Grein Reynis Harðarsonar hvatti mig í þessa.

Í fyrra var stofnað nýtt félag; Goebbels-félagið. Félagið var sett á laggirnar til þess að hafa erindi við grunnskólana. Það ber nefnilega á miklum skorti á fræðslu um nasisma.

Starfsemi félagsins byggist á því að meðlimir fari í 6. bekk grunnskóla og afhendi þar öllum börnum sérstaka útgáfu af Mein Kampf; sérprentaða með merki félagsins og hakakrossinn á forsíðunni auk formála um þessa merku bók þar sem lesandanum er skýrt frá því hvernig bókin eigi að styðja við för lífs manns og allt í henni sé satt og rétt.

Í heimsóknum Goebbels-manna er einnig farið yfir nafn félagsins. Þá er sagt frá þeirri fallegu sögu hvernig Goebbels hjálpaði til við að halda uppi NSDAP og stjórn nasista sem höfðu náð fram sjálfstæði áður undirokaðs Þýskalands auk þess sem sagt er frá mælskulist hans sem hefur innblásið margan manninn allar götur síðan.
Í lok heimsóknar eru börnin svo leidd í „Heil Hitler“ þar sem Leiðtoginn er hylltur. Sjá mynd.

Ákveðin mannréttindaráð hafa reynt að hefta framför Goebbles-félagsins en formaður félagsins hefur þetta að segja um gagnrýni:

Hreinn Bolli
Það er ómaklega vegið að siðferðislegum grunni þjóðarinnar eigi að hætta þessu. Við erum einfaldlega að veita börnum fræðslu um mikilvægan grunn mannréttindabaráttu. Hvað er svona að því að börnin fái bók að gjöf frá okkur? Ég skil ekki hvaða áróður er verið að tala um.

Gjaldkeri hins Íslenska Nýnasistafélags hefur einnig gagnrýnt ýktar umræður ákveðins mannréttindaráðs;

Línus Gauti
Það er einfaldlega fáránlegt að ætla sér að taka sig til og BANNA þjóðfélagsfræðikennslu eins og ákveðið mannréttindaráð leggur til. Fræðsla á að vera fyrir alla. Í fjölmenningarsamfélagi verða börn að læra að bera virðingu fyrir mismunandi skoðunum og fræðast um þau.
Nasismi er eitthvað sem fylgt hefur ávallt fylgt Íslendingum og þjóðin er með sterka þjóðernisvitund. Mein Kampf er grunnur allra grunngilda landsmanna, þeim siðferðislega grunni sem landið er byggt á. Mein Kampf er lykillinn að listum og menningu Evrópu allrar.

Ritari Nýnastistafélagsins skrifar svo einnig á bloggsíðu sína:

Mist Eik
Nú ætlar mannréttindaráð svo að BANNA meirihluta landsmanna að hafa stjórnmálaskoðun! Það á að ríkja skoðanafrelsi á þessu landi!

Formaður Nýnastistafélagsins lét þessi orð falla um daginn:

Manni Manns
Um þessar mundir ber svo að að í nafni mannréttinda, sem nasisminn skóp, ætlar eitthvert ráð að útskúfa ansi ágætum mönnum. Sé slíkt skoðað til hlítar sést svo greinilega að tilætlunin ein og sér er þess efnis að ráðast gegn nasisma og nasistum öllum.
[...]
En minni ég svo á, að nasisminn er menning Íslands og hefur verið um ævir alda. Úr Mein Kampf eru komin gildi þjóðarinnar og lög, og hefð er orðin fyrir því ágæta fyrirkomulagi að heiðursfélög gefi rausnarlega til barna landsins af góðum boðskapi. Þessa hefð ágæta og svo fína ætlar fólk svo að rjúfa. En það verður að skoða málið í sögulegu samhengi! Og sjá, frá landsnámsöld hefir hér ríkt þjóðernishyggja, enda er hún menning okkar og siðferðislegi grunnur. Þennan grunn er ekki hægt að loka úti.

…

Ég minni svo á reglulegar heimsóknir Nýnasistafélagsins í leikskóla þar sem börnunum eru kenndar sögur af Hitler og læra að heilsa að nasistasið. Fær leikskólinn þinn ekki örugglega heimsókn?


…

PS Ég er stoltur af frumleika nasista-líkingarinnar.
Sorrí, ég taldi mig bara ekki hafa nógu góð tök á neinu öðru.