Þeir hafa mikið magn M-16 árásarriffla sem Ísraelsmenn létu þeim í té til að stofna lögreglusveitir. Auk þess eiga þeir gríðarlegt magn AK-47 árásarriffla sem hefur verið smyglað frá líbanon og annarsstaðar. Einnig er til töluvert af RPG (rocket propelled grenades) flaugum og til dæmis fannst mikið af þeim í höfuðstöðvum Arafats í trássi við friðarsáttmálann sem Palestínumenn eru aðilar að. Þar að auki eiga þeir og geta búið til sprengjuvörpur (ákaflega einfalt vopn) og sem dæmi um hversu þróuð þessi “heimaiðnaður” palestínumanna er má nefna Quassam 2 eldflaugina sem skotið hefur verið á Ísrael og hefur um það bil 8 km drægi (ekki rugla þessari flaug saman við katyusha flaugar sem Hezbollah hafa skotið á norður Ísrael undanfarið).
Varðandi það að skæruliðar þurfi land til að hörfa til er það aðeins rétt að vissu leyti. Þeir þurfa að vísu að skipuleggja aðgerðir sínar betur en þeim hefur reynst ákaflega auðvelt að leynast meðal íbúanna og á þann hátt hefur þeim reyndar tekist að gera alla palestínumenn að skotmörkum.
Palestínumönnum er engin vorkunn að stunda alvöru skæruhernað gegn Ísraelsher/lögreglu en á meðan þeir kjósa að sprengja sig í loft upp á pizzastöðum og diskótekum tel ég þá hryðjuverkamenn.
Varðandi hroka og yfirlæti þá átti ég kannski að liggja á minni skoðun en mér leiðist einfaldlega að lesa pósta þar sem ekkert er lagt fram til umræðunnar annað en að þessi og hinn leiðtoginn sé fáviti eða nasisti.

Og riffill úr WWII dugar ekki í dag? Þetta eru ákaflega slöpp rök. Algengasti herriffill í heiminum í dag er seinni heimsstyrjaldarhönnun.

47% Ísraela styðja hugmyndir um “tilflutning” þ.e. að Palestínumenn verði með öllum mögulegum ráðum hraktir burt af löndum sínum þar sem þeir hafa búið kynslóð fram af kynslóð í þúsundir ára. Þetta hlutfall hefur aldrei mælst hærra hjá þjóð Ísraels og það er mjög ógnvekjandi. En á móti þá eru 53% sem styðja hugmyndina ekki, innan hersins eru margir sem myndu hreint út sagt neita að framkvæma skipanir um að reka Araba frá heimilum sínum, Ísraelskar friðarhreyfingar hafa vaxið mikið undanfarna mánuði og flestir stjórnmálamenn Ísraels skilja það vel að slíkar aðgerðir mynda kippa fótunum undan tilveru Ísraelsríkis. Ísraelar eru ekki rollur sem láta misvitra stríðsæsingamenn leiða sig áfram í blindni.

Atvinnuleysi og óðaverðbólga Weimar-lýðveldisins á fjórða áratugnum á lítið skylt við uppganginn og dot.com væðingu Ísraels síðasta áratuginn. Þjóðverjar höfðu engu að tapa í sínu kreppuvolæði. Ísraelar hafa á hinn bóginn öllu að tapa, öll uppbygging Ísraels síðustu 50 árin gæti fokið út um gluggann eins og hendi sé veifað vegna einnar vanhugsaðrar ákvörðunar, þetta er svo rosalega viðkvæmt.

Auðvitað eru vissir menn í Ísraelsríki sem uppfylla öll þau skilyrði að teljast vera nasistar en þeir menn munu aldrei ná því taki á Ísraelsþjóð sem Hitler og félagar náðu á Þjóðverjum.

Þetta kom sem svar til mín, en ertu viss um að þú hafir verið að svara mér?
Ég sagði aldrei að Ísrael væri eina lýðræðisríkið á þessu svæði…
Lestu svo eitthvað um Gyðingdóm, Gyðingar eiga ekki að vera “herraþjóð”, málið er allt öðruvísi og mikið flóknara en það.
Sharon er auðvitað fífl, en hann getur ekki falið sig á bak við trú sína eða einhverja hugmyndafræði fyrir því.
Veistu hvað ég las Mein Kampf og það meira að segja á ÞÝSKU!
Lestu þá bók,( margt í henni kemur nú úr “On the jews and their lies” eftir Martein Luther, sem gerðist Gyðingahatari á efri árum…en kaþólikkinn Hitler hrósaði þessum föður Lúterstrúar einmitt óspart ), þá sérðu að það sem Gyðingatrú eða kabballah til dæmis heldur fram um að Gyðingar eigi að vera “ljós” er tals vert ólíkt þeim morðóðu hugmyndum sem koma fram í svona bókum…Sem sé hvaða Þjóðverji sem hefði nennt að lesa bókina eftir leiðtoga þeirra hefði getað getið sér til um að svona myndi fara…

Þjóðverjar ætluðu sér að eyða óæðri kynstofnum og hneppa svo þá “skárri”, svo sem Asíubúa, í þrældóm…

Gyðingar eru ekki sambærileg “herraþjóð”…
Samkvæmt Gyðingdómi þá voru Gyðingar í fyrndinni ómerkilegastir allra þjóða…Þeir voru þrælar og höfðu verið kynslóðum saman og aldrei afrekað neitt..Guð valdi þessa þjóð þar sem ólíklegast væri að hún myndi misskilja tilgang hans, halda að hún afþví hún væri “betri” á einhvern hátt…Þetta margtyggja allir trúaðir Gyðingaforeldrar og rabbíar ofan í börn…Sem sagt, þessi þjóð var valin afþví hún var ómerkilegust og því síst líkleg til að fara að líta á sig sem “æðri” eða fyllast monti yfir hlutverki sínu…Það er saga um Babelsturninn í fyrndinni þegar allir menn töluðu sama mál og voru meira og minna ein þjóð, en það hafi Guð ekki viljað, af dularfullum ástæðum og látið turninn falla og séð til þess að ólík mál yrðu til, ólík menning og svo framvegis…Gyðingar trúa því einmitt að sérstaða þeirra, og margir einnig sérstaða annara, hafi guðdómlegan tilgang, og heimurinn verði aldrei raunverulega umburðarlyndur ef það umburðalyndi byggir á “drekka kók, borða Mc, hlusta á Britney Spears, allir að vera eins…”Umburðarlyndi sem er raunverulegt virði sérstöðu einstklinga og þeirra hópa sem þeir vilja tilheyra, og því hafi fjölbreytni guðdómlegan tilgang…Gyðingar eiga svo að vera “ljós”, það er fyrst og fremst það sem þeir eru útvaldir til…og þeir eiga einnig að hvetja aðra til að vera “ljós”…og gera tilveruna bjartari, en auðvitað hunsa þetta margir Gyðingar rétt eins og margir kristnir eða margir múslimar, sem þó allir trúa á það að vera ljós…Gyðingar trúa hins vegar ekki ólíkt t.d. mörgum kristnum að sáluhjálp sé fólgin í því að vera Gyðingur, né að menn af öðrum trúarbrögðum komist síður á betri staðinn eftir dauðan.

Sem sagt, lestu Mein Kampf, og það helst á þýsku eins og ég, þannig er hann allra ljótastur, og síðan skalltu lesa þér til um Gyðingdóm, sjáðu til dæmis http://www.beliefnet.com
og dirfstu svo aftur að líkja einu af helstu trúarbrögðum heimsins, sem bæði kristni og Islam eiga rætur í við þessa bók….

Ég tek það fram í hundraðasta skipti að ég þoli ekki Sharon heldur. Hins vegar gefur það manni ekki rétt til að gera lítið úr trú annars fólks.

Gyðingdómur hvetur ekki til manndrápa, í raun gerir kristni það frekar þar sem túlkun bókstafstrúarmanna innan kristni er nær Gamla Textamenntinu en Gyðingdómur (sem hefur jú fleiri og “flóknari” “Nýju Textamennti”, Gunnar Dal segir að það taki um 10 ár að lesa það allt saman, gæti verið rétt..)Mjög trúaðir Gyðingar trúa almennt á alls konar hluti sem kristnir bókstafstrúarmenn fordæma, svo sem endurholdgunarkenninguna…Meðan Gyðigar trúa ekki á helvíti yfirleitt, og alls ekki á Satan, sem ákv. anda eða persónu, það er argasta villutrú fyrir þeim…Svona er þetta ólíkt, þar sem þeir eru fjær Gamla Textamenntinu á vissan hátt, en segja sig þó vera nær því, sem gæti verið en túlkun þeirra er bara svo gjör ólík…og svo “óbókstafleg”…þá eru þeir ástunda þeir minna “morðóða” hugmyndafræði, en til dæmis margir kristnir bókstafstrúarmenn (ég vil ekki gera lítið úr þeim öllum) eða kaþólikkar forðum með sinn rannsóknarrétt og allt það…

Mein Kampf hins vegar, segir hverjum sem er, nema viðkomandi sé fáviti, að höfundinum finndist besta mál að drepa alla Gyðiga heimsins…Og hann var ekki fyrsti Þjóðverjinn til að láta annað eins frá sér…