi án tilits til kynþáttar og þeim sem finnast annað eiga ekki að geta misnotað lýðræðið fyrir hatur sitt.”

Þetta er án efa rétt, en hver er að mismuna mönnum eftir kynþætti? Ekki við, það er ekki minnst á kynþætti í nokkru því sem frá okkur hefur farið. Svo einfalt er það nú. Þú hins vegar hatar múslima víst vegna örfárra öfgamanna.

“Hvaða vandamál hafa orðið vegna innflytjenda í Frakklandi?”

Glæpatíðni þar er mjög hár meðal innflytjenda og miklu hærri en hjá innfæddum. T.d. er hvergi meiri glæpatíðni en í Marseille en þar eru einmitt langfjölmennustu innflytjendabyggðirnar.

Nýlega var líka í fréttum að múslimar í frakklandi væru að ráðast gegn gyðingum í landinu. Varla ertu kátur með það? Þetta eru vandamál sem fylgja innflytjendum.

Kv.

Hjörtu

Með kveðju,

Fyrra álit

[Notanda eytt] fyrir 22 árum, 7 mánuðum

En þið viljið mismuna innflytjendum með því að skipa þeim að aðlagast og svo hef ég stundum lesið síðu ykkar of finnst kynþáttafordómarnir oft skína í gegn. Ég hata múslima vegna þess að flestir hryðjuverkamenn í heiminum eru múslimar og flestir múslimar styðja hryðjuverk.

Ef að innflytjendur fremja fleiri glæpi en innfæddir þá skiptir það engu máli. Það eina sem þarf að gera er að reyna að fækka glæpunum sama hver á í hlut en mér finnst lausnir ykkar vera að fækka innflytjendum og það er ekki rétt.

Ég hata múslima og ég veit að þeir eru miklir gyðingahatarar. Því vil ég láta banna íslam og reka múslimar burt úr Frakklandi.

Múslimar eru einu slæmu innflytjendurnir og líka sumir arabar.

Fyrra álit

[Notanda eytt] fyrir 22 árum, 7 mánuðum

“En þið viljið mismuna innflytjendum með því að skipa þeim að aðlagast”

Hefur þú sjálfur ekki lýst því yfir að það sé allt í lagi með innflytjendur af annari trú en þinni, svo framarlega sem þeir skipti yfir í þína trú?

Ef það er í lagi að þeir ‘aðlagi’ trúarskoðanir sínar, akkuru er þá eitthvað að því að þeir aðlagist á öðrum sviðum líka?

Fyrra álit

[Notanda eytt] fyrir 22 árum, 7 mánuðum

Já, það er vissulega þörf á því að þú sérst ekki að rita þessa grein til varnar Jean-Marie Le Pen, ég býst nú við að enginn vilji álykta að neinn verji dýrmætum tíma sínum í að verja þann mann.
Hins vegar er óþarfi að verja franska kjósendur um of heldur.Vissulega eru til aðrar leiðir til að þrýsta á stjórnvöld að gera eitthvað sem sumum þeirra finnst eftilvill að þurfi að gera en kjósa svo hatursfullan mann. Lýðræðið er dýrmæt gjöf og það er vissulega “réttur” okkar að fara illa með þessa gjöf, en engu að síður fyrirlitlegt og ber vott um argasta vanþakklæti, það er í raun og veru svipaður glæpur og glæpur fallegrar manneskju sem eyðir lífi sínu og sínu fallega útliti í eiturlyfjaauglýsingar. Argasta vanþakklæti!
Vanþakklátir menn sem búa við þá blessum að búa í lýðræðisríkjum ættu helst að flytja til Íraks og læra kannski að meta það sem þeir höfðu…

Það eru alltaf betri leiðir en sú að kasta annari eins perlu og lýðræðinu og landinu sínu og þjóð fyrir annað eins svín og Jean-Marie Le Pen.
Þannig að Frökkum þeim sem gerðust sekir um að kjósa hann er nú ekki mikið til “varnar” heldur, enda sá sem kýs jafn sekur þeim sem hann kaus og engum leynist lengur hvern mann Jean-Marie Le Pen hefur að geyma, síst af öllu í upplýstu landi eins og Frakklandi.

Þrátt fyrir að óvandaðir Frakkar hafi gert þjóð sinni það ógagn og sýnt þessari merku þjóð, sem þeir eiga kannski ekki skilið að tilheyra, þá óvirðingu að kjósa þennan orðljóta, hatursfulla mannhatara, er ég alfarið á móti viðskiptabanni af neinu tagi eins og það sem átti að vera “lausnin” í sambandi við ástandið í Austurríki á sínum tíma…

Fasismi verður aldrei sigraður með fasisma, og fasismi á alheimsvísu er ennþá hættulegri en staðbundinn fasismi.

Gangi Jean-Marie Le Pen samt sem allra verst í pólítíkinni! Megi hann endast sem styst og ná að gera sem minnst ógagn og verða sinni merkilegu þjóð að sem minnstri smán….
Lifi hann bara ágætis lífi sem lengst í burtu frá opinberum vettvangi….

Þetta eru vissulega sorgar tíðindi fyrir Frakkland, en þeir eiga ekki að þurfa að gjalda fyrir gjörðir óvandaðra landa sinna með einhverju viðskiptabanni, takk fyrir! Það er eflaust einmitt það sem þessi maður vill: sem mesta eymd til að geta alið á sem mestu hatri og ofstæki.
Megi honum aldrei takast það….

Fyrra álit

Deiglan

Deiglan

Ofurhugar

Hverjir eru inni

Greinar

"Lýðræðissinnar" mótmæla lýðræðinu

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi